🔍 Хөрөнгийн зах зээлийн эргэн тойронд No60

Шинэ жилийн мэнд,

📩Апекс Капиталын зүгээс харилцагчдадаа зориулан 7 хоног бүр хөрөнгийн зах зээл, эдийн засагтай холбоотой онцлох мэдээллийг бэлтгэн хүргээд өнөөдөр 60 дахь дугаараа илгээж байна.

🤩 Ирэх ондоо илүү их мэдлэг мэдээлэлтэйгээр эргэн уулзъя.

ДУГААРЫН ЭМХЭТГЭЛ

📈 Хувьцаат компаниудын ногдол ашиг 22.4% өсжээ

💰 Нийслэлийн төсөв 2025 онд 3.8₮ их наядыг татан төвлөрүүлнэ

📊 2024 S&P 500 шилдгүүд

☕ Он гарсаар 70% өссөн кофены үнэ

🚀 Хувьцаат компаниудын ногдол ашгийн хэмжээ 22.4% өсөж, 799.22 тэрбум төгрөгийг хөрөнгө оруулагчдад тараалаа.

📝 Компанийн тухай хуульд зааснаар хувьцаат компанийн ТУЗ нь санхүүгийн жил дууссанаас хойш 50 хоногийн дотор ногдол ашиг хуваарилах эсэх талаар хэлэлцэн шийдвэрлэж, энэ тухай хувьцаа эзэмшигчдэд мэдэгдэх үүрэгтэй.

🙌 2024 эхний улиралд 90 хувьцаат компани ногдол ашиг хуваарилах эсэх тухай шийдвэрээ МХБ-д ирүүлсэн бөгөөд үүнээс нэр бүхий 40 хувьцаат компани 2023 оны цэвэр ашгаас нийт 799.22 тэрбум төгрөгийн ногдол ашиг хуваарилахаар тогтоож хөрөнгө оруулагчдын дансанд байршуулсан.

⭐Энэ жилийн хувьд Таван толгой ХК ногдол ашгаар дотооддоо түүчээлдэг жишгээ хадгалж, цэвэр ашгийн 70 хувь буюу 263 тэрбум төгрөгийг олгосон. Ингэснээр ногдол ашгийн өгөөж 28.1 хувьд хүрсэн нь онцлох үзүүлэлт боллоо.

📣Нийслэлийн төсөвт 2025 онд 3₮ их наяд 856.3₮ тэрбумын орлого төвлөрүүлэхээр баталсан бөгөөд үүнээс 85.9% буюу 3 их наяд 314.4₮ тэрбумыг татварын орлогоор, 14.1% буюу 541.9₮ тэрбумыг татварын бус орлогоор бүрдүүлж байна.

📍Ирэх оны төсвийн нийт зарлагын 38.1% буюу 1 их наяд 329.3₮ тэрбумыг урсгал зардалд, 50.4% буюу 1 их наяд 720.2₮ тэрбумыг хөрөнгийн зардалд төвлөрүүлэхээр болсон байна.

🔺Харин...

🧐2.2% буюу 78.3₮ тэрбумыг дамжуулан зээлийн эргэн төлөлтөд, 8.9% буюу 327.2₮ тэрбумыг үнэт цаасны эргэн төлөлтөд, 0.4% буюу 14.1₮ тэрбумыг алслагдсан гурван дүүргийн санхүүгийн дэмжлэгт олгохоор төлөвлөжээ.

📈 Бодлогын хүү буурч, инфляц тогтворжсон зэрэг олон шалтгааны улмаас АНУ-ын хөрөнгийн зах зээл 2024 онд өсөлттэй байлаа. Оны эхнээс 12-р сарын 27-ыг хүртэл S&P 500 индекс 25.89% өсөөд байна.

🚩Харин эдгээр 500 аж ахуйн нэгжүүдийн хамгийн их өсөлт үзүүлсэн нь дээрх 5 компани байна.

• Palantir, AI-ийн хөгжил болон засгийн газартай байгуулсан гэрээнүүдийн улмаас.

• Vistra, сэргээгдэх эрчим хүчний шинэ төслүүд амжилттай болсон ба улирлын тайлангууд сайн гарсан.

• Nvidia, хиймэл оюун ухаан хөгжихийн хэрээр тэдний орлого нэмэгдэж байна.

• United Airlines, Дэлхийн агаарын тээврийн эрэлт энэ онд нэмэгдсэн бөгөөд менежментийн үр ашгийг нэмэгдүүлж, зардлыг бууруулах стратеги ажилласан.

• Ge Vernova, Сэргээгдэх эрчим хүчний эрэлт нэмэгдсэнээс үүдэлтэй.

 ☕ Кофены үнэ он гарсаар 70% өссөн байна.

📜 Энэ жил Бразил, Вьетнам зэрэг томоохон бүс нутгуудад ган гачиг болж, дэлхийн хэрэглээний өсөлтөөс шалтгаалж арабика кофены үнэ 70% орчим өсөж, 1977 оноос хойших хамгийн дээд цэгтээ хүрчээ.

✨ Үндсэн шалтгаан,

💬Минас-Жерайс дахь кофе тариалах гол бүс нутагт дунджаас бага хэмжээний хур тунадас орсон нь ургацын өсөлтийг саатуулж ургац буурах магадлалыг нэмэгдүүлэв.

👀Энэхүү хомсдол нь 2025/26 оны ургацад үзүүлэх болзошгүй нөлөөллийн талаарх түгшүүрийг төрүүлсэн бөгөөд шинжээчид үйлдвэрлэлийн хэмжээ жилээс жилд 5%-иар буурна гэж таамаглаж байна.

✍️ Кофены томоохон худалдаачин Volcafe Бразилийн арабика үйлдвэрлэлээ 11 сая уутаар бууруулж 34,4 сая болгож бууруулжээ.

 💸 Өндөр хүүтэй бондоор хөрөнгө оруулалтын багцаа нэмэгдүүлэх боломж...

• Бид танд жилийн 18.5-20% өгөөжтэй, 12-18 сарын хугацаатай, барьцаа хөрөнгийн баталгаатай, үнэ цэнийг бүтээгч компаниудын бүтээгдэхүүнийг санал болгож байна. Та улирал тутмын тогтмол хүүгийн төлөлтөөр орлогын эх үүсвэрээ нэмэгдүүлээрэй.