- Apex Capital
- Posts
- 🌟 Хөрөнгийн зах зээлийн эргэн тойронд No52
🌟 Хөрөнгийн зах зээлийн эргэн тойронд No52
Шинэ өдрийн мэнд,
📩 Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.
🔍 ДУГААРЫН ЭМХЭТГЭЛ
🏦 Монгол улсын гадаад валютын албан нөөц
🌍 ОУВС: Манай улсын эдийн засгийн өсөлт
📝 TDB 3-р улирлын тайлан
📈 Berkshire Hathaway, хөрөнгө оруулалтын багцын задаргаа
🤝 Монгол Улсын гадаад валютын албан нөөц…
💰Энэ оны 10-р сарын эцсийн байдлаар гадаад валютын албан нөөц $4.7 тэрбум болж, өмнөх оны мөн үеэс 18% өссөн бол оны эхнээс 4.47% буурсан байна.
⭐ Өнгөрсөн сарын турш Монголбанк гадаад валютын дуудлага худалдаагаар нийт $795.2 саяыг арилжааны банкнуудад ялгаатай ханшаар нийлүүлснээ мэдээллээ.
Одоогоор олон улсын зах зээлд Монгол Улсын Засгийн газраас гаргасан бондуудаас 2026-2031 онд хугацаа нь дуусах таван бонд бүртгэлтэй байна.
➜ Цаашид ЗГ бондуудын эргэн төлөлтийг хийхдээ валютын нөөцөд мэдэгдэхүйц дарамт учруулахгүйгээр зарим хэсгийг дахин санхүүжүүлэх байдлаар шийдэхээр төлөвлөснөө мэдээллэсэн.
🪨 БНХАУ-н нүүрс олборлогч томоохон компаниуд эрчим хүчний салбар руу хурдацтайгаар шилжиж байна.
“China Shenhua Energy” компани хөрөнгө оруулалтаа уул уурхайгаас шилжүүлэхээ мэдэгдэж байв
Нүүрсний зах зээл суларч, үнэ буурснаар нүүрс олборлолтоороо тэргүүлэгч БНХАУ-ын томоохон компаниуд эрчим хүчний бизнест эрчимтэй шилжиж эхэллээ.
Оны эхээр “China Shenhua Energy” компани хөрөнгө оруулалтаа уул уурхайгаас шилжүүлэхээ мэдэгдэж байсан юм. Энэ хүрээнд III улиралд тус компани нүүрсний олборлолтоо эрчимтэй танажээ.
📣 ОУВС: Бүс нутагтаа эдийн засгийн өсөлтөөрөө тэргүүлнэ гэж дүгнүүлсэн манай улс….
🚩Олон улсын Валютын сан 2024 оны 4 дүгээр сард Монгол Улсын эдийн засаг ирэх онд 6 хувиар өсөхөөр төсөөлж байсан бол 2024 оны 10 дугаар сард 7% болгон нэмэгдүүлжээ.
➡️ Ингэснээр ирэх онд Монгол Улс эдийн засгийн өсөлтөөрөө бүс нутгаа тэргүүлж байна.
💨Ирэх оны эдийн засгийн өсөлтөд Оюутолгойн гүний уурхайн олборлолт эрчимжин зэсийн баяжмал дахь алт, зэсийн агууламж нэмэгдэж, нүүрсний экспорт өсөхийн зэрэгцээ 2025 оны төсвийн бодлогын үр нөлөө эергээр нөлөөлнө гэж үзээд ийнхүү дүгнэжээ.
💹ОУВС: Монгол улсын төсвийн алдагдал 2029 он хүүртэл тогтмол нэмэгдэх төлөвтэй.
🏦 Худалдаа хөгжлийн банкны 3-р улирлын тайлан…
✅ Банкны цэвэр ашгийн хэмжээ өмнө жилийн мөн үетэй харьцуулахад 83.4% өсөж ₮200 тэрбумд хүрсэн бол хүүгийн орлого 50.9%-р нэмэгдсэн байна.
📍 Онцлох нь:
Цэвэр зээлийн хэмжээ ₮5.78 тэрбумд хүрч 33% өссөн ба харилцах хадгаламжийн хэмжээ ₮8.7 тэрбум болж 20.7% нэмэгдсэн нь цэвэр ашгийн өсөхөд хамгийн их нөлөөлжээ.
Мөн зардлын хэмжээ ч 28% өсөхөө мартаагүй.
Олон нийтэд нээлттэй болсон арилжааны банкнуудын хөрөнгө, ашгийн дундаж өсөлтийн талаар бид өмнөх мэдээндээ оруулсан билээ. Тэгвэл ХХБ-ны өсөлт үүнээс 5% нэгжээр бага үзүүлэлттэй байна.
📍 Warrent Buffet хувьцаагаа зарсаар байна...
🧐 Бямба гарагт мэдүүлсэн тайлангийн дагуу Berkshire Hathaway (NYSE: BRK.A) 2024 оны 3-р улиралд Apple болон Bank of Amerca-ийн хөрөнгө оруулалтаа 20%-р буурууллаа.
📋Berkshire 2024 оны 3-р улиралд Apple-н $14.3 тэрбумын үнэлгээ бүхий 100 сая ширхэг хувьцааг зарсан бөгөөд 2024 онд нийт Apple-ийн хөрөнгө оруулалтын 60%-г худалдаад байна.Тухайлбал 2023 оны жилийн эцэст тэд $174.3 тэрбумын хувьцааг эзэмшиж байсан бол энэ хамгийн сүүлийн байдлаар $69.9 тэрбум болжээ.
📊 Bank of America-ийн хувьд, Berkshire 2-р улиралд 1.03 тэрбум хувьцааг эзэмшдэг байсан бол өнгөрсөн улиралд 23%-г нь борлуулж $31.7 тэрбумын үнэлгээтэй 800 сая ширхэг хувьцаатай үлдсэн байна.
📌Berkshire Hathaway-ийн нийт бэлэн мөнгө 2024 оны 6-р сарын 30-ны байдлаар $276.94 тэрбум байсан бол 2024 оны 9-р сарын 30-ны байдлаар $325.321 тэрбум болж өсжээ.
✅💸 Өндөр хүүтэй бондоор хөрөнгө оруулалтын багцаа нэмэгдүүлэх боломж....
Бид танд жилийн 20% өгөөжтэй, 12 сарын хугацаатай, барьцаа хөрөнгийн баталгаатай, үнэ цэнийг бүтээгч компаниудын бүтээгдэхүүнийг санал болгож байна. Та улирал тутмын тогтмол хүүгийн төлөлтөөр орлогын эх үүсвэрээ нэмэгдүүлээрэй.
