🔔 Хөрөнгийн зах зээлийн эргэн тойронд No57

Шинэ өдрийн мэнд,

📩Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.

🔍 ДУГААРЫН ЭМХЭТГЭЛ

🚩Монгол улсын 11 сарын гадаад валютын нөөц

🏭 III улиралд MFC 2.0 төслөө ашиглалтад оруулсан Монос хүнс ХК

📈 11 сарын инфляцын хэмжээ

🚚 Нийт ачаа, тээвэрлэлт одоогийн байдлаар

⛏️ Уул уурхайн биржийн экспортыг бүрдүүлэгчид

🇲🇳 11 сарын ГВАН…

🌐 Энэ оны 11-р сарын эцсийн байдлаар гадаад валютын албан нөөц 4.9 тэрбум ам.доллар болж, өмнөх оны мөн үеэс 15.4%-р өссөн бол оны эхнээс 0.88%-р өсөөд байна.

💡Одоогоор олон улсын зах зээлд Монгол Улсын Засгийн газраас гаргасан бондуудаас 2026-2031 онд хугацаа нь дуусах таван бонд бүртгэлтэй байна.

🏛️Цаашид ЗГ бондуудын эргэн төлөлтийг хийхдээ валютын нөөцөд мэдэгдэхүйц дарамт учруулахгүйгээр зарим хэсгийг дахин санхүүжүүлэх байдлаар шийдэхээр төлөвлөснөө мэдээлсэн.

🏢 Монос хүнс ХК: 2024 оны III улиралд MFC 2.0 төслийг бүрэн ашиглалтад оруулж дуусгажээ…

📝 Компанийн ТУЗ-ийн ээлжит хурал өнгөрсөн 11 сард зохион байгуулагдаж эхний 9 сарын гүйцэтгэлийг танилцуулах, 2025 оны бизнес төлөвлөгөөг батлах ажлууд хийгдсэн тухай албан ёсны веб сайтаар мэдээлэл хүргэсэн байна.

📍 Уг тайланд:

• Монос Хүнс ХК-ийн эхний  есөн сарын өссөн дүнгээр компанийн борлуулалтын орлого өнгөрсөн оны мөн үеэс 11% өсөж 27 тэрбум төгрөгт хүрсэн. Зөвхөн III улирлын үзүүлэлтийг өнгөрсөн оны мөн үетэй харьцуулбал борлуулалтын орлого 21%, цэвэр ашиг 27% тус тус өссөн тухай дурджээ.  

📍Түүнчлэн,

• Компани IV улиралд үйлдвэрлэлийн хүчин чадлаа нэмэгдүүлснээр III улирлын үзүүлэлтээ давуулан биелүүлэх хүлээлттэй ажиллаж буй аж.

• Монос Хүнс ХК-ийн хувьд гуравдугаар улирлын онцлох үйл явдал нь Экос эрүүл мэндийн усны үйлдвэрлэлийн хүчин чадлаа 2.5 дахин нэмэгдүүлсэн явдал байлаа. Мөн зах зээлд шинээр уушги цэвэрлэх “Цэнэг” брэндийн шинэ төрлийг танилцуулаад байна.

📈 Өнгөрсөн сарын инфляцын хэмжээ…

Арваннэгдүгээр сард инфляцын хэмжээ 8.1 хувьтай гарч, өмнөх сараас 1 нэгжээр нэмэгдсэнийг Үндэсний Статистикийн хороо мэдээллээ.

• Энэ нь 2023 оны 11 сарын инфляцын дүнтэй харьцуулахад 0.5%-р буурсан хэдий ч өмнөх сараас 13.8% өссөн дүн юм.

• Нийт инфляцын 28% нь импортын барааны, 26% нь хүнсний бараа ус ундааны үнийн өсөлтөөс тус тус шалтгаалсан байна.

📦 Ачаа тээврийн хэмжээ одоогийн байдлаар…

💰2024 оны эхний 11 сард бүх төрлийн тээврээр 137.2 сая зорчигч тээвэрлэгдсэн ба үүнээс авто тээврээр 133.4 сая, агаарын тээврээр 2 сая, төмөр замаар 1.75 сая зорчигч тус бүр тээвэрлэжээ.

🤔 Аль тээвэрлэлт өсөв? 

• Агаарын тээврээр зорчигчдын тоо өнгөрсөн оны мөн үетэй харьцуулахад 25.6%-р өсжээ. Харин бүх төрлийн тээврээр зорчсон зорчигчдын тоо өмнөх оны мөн үетэй харьцуулахад 1.3%-р өссөн байна.

🚛 Ачаа барааны хувьд,

• Тайлант хугацаанд бүх төрлийн тээврээр 119.4 сая тонн ачаа тээвэрлэжээ. Үүнээс авто тээврээр 79.1 сая тонн ачаа, төмөр замаар 40.3 сая тонн ачаа, харин 9.4 мянган тонн ачааг агаараар тээвэрлэсэн байна.

 🏦 Уул уурхайн биржийн экспортыг бүрдүүлэгчид…

⚒️ 2024 оны 3-р улирлын байдлаар 451 удаагийн биржийн арилжаагаар 19.6 сая тонн уул уурхайн бүтээгдэхүүн арилжаалсан бөгөөд нийт үнийн дүн нь ₮7.44 их наяд хүрчээ. Энэ нь өмнөх оны мөн үетэй харьцуулбал 2.6 дахин өссөн үзүүлэлт юм.

⚖️ Нийт арилжааны 90.82%-ийг буюу 17.8 сая тонныг нүүрс, 9.08%-ийг 1.78 сая тонн төмрийн хүдэр, баяжмал бүрдүүлж байна. Харин үлдсэн 0.01%-ийг 0.02 тонн жонш болон зэс эзэлж байна.

 ✅💸 Өндөр хүүтэй бондоор хөрөнгө оруулалтын багцаа нэмэгдүүлэх боломж...

• Бид танд жилийн 18.5-20% өгөөжтэй, 12-18 сарын хугацаатай, барьцаа хөрөнгийн баталгаатай, үнэ цэнийг бүтээгч компаниудын бүтээгдэхүүнийг санал болгож байна. Та улирал тутмын тогтмол хүүгийн төлөлтөөр орлогын эх үүсвэрээ нэмэгдүүлээрэй.