📰 Хөрөнгийн зах зээлийн эргэн тойронд No59

Шинэ өглөөний мэнд,

📩Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.

ДУГААРЫН ЭМХЭТГЭЛ

📈 Хоёрдогч арилжааны хэмжээ 66 хувиар өсөв

🔝 Хамгийн их хувьцаа эзэмшигчтэй 10 хувьцаат компани

👀 2025 онд АНУ бодлогын хүүгээ бууруулна

💰 Сүүлийн нэг жилд орлогоороо тэргүүлсэн Walmart

Дотоодын хөрөнгийн зах зээлийн хөрвөх чадвар нэмэгдэв.

🙌2024 оны эхний 3 улирлын байдлаар хувьцааны хоёрдогч арилжаагаар нийт 217.7 тэрбум төгрөгтэй тэнцэх гүйлгээ хийгджээ. Энэ нь өмнөх оны мөн үеэс 66 хувиар өссөн үзүүлэлт юм. Түүнчлэн өрийн хэрэгслийн арилжаа 294 хувиар нэмэгдсэн байгаа бөгөөд хөрөнгөөр баталгаажсан үнэт цаасны хоёрдогч арилжаа ч өсөлттэй байлаа.

👀Нийт анхдагч болон хоёрдогч арилжааны дүнгийн 63.3 хувийг хувьцааны арилжаа бүрдүүлсэн бол 35 орчим хувийг тогтмол өгөөж бүхий өрийн хэрэгсэл ХБҮЦ-ны арилжаа эзэлжээ. Энэ нь ХЗЗ-д тогтмол өгөөж бүхий эрсдэл багатай санхүүгийн хэрэгсэл эрэлттэй байгааг харуулж байна.

Нийт 51,987 хувьцаа эзэмшигч Женко тур бюро компанийн хувьцааг эзэмшиж байна.

Дотоодын хөрөнгийн зах зээлд хувьцаа эзэмшигчдийн тоогоор тэргүүлж буй 10 компанийн 5 нь банк, санхүүгийн чиглэлээр үйл ажиллагаа явуулж байгаа аж. Жагсаалтыг Женко тур бюро тэргүүлсэн бол үүний дараа Улсын их дэлгүүр болон Апу ХК-ууд оржээ.

🔺Буруу тодотгол...

Хэдийгээр МХБ дээр бүртгэлгүй буюу нээлттэй арилжаа хийгдэхгүй байгаа боловч хамгийн олон хувьцаа эзэмшигчтэй ХК бол Эрдэнэс таван толгой.

Инфляц Монгол банкны зорилтот түвшнээс давсан байгаа цаг үед хүн бүрд ногдол ашиг тараахаар болсон бөгөөд ЭТТ компанийн санхүүгийн тайлан ч гарч амжаагүй байгаа билээ.

2025 онд ХНС бодлогын хүүг 50 нэгжээр бууруулна.

АНУ-ын хөрөнгийн зах зээл 2024 онд маш амжилттай байгаа. Тухайлбал S&P 500 индексэд 11 секторын компаниуд багтдаг бөгөөд оны эхнээс хойш одоогоор бүх сектор өсөлттэй байна. Сонгууль, эдийн засаг, бодлогын хүү, компаниудын тайлан зэрэг олон хүчин зүйл бий ч хамгийн их нөлөөлж буй нь инфляц болон бодлогын хүү юм.

Оны эхэнд АНУ-ын инфляц 3.1% байсан бол 11-р сарын байдлаар 2.7% болж буураад байна. ХНС зүгээс инфляц үүнтэй холбоотойгоор бодлогын хүүг бууруулж байгаа ба 12-р сарын байдлаар 4.5% болсон.

🎯ХНС-ын дарга хамгийн сүүлийн хурлын үеэр 2025 онд бодлогын хүүг 2 удаа буюу 50 нэгжээр бууруулна хэмээн мэдэгдээд байна. 

Өнгөрсөн долоо хоногт Yahoo Finance 2024 оны шилдэг компаниар Уолмарт-ыг тодрууллаа. 60 гаруй жилийн турш Америкийн бизнесийн тулгын чулуу гэгддэг Уолмарт нь удаан боловч тогтвортой өсөлттэй, төлөвшсөн компани гэж үнэлэгддэг.

✨2024 он

Өндөр инфляцын үед хэрэглэгчдийн эрэлт багассан ч Walmart нь Target зэрэг гол өрсөлдөгчдөөсөө илүү гарсан. Сүүлийн 12 сарын хугацаанд нийт орлого жилийн өмнөхөөс 5.5%-иар өсч, 674 тэрбум долларт хүрсэн нь Америк компаниудын дунд хамгийн томд тооцогдож байна.

Үүний зэрэгцээ цэвэр орлого 21%-иар өссөн байна.

Үр дүн? Уолмарт-ын хувьцаа энэ жил 76%-иар өсч, зах зээлийн үнэлгээгээ 340 тэрбум доллараар нэмэгдүүлэв.

 💸 Өндөр хүүтэй бондоор хөрөнгө оруулалтын багцаа нэмэгдүүлэх боломж...

• Бид танд жилийн 18.5-20% өгөөжтэй, 12-18 сарын хугацаатай, барьцаа хөрөнгийн баталгаатай, үнэ цэнийг бүтээгч компаниудын бүтээгдэхүүнийг санал болгож байна. Та улирал тутмын тогтмол хүүгийн төлөлтөөр орлогын эх үүсвэрээ нэмэгдүүлээрэй.