🚩 Хөрөнгийн зах зээлийн эргэн тойронд No56

Шинэ өдрийн мэнд,

📩Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.

🔍 ДУГААРЫН ЭМХЭТГЭЛ

💪 Монгол улсын эдийн засаг 3-р улиралд

🐣 Түмэн шувуут ХК III улирлын байдлаар

 🏛️ Хаан банк ХК-ийн ТоС-ийн “Манлай банкаар” дахин ажиллана

📈 Хятадын аж үйлдвэрийн индексийн өсөлт

🇲🇳 Манай улсын эдийн засаг 3-р улиралд ямар байв…

🚩Эдийн засгийн өсөлт 2024 оны эхний 3 улирлын байдлаар 5% хүрчээ. Үйлчилгээний салбар 9.6% тэлж, ДНБ өсөлтийн 4.6%-ийг бүрдүүлж байгаа бол Хөдөө аж ахуйн салбар 25%-иар агшиж, нийт өсөлтийг 3.5%-р бууруулсан байна.

📍 Нийт экспорт

• Эхний 10-р сарын байдлаар $13.21 тэрбум хүрч өмнөх оны мөн үеэс 5.9% нэмэгдсэний 93%-г уул уурхайн бүтээгдэхүүн бүрдүүлжээ.

📍Импорт

• $9.6 тэрбум хүрсэн импотын хэмжээ оны мөн үеэс 26.7%-р өссөн. Үүний 18.9%-г тоног төхөөрөмж, 16.6%-г нефт эзэлж байна. Тоног төхөөрөөж болон нефтийн импорт өмнөх оны мөн үеэс 34.1%, 23.4% тус тус өсжээ. 

• Ийнхүү гадаад бараа худалдааны эргэлт $22.8 тэрбум хүрч, $3.6 тэрбумын ашигтай байлаа.

🐣Түмэн шувуут ХК: III улирлын байдлаар цэвэр ашиг 39% өсөж, ₮11.3 тэрбум хүрлээ…

💰 “Түмэн шувуут” ХК энэ оны III улирлын байдлаар борлуулалтын орлого нь өмнөх оны мөн үеэс 33%-р өсөж, ₮58.1 тэрбумд хүрсэн ба цэвэр ашиг нь өмнөх оны мөн үеэс 39%-р өсөж, ₮11.3 тэрбум болсон байна.

🤔 Хэрхэн ажиллав? 

• Тайлант хугацаанд тус компанийн  үйлдвэрлэсэн болон борлуулсан өндөг 20 гаруй хувиар өсөж, 100 сая ширхэг давсан үзүүлэлттэй байна.

• 2024 онд жилийн эцсийн байдлаар үйлдвэрлэсэн өндөгний тоо нь 142 сая ширхэг хүрч төлөвлөгөөний биелэлт нь 97%-тай байна. Мөн ирэх онд 180 сая ширхэг, 2026 онд 250 сая ширхэг өндөг үйлдвэрлэхээр байгаа ажээ.

🧐 Хувьцааны ханш

• “Түмэн шувуут” компанийн хувьцааны ханш 2024 он гарсаар 13.4%-иар өсөж хувьцааны ханш 2019 оны хоёрдугаар сараас хойш буюу  IPO хийснээс хойш 87.2 хувиар дээшилж, зах зээлийн үнэлгээ нь 74.7 тэрбум төгрөгт хүрсэн байна.

 🏦 Хаан банк ХК-ийн ТоС-ийн “Манлай банкаар” дахин ажиллана…

✅ Хаан банк ХК-н хувьд 2018 оноос эхлэн тогтвортой хөгжлийн 17 зорилгыг бүх шатны үйл ажиллагаандаа уялдуулж 2024 оны 3-р улирлын байдлаар банкны ногоон зээлийн багц ₮647 тэрбумд хүрч нийт банкны системийн ногоон зээлийн 53%-г дангаараа бүрдүүлэн ажиллаж байна.

📗Мөн 2025 онд ногоон зээлийн багцын 10%-г ногоон зээл болгохоор ажиллаж байгаа аж.

🔎Мөн өнгөрсөн сард Ногоон бондын хөтөлбөрийн дараагийн үе болгон стратегийн хөрөнгө оруулагчдад тусгайлан санал болгож буй 25 сая ам. долларын Ногоон бондод ХААН Банкны урт хугацааны түншүүд болох
АХБ болон ЕСБХБ-наас тус бур 12.5 сая ам долларын хөрөнгө оруулалт хийсэн билээ.

💹Сүүлийн өдрүүдэд хаан банкны хувьцааны ханш тасралтгүй өссөн байгаа бөгөөд хоёр долоо хоногийн хугацаанд 12%-р өсжээ.

📈 Хятадын аж үйлдвэрийн индекс өсөлттэй гарлаа…

👇Хятадын үйлдвэрийн үйл ажиллагаа 11-р сард нэмэгдэж, Caixin үйлдвэрлэлийн PMI 10-р сард 50.1 байсан бол 11-р сард 50.3 болж өссөн байна.

📍 Яагаад өсөх болов?

• Энэ нь засгийн газрын сүүлийн үеийн эдийн засгийг эрчимжүүлэх арга хэмжээний эерэг үр нөлөөг харуулсан үйлдвэрлэлийн өсөлт, шинэ захиалга зэргээс шалтгаалан зургаадугаар сараас хойших хамгийн өндөр үзүүлэлт болжээ.

• Бээжин эдийн засгийн өсөлтийг дэмжих зорилгоор есдүгээр сарын сүүлчээс эхлэн хэд хэдэн арга хэмжээ авсны дараа үйлдвэрийн үзүүлэлтүүд эерэг гарж байна.

📍Гэсэн хэдий ч

• АНУ-н шинэхэн ерөнхийлөгч Д.Трамп Бриксийн гишүүн орнуудад сануулга өгч гаалийн тарифыг 100% хүртэл нэмэгдүүлэх талаар мэдэгдсэн.

• Энэ нь Бриксийн гишүүн орнууд хоорондоо худалдаа наймаагаа ам.долларын оронд нэгдсэн нэг шинэ валютаар хийхтэй холбоотой.
  Юутай ч азийн зах зээлийн томоохон индекс энэ 7 хоногийг өсөлтөөр эхлүүлж байгаа нь хөрөнгө оруулагч бидний хувьд сайн мэдээ юм.

 ✅💸 Өндөр хүүтэй бондоор хөрөнгө оруулалтын багцаа нэмэгдүүлэх боломж...

• Бид танд жилийн 18.5-20% өгөөжтэй, 12-18 сарын хугацаатай, барьцаа хөрөнгийн баталгаатай, үнэ цэнийг бүтээгч компаниудын бүтээгдэхүүнийг санал болгож байна. Та улирал тутмын тогтмол хүүгийн төлөлтөөр орлогын эх үүсвэрээ нэмэгдүүлээрэй.