• Apex Capital
  • Posts
  • 💡 Хөрөнгийн зах зээлийн эргэн тойронд No50

💡 Хөрөнгийн зах зээлийн эргэн тойронд No50

October 22, 2024

Шинэ өдрийн мэнд,

 📩 Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.

🔍 ДУГААРЫН ЭМХЭТГЭЛ

🏦 Хаан банкны 3-р улирлын тайлан

📝 Улсын төсвийн орлого нэмэгдэв

📗 Говь 3-р улирлын тайлан

👉 Зээлийн багцын хэмжээгээ 23% нэмэгдүүлсэн Хаан банк…

🌟Арилжааны банкууд 2024 оны гуравдугаар улирлын санхүүгийн тайлангаа танилцуулж эхлээд байгаа билээ. Зах зээлд томоохон байр суурь эзлэх Хаан банк ХК-ийн нийт зээлийн багц сүүлийн 1 жилийн хугацаанд 23 хувиар өсөж 10.8 их наяд төгрөг хүрчээ. Ингэснээр зах зээлийн 30-аас дээш хувийг дангаараа бүрдүүлж байна.

💹 Оны эхний хагас жилийн байдлаар Хаан банк ХК 186.7 сая ам.доллартой тэнцэх хэмжээний урт хугацаат санхүүжилтийг олон улсын зах зээлээс татаад байгаа юм.

  • Зээлийн ангиллын хувьд чанаргүй зээлийн түвшин 5.3%- 4.5%-д хүрч буурсан бөгөөд хэвийн зээл 92%-д хэвээр хадгалагджээ.

  • Түүнчлэн өөрийн хөрөнгө 18%-р, хүүгийн орлого 1.9 их наяд төгрөгт хүрч 26%-р тус тус нэмэгджээ.

 📗 Бусад онцлох нь:

  • Хүүгийн орлого 26%-р өсөж 1.9 их наяд төгрөг болсон байна.

  • Банкны жижиг хувьцаа эзэмшигчдийн тоо 30 мянга гаруй болсон нь оны эхнээс 10-р өссөн үзүүлэлт юм.

🏡 Монголбанк: 2025 онд ипотекийн зээлийн нийт эх үүсвэр ₮1.2 их наяд байх тооцоотойг мэдээллээ. Зээлийн эргэн төлөлтөөс ₮500 тэрбум, хуримтлалын сангаас ₮500 тэрбум, арилжааны банкнуудаас ₮200 тэрбумын санхүүжилт олгохоор байна.

📣 Манай улсын төсөв 29%-р нэмэгдэв….

🚩 Улсын нэгдсэн төсвийн нийт орлого, тусламжийн хэмжээ 2024 оны эхний есөн сарын урьдчилсан гүйцэтгэлээр ₮22.8 их наяд хүрсэн хэмээн Үндэсний статистикийн хорооноос мэдээллээ.

👇 Энэ нь өмнөх оны мөн үеэс ₮5.1 (28.9%) их наядаар өссөн үзүүлэлт юм. Тэнцвэржүүлсэн орлого тусламжийн хэмжээ ₮21.3 их наяд хүрч, ₮4.4 (25.9%) их наяд болж өссөн байна.

📌 Нийт зарлага, эргэж төлөгдөх цэвэр зээлийн хэмжээ 2024 оны эхний есөн сард ₮19.8 их наяд, тэнцвэржүүлсэн тэнцэл ₮1.5 их наядын ашигтай гарчээ. 

MSE: 🏛️ ЗГ-н төрийн өмчит компаниудыг нээлттэй компани болгох зорилтын дагуу 2024-2028 оны үйл ажиллагааны хөтөлбөрт тусгасан төрийн болон орон нутгийн өмчит компаниудыг нээлттэй хувьцаат компани болгох танилцуулгыг монголын хөрөнгийн биржээс хийлээ.

ТӨБЗГ-н дарга: “Өнөөдрийн байдлаар манай улсад төрийн өмчит болон төрийн өмчийн оролцоотой 78 компани, үйлдвэрийн газар болон тэдгээрийн охин хараат 44 компани үйл ажиллагаагаа явуулж байна” гэсэн ба бэлтгэл ажлыг сайтар хангаж ажиллах шаардлагатайг онцоллоо.

