📢 Хөрөнгийн зах зээлийн эргэн тойронд No58

Шинэ өдрийн мэнд,

📩Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.

🔍 ДУГААРЫН ЭМХЭТГЭЛ

📈 2024 онд 23.9% өссөн ТОП 20 индекс

📶 Манай улсын гадаад өрийн хэмжээ

 📍2025 оны инфляцын төлөв

🧈 Он гарсаар алтны өсөлтөд нөлөөлсөн хүчин зүйлс…

🌟 2024 онд ТОП 20 индекс 23.9 хувиар өсжээ…

📉Дотоодын хөрөнгийн зах зээлийг илэрхийлэх топ 20 индекс жилийн эцсийн байдлаар өсөлттэй байгаа бол үүнд багтах 20 компанийн 8 нь ханшийн өсөлттэй 12 нь уналттай байна.

• 🏛️Монголын хөрөнгийн бирж ХК болон Таван толгой компаниудын ханш өсөлтөөр тэргүүлсэн буюу 201.6 ба 104 хувиар тус тус өсжээ. 2024 оны 12 сарын 13-ны өдрийн хаалтын ханшаар дээрх тооцооллыг гаргасан бөгөөд банкны салбар дотроос Голомт банк дангаараа ханшийн өсөлт үзүүлсэн байна.

• 📌МХБ-ийн хувьцааны ханш оны эхэнд 115.51 төгрөгтэй тэнцэж байсан бол оны сүүлд 348.35 төгрөг болж нэмэгджээ.

💬 Манай улсын гадаад өр өссөн байна…

📝 Энэ оны байдлаар Монгол Улсын нийт гадаад өр 35.6 тэрбум ам.доллар болж, өмнөх оны мөн үеэс 7.2%-р өсжээ.

Үүнд шууд хөрөнгө оруулалт, компани хоорондын зээллэг 16.6%-иар өссөн нь голлон нөлөөлсөн байна.

📍 Харин,

• Төв банкны гадаад өр 813.2 сая ам.доллароор буурчээ. Энэ оны II улиралд Монголбанк БНХАУ-ын Ардын банктай хийсэн своп хэлцлийн өр төлбөрөөс 4.5 тэрбум юанийн эргэн төлөлт хийсэн юм.

📍Түүнчлэн,

• Есдүгээр сарын байдлаар Засгийн газрын гадаад өр 7.8 сая ам.доллар болж, өмнөх оны мөн үеэс 4.5%-р өссөн бол нийт өр нь 30.3 их наяд төгрөг болж, 1.8%-р буурчээ.

• I-IX сард Засгийн газрын өрийн үндсэн төлбөрт 1.7 их наяд төгрөг, хүүгийн төлбөрт нэг их наяд төгрөг төлсөн байна.
  Засгийн газрын өрийн дотоодын нийт бүтээгдэхүүнд эзлэх хувь 2025 онд 55%, 2026 онд 50%-тай тэнцэхээр байгааг Төсвийн байнгын хороо мэдээлж байсан юм.

👀 2025 онд инфляц өснө…

🤔 Мөнгөний бодлогын хорооны 12-р сарын ээлжит хурал болж, бодлогын хүүг 10% хэвээр хадгалах, банкнуудын заавал байлгах нөөцийн хэмжээг 1 нэгж хувиар нэмэгдүүлэх шийдвэрүүдийг гаргажээ.

• Цаашид, төрийн үйлчилгээний үнэ өссөнийг даган дам нөлөө болон төсөв тэлж, инфляц нэмэгдэх төлөвтэй хэмээн мөнгөний бодлогын хороо мэдэгдсэн бөгөөд 2026 оноос эхлэн инфляц зорилтот интервалын орчимд тогтворжино хэмээн хүлээлт тавиад байна.

 🏦 2024 онд алт өссөн гол шалтгаануудыг дурдвал…

⚖️ Он гарснаар шар металлын үнэ оны эхнээс 40% орчим өсөж шинэ дээд үнэ тогтоосон. Тэгвэл энэхүү өсөлтүүд юунаас үүдэлтэйг доорх графикт харуулж байна.

• 2024.3 сар, Ойрхи дорнодын хурцадмал байдал, Израйл Хазболла нарын зэвсэгт мөргөлдөөн бүс нутгийг хамарсан шинжтэй болж эхэлсэн.

• 2024.4 сар, Улсуудын төв банкны худалдан авалт эрчимтэй нэмэгдэв.

• 2024.5 сар, 4 сарын турш дараалан өсөөд байсан АНУ инфляц буурч эхэлсэн.

• 2024.9 сар, АНУ төв банкны бодлогын хүүгээ 0.50 нэгжээр буулган 5% болгож үргэлжлүүлэн бууруулах талаар мэдэгдсэн.

 ✅💸 Өндөр хүүтэй бондоор хөрөнгө оруулалтын багцаа нэмэгдүүлэх боломж...

• Бид танд жилийн 18.5-20% өгөөжтэй, 12-18 сарын хугацаатай, барьцаа хөрөнгийн баталгаатай, үнэ цэнийг бүтээгч компаниудын бүтээгдэхүүнийг санал болгож байна. Та улирал тутмын тогтмол хүүгийн төлөлтөөр орлогын эх үүсвэрээ нэмэгдүүлээрэй.