💫 Хөрөнгийн зах зээлийн эргэн тойронд No6

Шинэ өдрийн мэнд,

📩Апекс Капиталын зүгээс харилцагчдадаа зориулан долоо хоног бүр хүргэдэг хөрөнгийн зах зээл, эдийн засаг, хувийн санхүүтэй холбоотой мэдээллийг бэлтгэн илгээж байна.

ДУГААРЫН ЭМХЭТГЭЛ

🏛️ Төрийн өмчит компаниудын өсөлт

📈 Богд банк хаалттай компани болно

🏦 Ард санхүүгийн нэгдэл ХК 2024 онд

💰 Он гарсаар уул уурхайн бүтээгдэхүүний биржийн арилжааны дүн

Богд Банк ХК-н хувьцаа эзэмшигчдийн анхааралд

2025 оны 02-р сарын 03-ны өдөр "Богд Банк" ХК-ийн хувьцаа эзэмшигчдийн ээлжит бус хуралдаан болж хаалттай хувьцаат компани болгох, компанийн дүрмийн шинэчилсэн найруулгыг батлах асуудлуудыг хувьцаа эзэмшигчдийн 99.8 хувийн саналаар дэмжсэн. Иймд хувьцаагаа эргүүлэн худалдан авах хүсэлтэй байгаа иргэд доорх линкээр орж мэдээлэлтэй танилцаж хүсэлтээ гаргах боломжтой.

Та дэлгэрэнгүй мэдээлэл авах бол ЭНД дарна уу.

💡 2025 он гарсаар төрийн өмчит компаниудын өсөлт өндөр байна…

📊Он гарснаар төрийн эзэмшил өндөртэй нэр бүхий хувьцаат компаниудын хувьцааны ханш хоёрдогч зах зээл дээр богино хугацаанд өндөр өсөлтийг үзүүлж байна. Үүнд;

• MSE:MCH Монголын цахилгаан холбоо ХК,

• MSE:BAN Багануур ХК

• MSE:SHV Шивээ овоо ХК-ийг дурдаж болох юм. 

⭐MCH: Монголын цахилгаан холбоо ХК-ийн хувьд 2017 онд БНСУ-ын “Кореа телеком корпораци”-с өөрийн эзэмшилд байсан хувьцаагаа Засгийн газарт худалдах саналыг тавьж, улмаар Засгийн газар хувьцааг нь худалдан авсан байдаг. Үр дүнд нь төр тус компанийн 94.7% буюу үнэмлэхүй том хувьцаа эзэмшигч болж байсан юм. 

🪨 Уул уурхайн бүтээгдэхүүний биржийн арилжааны дүн…

📝 Оны эхний сард уул уурхайн бүтээгдэхүүний биржээр 277.3₮ тэрбумын үнийн дүнтэй арилжаа хийгдсэний 212.2₮ тэрбум үнийн дүнг Дарханы 
төмөрлөгийн үйлдвэр болон Монголросцветмент ТӨҮГ 1 сая тонн төмрийн хүдэр 
болон баяжмалаар арилжаалсан байна.

👉Үлдсэн 65.2₮ тэрбум үнийн 
дүн бүхий 256 мянган тонн нүүрсийг Эрдэнэс Тавантолгой ХК, Энержи Рэсурс 
ХХК, Хангад эксплорэйшн компаниуд тус тус нийлүүлжээ. Ийнхүү эхний сарын
байдлаар уул уурхайн биржээр арилжаалагдсан нүүрсний үнэ 
ойролцоогоор 10% өсөлтийг үзүүлээд амжсан байна.

📍Ард санхүүгийн нэгдэл ХК 2024 онд…

👉 Компани 2024 онд 10.6₮ тэрбумыг нийт орлогоор төвлөрүүлсэн нь өмнөх онтой харьцуулахад 10.8%-иар буурсан үзүүлэлттэй байна.

📕Нийт зардал 10.3₮ тэрбумд хүрсэн бол цэвэр ашиг 743.9₮ саяд хүрч өмнөх оноос 543.5%-иар нэмэгдсэн байна.

🔻 Үндсэн хөрөнгө 39.4%-иар буурч 260.0₮ саяд хүрч ажиллажээ.

🇺🇸 Д.Трамп дахин импортын татварыг нэмлээ.

Өнгөрсөн 7 хоногт Д.Трамп ган болон хөнгөн цагааны импортод 25% татвар ноогдуулахаар болжээ. Ингэснээр томоохон дэд бүтцийн салбаруудад үнийн дарамт үүсэж болзошгүй талаар эх сурвалжууд мэдээлж байна. Энэхүү татвар нь суурь инфляцыг өдөөх өндөр магадлалтай юм.

Энэхүү мэдэгдлийн дараа АНУ томоохон ган үйлдвэрлэгч компани болох United States Steel Corp /NYSE:X/ компанийн хувьцаа 5.83%-р унасан бол амралтын өдрүүдэд Япон улсын томоохон ган үйлдвэрлэлийн компани болох Nippon Steel Corp /TYO:5401/ нь United States Steel Corp-д хөрөнгө оруулалт хийнэ гэснээр ханш after дээр бага зэрэг өсөлт үзүүлсэн байна. 

💸Бид танд жилийн 18.5-19.5% өгөөжтэй, барьцаа хөрөнгийн баталгаатай, үнэ цэнийг бүтээгч компаниудын бүтээгдэхүүнийг санал болгож байна.