📣 Хөрөнгийн зах зээлийн эргэн тойронд No7

Шинэ өдрийн мэнд,

📩Апекс Капиталын зүгээс харилцагчдадаа зориулан долоо хоног бүр хүргэдэг хөрөнгийн зах зээл, эдийн засаг, хувийн санхүүтэй холбоотой мэдээллийг бэлтгэн илгээж байна.

ДУГААРЫН ЭМХЭТГЭЛ

🏛️ Лондонгийн бирж дээр бүртгэгдсэн компани

🛤 Гашуунсухайт- Ганцмод боомтын хэлэлцээр

🏦 Улсын төсвийн тэнцвэржүүлсэн тэнцэл I сард

💹 WeChat болон Deepseek

🎯 Монголоос анхдагч…

🚀Инвескор Санхүүгийн Группийн толгой компани болох InvesCore Financial Group /ICFG/ 2-р сарын 13-ны өдөр Лондоны Хөрөнгийн Биржид арилжаагаа эхлүүлж олон улсын нээлттэй компани болсноор манай улсаас энэхүү бирж дээр хувьцаа нь арилжаалагдсан анхны компани болсон түүхэн үйл явдал боллоо.

🤝 Дэлхийд үнэлгээгээрээ 2-т ордог хөрөнгийн зах зээлийн томоохон биржийн нэг Лондоны Хөрөнгийн Биржид Манай улсаас анх удаа бүртгүүлсэн компани боллоо. Тус Бирж нь 70 гаруй улсын нийт 2700 гаруй компани бүртгэлтэй ба зах зээлийн үнэлгээ нь 3.5 их наяд паундаар үнэлэгдэж байна.

Тус компанийн хувьцаа нь өнгөрсөн 7 хоногийн 5 дахь өдрийн арилжаагаар 5.01% өсөж 51.46 паундаар хаагдсан юм. Нийт арилжааны хэмжээ нь 146.6 мянган паунд хүрсэн байна.

💡 Гашуунсухайт- Ганцмод боомтын хэлэлцээр…

🚂БНХАУ-ын Төрийн зөвлөлийн Ерөнхий сайд Ли Чян болон МУ-ын Ерөнхий сайд Л.Оюун-Эрдэнэ нар Харбин хотод уулзан Гашуунсухайт-Ганцмод боомтын хил дамнасан нүүрсний худалдааны хэлэлцээрийг байгуулжээ. Энэхүү хэлэлцээрийн хүрээнд Монгол улс, БНХАУ-ын хооронд Шивээхүрэн-Сэхээ, Бичигт-Зүүнхатавч, Ханги-Мандалын боомтууд төмөр замаар холбогдох нөхцөл бүрдэж байгаа ба хоёр улсын хооронд анхны хил дамнасан төмөр зам бий болж байгаа юм.

🛤Энэхүү төмөр зам ашиглалтад орсноор нүүрсний экспорт жилд дунджаар 83 сая тонноос 165 сая тонн, нүүрс борлуулалтын орлого жилд 1.5 тэрбум ам.доллароор нэмэгдэх боломжтой хэмээн эрх баригчид үзэж байгаа ба нэг хүнд ногдох дотоодын нийт бүтээгдэхүүний хэмжээ 10,000 ам.доллар хүрэх зорилт биелнэ гэдгийг мөн онцолжээ. 

📝Улсын төсвийн тэнцвэржүүлсэн тэнцэл I сард 492.7₮ тэрбумын алдагдалтай гарлаа…

📌 Төсвийн тэнцвэржүүлсэн орлого тусламжийн хэмжээ 1.7₮ их наядад хүрч, өмнөх оны нэгдүгээр сараас 1.1₮ их наяд буюу 39%-р буурсан байна.
Нийт зарлага эргэж төлөгдөх цэвэр зээлийн хэмжээ 2025 оны I сард 2.2₮ их наядад хүрч, тэнцвэржүүлсэн тэнцэл 492.7₮ тэрбумын алдагдалтай гарлаа.
Татварын нийт орлого 2025 оны I сард 1.5₮ их наядад хүрч, өмнөх оны мөн үеэс 44%-р буурсан байна.

📬 Монгол шуудан ХК ногдол ашиг тараана…

🚩 “Монгол шуудан" ХК-ийн ТУЗ-н 2025 оны 2 дугаар сарын 13-ны өдрийн 25/02 тоот тогтоолоор компанийн 2024 оны жилийн эцсийн цэвэр ашгийн 7.2%-г буюу 99.5₮ саяыг хувьцаа эзэмшигчдэдээ ногдол ашиг болгон хуваарилахаар шийдвэрлэжээ.
Нэгж хувьцаанд 1.0₮ ногдол ашгийг олгох бөгөөд ҮЦТХТ ХХК-р дамжуулан 2025 оны 04-р сарын 31-ний өдрийн дотор нийт хувьцаа эзэмшигчдийн дансанд байршуулахаар шийдвэрлэсэн байна.

🔴 Монгол шуудан ХК нь 2024 онд нийт 23.8₮ тэрбумын борлуулалтын орлоготой ажилласан нь өмнөх оноос 23%-р өссөн үзүүлэлт юм. Харин борлуулалтын өртөг өмнөх оноос 1.7%-р өсөж 21.8₮ тэрбумд хүрчээ.

🔺 2023 онд үндсэн бус үйл ажиллагаанаас олсон ашиг буюу ОХУ дахь санкцтай холбоотой төлбөр тооцоо удаан хугацаанд хийгдэж байсан, мөн рублийн ханшийн уналт нь тухайн оны цэвэр ашигт ихээхэн нөлөө үзүүлжээ. Харин 2024 онд зөвхөн үндсэн үйл ажиллагаанаас ашиг олсон байна.

 ✅ WeChat болон Deepseek

💹 WeChat хайлтын системдээ DeepSeek Ai-г нэвтрүүлж байгаа бөгөөд энэхүү мэдээний нөлөөгөөр Tencent Holdings (OTCPK:TCEHY)-ийн хувьцаа 2021 оноос хойших дээд ханшдаа хүрээд байна. БНХАУ-ын ерөнхийлөгч Ши Жиньпиний удирдсан “Хувийн хэвшлийг тэлэх” бизнес уулзалтаас хөрөнгө оруулагчдын итгэл нэмэгдсэн нь мөн нөлөөлжээ.

🔻DeepSeek тэргүүтэй Tencent, Alibaba, Baidu зэрэг компаниуд Хятадын хиймэл оюун ухааны салбарт тэргүүлж байгаа ч Alibaba, Baidu-ийн хувьцаа тайлангийн хүлээлтээс үүдэлтэй 3.6% болон 8.6%-иар тус тус унаад байна.

💸Бид танд жилийн 18.5-19.5% өгөөжтэй, барьцаа хөрөнгийн баталгаатай, үнэ цэнийг бүтээгч компаниудын бүтээгдэхүүнийг санал болгож байна.