- Apex Capital
- Posts
- ✨ Хөрөнгийн зах зээлийн эргэн тойронд No53
✨ Хөрөнгийн зах зээлийн эргэн тойронд No53
Шинэ өдрийн мэнд,
📩 Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.
🔍 ДУГААРЫН ЭМХЭТГЭЛ
⌛ Аравдугаар сарын инфляцын хэмжээ
🌍 Дэлхийн зах зээл дэх ногоон бонд
📦 Экспортын бүтээгдэхүүн энэ оны байдлаар
🔋 $1 их наядын багт TSLA нэмэгдлээ
📈 Манай улсын инфляц ямар гарав…
📍Аравдугаар сард инфляцын хэмжээ долоон хувьтай гарч, өмнөх сараас 0.3 хувиар эрчимжсэнийг Үндэсний Статистикийн хороо мэдээллээ.
Энэ нь Монголбанкны одоогийн зорилтот түвшинд хадгалагдаж байгаа ч өссөн дүн юм.
⭐ Инфляц долоон хувьтай гарсны 2.3 нэгж хувь нь импортын барааны үнийн өсөлтөөс шалтгаалжээ.
Аравдугаар сарыг өмнөх оны мөн үетэй харьцуулахад хүнсний барааны үнэ 7.6%, үйлчилгээний үнэ 9.2%, хүнсний бус барааны үнэ 6.8%-р өссөн байна.
🇨🇳 БНХАУ-н инфляц аравдугаар сард 0.3 хувиар эрчимжлээ.
Тус улсын хэрэгжүүлж буй бодлогын арга хэмжээ дефляцийн эсрэг хараахан үр дүнгээ өгөөгүй байгааг харуулж байна.
АНУ сонгуулийн дараа “UBS” банк БНХАУ-ын дотоодын нийт бүтээгдэхүүний өсөлтийн төсөөллөө дөрвөн хувь болгож бууруулсан.
Эдийн засгийг эрчимжүүлэх олон арга хэмжээ авсан хэдий ч инфляц тэг орчимд хадгалагдаж байгаа нь БНХАУ-ын дотоодын эрэлт буурч байгааг харуулж байгаа юм.
♻️ Ногоон бонд дэлхийд….
📗Монгол Улсын хэмжээнд Хаан банк ХК олон улсын зах зээлд анхны ногоон бондыг гаргасан бөгөөд дэлхий дахинд хамгийн анх 2008 онд хөрөнгө оруулагчдад санал болгогдож байжээ.
🌳Ногоон бондын зориулалт нь байгаль орчин уур амьсгалд эергээр нөлөөлөх төсөл хөтөлбөрт зарцуулагддаг онцлогтой.
🌐Дэлхий дахинд 2019 оны байдлаар ногоон бондын зах зээл 257.7 тэрбум ам.доллароор хэмжигдэж байсан бол 2023 онд уг үзүүлэлт 1.5 их наяд болж нэмэгджээ. Нөгөө талд нийт бондын зах зээл 140.7 их наядтай тэнцэж байгаа нь асар өндөр үзүүлэлт юм.
🌿Манай улсын хувьд СЗХ-ны Өрийн хэрэгслийн бүртгэлийн журам 2021 онд батлагдаж ногоон бондын зохицуулалт нэмж тусгагдсан байдаг. Тус шалгуурыг хангаж буй нөхцөлд ногоон бонд гаргах боломжтой бөгөөд тус өрийн хэрэгслийн зохицуулалт дотоодод хөгжсөөр байна.
ЗГ: 2025 онд нүүрсний экспортыг 83.3 сая тоннд хүргэнэ. 2024 оны экспортыг 78 саяд хүргэх зорилтын гүйцэтгэл 84.4% байна.
🏦 Экспортын бүтээгдэхүүн .…
Оны эхний 10 сард гадаад худалдааны тэнцэл 26.1%-р буурч, $3.6 тэрбум боллоо. Импорт болон экспортын онцлох үзүүлэлтүүд:
📍 Экспортоос онцлох нь:
Чулуун нүүрсний экспорт 2024.10.28 -ны өдөр 268.2 мянган тонн, 2024 оны эхнээс 65,094.6 мянган тонн экспортолсон.
Өнгөрсөн оны мөн үетэй харьцуулахад 26.5%-р өссөн байна.
📍Импортоос онцлох нь:
Манай улс 2024 оны эхний 10 сард импортоор нийт 9.6 тэрбум ам.долларын бараа, түүхий эд импортоор оруулжээ.
Энэ нь 2023 оны мөн үеэс 2 тэрбум ам.доллароор буюу 26.7%-р өссөн байна. Тухайлбал 104,742 ширхэг суудлын автомашин импортолсон нь өмнөх оны мөн үетэй харьцуулахад 71.7%-р өсжээ.
📍 $1 их наядын багт нэмэгдсэн TSLA...
👀Баасан гарагт Tesla-ийн хувьцаа 8%-р өсөж, зах зээлийн үнэлгээ нь $1 их наядыг давлаа. Өнгөрсөн 7 хоногт Доналд Трамп АНУ-ын ерөнхийлөгчийн сонгуульд ялалт байгуулсны дараа хувьцааны ханш 29% өссөн байна.
🧐Яагаад? Хөрөнгө оруулагчид Трампыг Цагаан ордонд эргэн ирэх нь Тesla-д эерэг нөлөөтэй хэмээн харж байгаа юм. Түүнчлэн Элон Маск Трампыг дэмжин сонгуулийн ажилд нь нийт $130 саяыг хандивлаад байна.
🤝 Мөн Доналд Трамп цагаан ордонд буцаж ирвэл Элон Маскыг засгийн газрын үр ашгийг дээшлүүлэх комиссын (government efficiency commission) тэргүүн болгох амлалт өгсөн байгаа.
💰 Хөрөнгийн зах зээл дээр $1 их наядын үнэлгээ давсан 9 компани байдаг бөгөөд энэхүү жагсаалтын 8-р байранд Tesla орж ирлээ.
✅💸 Өндөр хүүтэй бондоор хөрөнгө оруулалтын багцаа нэмэгдүүлэх боломж....
Бид танд жилийн 20% өгөөжтэй, 12 сарын хугацаатай, барьцаа хөрөнгийн баталгаатай, үнэ цэнийг бүтээгч компаниудын бүтээгдэхүүнийг санал болгож байна. Та улирал тутмын тогтмол хүүгийн төлөлтөөр орлогын эх үүсвэрээ нэмэгдүүлээрэй.
