🚩 Хөрөнгийн зах зээлийн эргэн тойронд No51

Шинэ өдрийн мэнд,

 📩 Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.

🔍 ДУГААРЫН ЭМХЭТГЭЛ

🏦 Монголбанкны худалдан авсан үнэт металлын хэмжээ

📝 ЭТТ баяжуулсан коксжих нүүрсний анхны арилжаа хийгдлээ

🏭 Монгол Базальт 3-р улирлын тайлан

📈 Олон нийтэд нээлттэй болсон арилжааны банкуудын цэвэр ашиг нэмэгдсээр

⚖️ Монголбанк өнгөрсөн сард 2,023.6 кг үнэт металл худалдан авчээ…

💰Монголбанкны худалдан авч буй үнэт металл нь валютын нөөц бүрдүүлэхэд чухал нөлөөтэй байдаг бөгөөд төв банк 2024 оны 9 дүгээр сард 2,023.6 кг үнэт металл худалдан авч, оны эхнээс өссөн дүнгээр 4.3  тонн үнэт металл худалдан авлаа.

🤝 Оны эхнээс өссөн дүнгээр Монголбанкны Дархан-Уул аймаг дахь хэлтэс 617.5 кг, Баянхонгор аймаг дахь хэлтэс 1,004.8 кг үнэт металл тус тус худалдан авсан байна.

• Үнэт металл худалдан авах үнэ нь дэлхийн зах зээлийн үнээр тогтдог бөгөөд 2024 оны 9-р сард унц алтны худалдаж авах дундаж үнэ 2550$ байсан байна.

📣 Борлуулалтын орлого 45.3% өссөн Монгол Базальт….

🏭 Монгол Базальт ХК-ийн III улирлын борлуулалтын орлого өмнө жилийн мөн үетэй харьцуулахад 45.3% нэмэгдэж ₮9.3 тэрбумд хүрчээ.

👷Компани үйлдвэрлэлийн шинэчлэл, инновацын үр дүнд чулуун хөвөн хавтангийн үнээ 30-40%-иар бууруулан хэрэглэгчдэд хүргэж байна.
Мөн шугам хоолойн дулаалгын цехэд нийт 5,398 метр шугам, яндан хоолойн дулаалга хийсэн нь орлогын өсөлтөд хувь нэмэр оруулжээ.

🚚Түүнчлэн Базальт файбер бүтээгдэхүүнээ Тайван улсын Таоюань хот руу амжилттай экспортолсон байна.

 🏦Олон нийтэд нээлттэй болсон арилжааны банкнуудын цэвэр ашиг нэмэгдсээр.

✅ Арилжааны банкнууд 2024 оны 3-р улирлын тайлангаа танилцуулаад байгаа билээ. Банкнуудын цэвэр зээл, харилцах хадгаламж, нийт хөрөнгө зэрэг нь нэмэгдэж үүгээр нийт салбарын цэвэр ашгийн хэмжээ ₮1 их наядад хүрсэн байна.

📍 Онцлох нь:

• Цэвэр ашгийн хувьд Голомт банк хамгийн их өсөлттэй байгаа ба банкны цэвэр ашиг сүүлийн 5 жилд 7 дахин нэмэгджээ.

• Нээлттэй 5 банк өнгөрсөн III улиралд нийтдээ ₮44.6 их наядын хөрөнгийг удирдаж эргэлтэд оруулсан байна.

• Нийт хөрөнгийн хэмжээгээр тэргүүлсэн Богд банкны хөрөнгийн хэмжээ энэ оны хагас жилийн байдлаар 837.20 тэрбум төгрөгт хүрч  өмнөх жилийн мөн үеэс 42.19%-р өсөж байсан бөгөөд, III улирлын үзүүлэлтээр 45.8% өсжээ.

🇺🇸 АНУ-ын хөрөнгийн зах зээлээр….

🌍Өнгөрсөн 7 хоногт S&P 500 индексэд багтах 110 компанийн тайлан гарсан. Үүний 83 нь шинжээчдийн хүлээлтээс өндөр нэгж хувьцааны ашигтай ажилласан хэмээн тайлгасан бөгөөд үүний 50 компани борлуулалт болон ашгийн таамгийг давуулан биелүүлсэн байна.

📊Хэдийгээр дийлэнх тайлан сайн байсан ч томоохон нэр бүхий компаниудын тайлан муу гарсан нь S&P 500 индексийн үзүүлэлтийг хойш татжээ.

 ✅💸 Өндөр хүүтэй бондоор хөрөнгө оруулалтын багцаа нэмэгдүүлэх боломж....

• Бид танд жилийн 20% өгөөжтэй, 12 сарын хугацаатай, барьцаа хөрөнгийн баталгаатай, үнэ цэнийг бүтээгч компаниудын бүтээгдэхүүнийг санал болгож байна. Та улирал тутмын тогтмол хүүгийн төлөлтөөр орлогын эх үүсвэрээ нэмэгдүүлээрэй.