💡Хөрөнгийн зах зээлийн эргэн тойронд No55

Шинэ өдрийн мэнд,

📩Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.

🔍 ДУГААРЫН ЭМХЭТГЭЛ

💪 Төрийн өмчит ТОП 10 компанийг тэргүүлсэн Эрдэнэс Тавантолгой

🇷🇺 ОХУ-ын хүнсний бүтээгдэхүүний үнэ өссөөр байна

 📣 MicroStrategy сүүлийн гурван 7 хоногт 147% өслөө

📈 7 хоногт 78% өссөн Super Micro

😎 Төрийн өмчит ТОП 10 компанийг тэргүүлэгч хэн бэ…

📍“Эрдэнэс Тавантолгой” ХК 2023 онд 3.4 тэрбум ам.долларын үнэлгээтэй 34.1 сая тонн нүүрс борлуулж, Монгол улсын төсөвт 2.8 их наяд төгрөгийн татвар хураамж төлснөөр тухайн оны хамгийн өндөр татвар төлсөн аж ахуйн нэгжээр тодорсон юм.

• Компанийн засаглалыг сайжруулж, өр төлбөрийг бууруулан, борлуулалт, ашиг орлогыг нэмэгдүүлж, үйл ажиллагааг ил тод болгон, биржийн арилжааг тогтмолжуулсан, хамгийн өндөр татвар төлсөн зэрэг үзүүлэлтээр 2023 оны төрийн өмчит топ 10 аж ахуйн нэгжийг тэргүүллээ.

 🇷🇺 ОХУ-ын хүнсний бүтээгдэхүүний үнэ өссөөр байна…

💳 Сүүлийн гурван жил үндсэн хүнсний бүтээгдэхүүний үнэ өсөж байгаа бөгөөд ялангуяа 2024 онд илүү эрчимтэй өсөж жилийн инфляцын түвшин 10-р сар гэхэд 8.5%-д хүрчээ.

🤔 Юу юу өсөв? 

• Сүүлийн нэг жилийн хугацаанд төмс 74%, сонгино, манжин 20%, цөцгийн тос 30%, сүү, талх, загас зэрэг бусад гол нэрийн бүтээгдэхүүнүүд 12-15%-р өссөн байна.

• Иймд ОХУ-ын Төв банк бодлогын хүүгээ 21% хүртэл өсгөсөн бөгөөд энэ нь сүүлийн 20 гаруй жилийн хамгийн дээд түвшин юм.

🧐 Яагаад өсөх болов ?

• 2022 оны 2-р сард Украин улстай дайны нөхцөл байдал үүссэнээс хойш Орос улсын батлан ​​хамгаалах зардал асар их хэмжээгээр нэмэгдэж, цэргийн техник хэрэгслийн дотоодын үйлдвэрлэл хөдөө аж ахуйн үйлдвэрлэлээс нэн тэргүүнд тавигдсантай холбоотой байна.

 🏦 MicroStrategy сүүлийн гурван 7 хоногт 147% өслөө…

⭐ Хамгийн их биткойн эзэмшдэг нээлттэй компани Microstrategy /MSTR/ өнгөрсөн 7 хоногт 51,872 ширхэг биткойныг 4.6 тэрбум ам.доллароор худалдан авснаа зарласан.

🫠 Ингэснээр тэдний эзэмшиж буй биткойны хэмжээ 331,200 ширхэг болсон бөгөөд өнөөдрийн зах зээлийн үнэлгээгээр 31.2 тэрбум ам.доллар болж байгаа юм.

📑Компанийн 2024 оны 10-р сарын 30-ны өдөр танилцуулсан 3-р улирлын тайлангаар борлуулалтын орлого болон ашигт ажиллагаа буурсан үзүүлэлттэй байсан хэдий ч биткойны огцом өсөлтийг дагаад хувьцааны ханш сүүлийн гурван 7 хоногийн хугацаанд $219-$473.83 хүртэл 147%-иар өсжээ.

📈 Super Micro өнгөрсөн 7 хоногт 78% өслөө…

🧩Super Micro Computer (NASDAQ:SMCI)-ийн хувьцааны ханш 11-р сарын эхэн үед аудитаас үүдэлтэй 47% унаад байсан. Мөн компанийн сүүлийн тайлан сайн гарсан ч ирэх улирлын төсөөлөл шинжээчдийн таамаг хүрээгүй нь хувьцааны ханш унах шалтгаан болж байв. Гэвч компанийн хувьцаа өнгөрсөн 7 хоногт 78% өссөн байна.

📍 Яагаад?

• Тэд олон улсын BDO аудитын компанитай хамтарч ажиллахаа мэдэгдсэн ба Nasdaq-д тайлангаа мэдүүлэх хугацаад хойшлуулах хүсэлт илгээжээ.

📍Цаашид юу болох вэ?

• Super Micro Computer-ийн санхүүгийн тайлант хугацаа 6-р сарын сүүлээр дуусдаг. Тэд жилийн тайлан болох 10-К болон сүүлийн 3 сарын тайланг ирүүлээгүй ч тайланг хойшлуулах хүсэлтийг Nasdaq-д гаргасан байгаа. Хэрэв Nasdaq хүлээн авах юм бол тайланг мэдүүлэх хугацааг ирэх оны 2-р сар хүртэл сунгах боломжтой. Цаашлаад компани Nasdaq-аас хасагдахгүй байх боломжтой юм.

 ✅💸 Өндөр хүүтэй бондоор хөрөнгө оруулалтын багцаа нэмэгдүүлэх боломж...

• Бид танд жилийн 20% өгөөжтэй, 12 сарын хугацаатай, барьцаа хөрөнгийн баталгаатай, үнэ цэнийг бүтээгч компаниудын бүтээгдэхүүнийг санал болгож байна. Та улирал тутмын тогтмол хүүгийн төлөлтөөр орлогын эх үүсвэрээ нэмэгдүүлээрэй.