🐐 ГОВЬ ХК 3-р улиралд….

🧶 MSE:GOV, 2024 оны 3-р улиралд ₮167.9 тэрбумын борлуулалт хийсэн ба энэ нь өмнөх оны мөн үеэс 1% өссөн байна. Гэвч компанийн алдагдал ₮5.1 тэрбум буюу өмнөх үеэс ₮1.2 тэрбумаар илүү боловч өнгөрсөн 2-р улирлаас 2.7 дахин буурчээ.

  • Онцлох үзүүлэлтүүд:

  • Маркетингийн зардлыг 71% буруулсан ба үүнээс үүдэлтэй гадаад борлуулалт өмнөх оны мөн үеэс 59% буурч ₮9.3 тэрбум хүрсэн.

  • Дотоодын борлуулалт өмнөх оны мөн үеэс 10%-р өсөж ₮114.21 тэрбум болсон бөгөөд үүний 46%-ийг буюу ₮52.54 тэрбумыг жуулчид бүрдүүлжээ.

  • Дэлгэрэнгүй тайланг ЭНД-ээс

Тэгвэл,

Монголын Ноос, ноолуурын холбооны гүйцэтгэх захирал Д.Алтанцэцэг “Монгол ноолуур судлал-2024” эрдэм шинжилгээний хурлын үеэр,

📢Дэлхийн зах зээлд дээр бэлчээрийн, байгальдаа идээшилдэг ямааны, байгалийн өнгөтэй ноолуураар хийсэн бүтээгдэхүүний үнэ цэн, үнэлэмж жилээс жилд улам бүр өсөж буйг тодотгон хэлжээ.

💡Салбарын эрх зүй, хөрөнгө оруулалт, татварын таатай орчныг бүрдүүлэх, түүхий эдийн чанар, бэлтгэлийн тогтолцоог дэмжих зорилготой, Монгол Улсын Ерөнхийлөгчийн дэвшүүлсэн “Цагаан алт” хөдөлгөөнийг хэрэгжүүлэхээр эхлээд буйг дуулгалаа.

🧈 Алтны үнэ 0.5%-р өссөнөөр унц нь 2700 ам.доллар болж, шинэ дээд түвшинд хүрлээ. Ойрх Дорнодын нөхцөл байдал хурцдаж байгаатай холбоотойгоор арилжаанд оролцогчид аюулгүй хөрөнгөд тооцогддог тус металлыг худалдан авах нь нэмэгдэж байгаа нь үнийн өсөлтөд голлон нөлөөлжээ.

🚘 “Hyundai Motor India”-ийн зах зээлийн үнэлгээ $19 тэрбумаар үнэлэгдэж байна.

🇮🇳 Энэтхэг улсын түүхэн дэх хамгийн томд тооцогдож буй энэхүү IPO-д гадаадын иргэд болон орон нутгийн мөнгөний менежерүүдэд зориулан үлдээсэн хувьцаанаас зургаа дахин их захиалга авчээ.

Тус компанийн хувьцааны ханш санал болгож буй үнийн дээд хязгаартаа хүрвэл 3.3 тэрбум ам.доллар босгох бөгөөд толгой компани болох “Hyundai Motor” хувьцааныхаа 17.5 хувийг зарах бөгөөд 10-р сарын 22 буюу өнөөдөр арилжааг эхлүүлэх ажээ.

 ✅💸 Өндөр хүүтэй бондоор хөрөнгө оруулалтын багцаа нэмэгдүүлэх боломж....

  • Бид танд жилийн 20% өгөөжтэй, 12 сарын хугацаатай, барьцаа хөрөнгийн баталгаатай, үнэ цэнийг бүтээгч компаниудын бүтээгдэхүүнийг санал болгож байна. Та улирал тутмын тогтмол хүүгийн төлөлтөөр орлогын эх үүсвэрээ нэмэгдүүлээрэй.