- Apex Capital
- Posts
- ⏳ Хөрөнгийн зах зээлийн эргэн тойронд No49
⏳ Хөрөнгийн зах зээлийн эргэн тойронд No49
Шинэ өдрийн мэнд,
📥 Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.
🔍 ДУГААРЫН ЭМХЭТГЭЛ
🏦 Хас банкны 3-р улирлын тайлан
✅ АНУ инфляц дахин буурлаа
📙 ЛендМН ББСБ-н 3-р улирлын тайлан
🏠︎ Орон сууцны үнэ өссөн байна
₮43.4 тэрбумын цэвэр ашигтай ажилласан Хас банк…
👇(MSE:XAC) 2024 оны 3-р улиралд ₮43.4 тэрбумын цэвэр ашигтай ажилласан бөгөөд 2024 оны нийт өссөн дүнгээр ₮128.7 тэрбумын ашигтай ажиллажээ.
🌟 Он гарснаар банкны нийт хүүгийн орлого ₮524.35 тэрбум буюу өмнөх оны мөн үеэс 36% өссөн ба үүний гол шалтгаан нь зээлийн хүү нэмэгдсэнтэй холбоотой байна.
Тодруулбал, зээлийн хүүгийн орлого 2023 оны 3-р улиралд ₮283.41 тэрбум байсан бол 2024 оны 3-р улиралд ₮403.63 тэрбум болж 42%-р нэмэгджээ.
Бусад онцлох нь:
Зээлийн багц 3.61 их наяд хүрсэн ба өмнөх оны мөн үеэс 34.32% нэмэгджээ.
Чанаргүй зээлийн харьцаа 2023 оны мөн үеэс 3.2% байсан бол 2.2% болж буурсан.
Өөрийн хөрөнгийн өгөөж (ROE) 26.2%,
Нэгж хувьцаанд ноогдох цэвэр ашиг (EPS) ₮122.3
➕ Wells Fargo /American multinational financial services company/ III-р улирлын цэвэр ашиг шинжээчдийн таамгийг давлаа. Хөрөнгө оруулалтын хүүгийн орлого нь 37% өсөж $672 сая хүрсэн байна. Уг өсөлт Wells Fargo-ийн цэвэр ашиг өсөхөд голлон нөлөөлжээ.
📢 АНУ инфляц сүүлийн 5 сар дараалан уналаа….
🧐 Өнгөрсөн 7 хоногийн томоохон мэдээнүүдийн нэг нь АНУ инфляцын мэдээ байлаа. 9-р сарын инфляц 0.1%-р буурч 2.4%-тай гарсан бол хүнс эрчим хүчний үнийг хассан суурь инфляц 0.1%-р өсөж 3.3% тай гарсан байна.
📌 Шинжээчид 9-р сард инфляцыг 2.3% гарна гэж тооцоолж байсан хүлээлтээс өндөр гарснаар ам.долларын индекс бага зэрэг чангарчээ.
ҮСХ: 📈 Манай улсын хэмжээнд инфляц 6.7% болж нэмэгдсэн.
Өнгөрсөн сард хэрэглээний үнийн индекс 0.1% болж он гарснаас хойш 5.3%-р өсжээ.
Инфляцад бензин түлшнээс гадна импортын барааны үнэ 34.1%-р, бусад барааны үнэ 49.1%-р нөлөөлөв.
🟠 ЛендМН 3-р улиралд….
📙2016 онд Монголд анх удаа барьцаагүй финтек зээлийн үйлчилгээг нэвтрүүлж эхэлсэн "ЛэндМН ББСБ" ХК 8 жилийн хугацаанд нийт 1.3 сая гаруй хэрэглэгчтэй болон өргөжөөд байна.
💰Энэ оны 3-р улиралд ₮10.4 тэрбумын цэвэр ашигтай ажилласан бөгөөд 2024 оны нийт өссөн дүнгээр ₮27.5 тэрбумын ашигтай байна.
🔶 Эхний улирлаас гуравдугаар улирлын нийт орлого 64.1 тэрбум төгрөгт хүрсэн бөгөөд өмнөх онтой харьцуулахад ₮30.2 тэрбумаар нэмэгдсэн буюу 93%-р нэмэгдсэн байна.
↑ Зээлийн багц /цэвэр/ 200.8 тэрбумд хүрсэн ба өмнөх оны мөн үеэс 112%-р нэмэгджээ.
🏠︎ Орон сууцны үнэ өмнөх оны мөн үеэс 12.2 хувиар өсжээ…
📝 2024 оны 9 дүгээр сарын байдлаар Улаанбаатар хотод орон сууцны үнэ өмнөх оны мөн үеэс 12.2 хувиар, өмнөх сараас 2.8 хувиар тус тус өссөн тухай Үндэсний Статистикийн Хороо тайландаа дурджээ.
⏳ Орон сууцны насжилтаар авч үзвэл шинэ орон сууцны үнэ өмнөх оны мөн үеэс 9.6%-р, өмнөх сараас 4.0 хувиар харин хуучин орон сууцны үнэ өмнөх оны мөн үеэс 13.8%-р, өмнөх сараас 2.1%-р өссөн байгаа аж.
🔎 Түүнчлэн хуучин орон сууцны дундаж ханш м.кв тутамд ₮4.02 сая байгаа бол шинэ орон сууцны хувьд ханш ₮4.39 сая байна.
MSE: Уул уурхайн бүтээгдэхүүний биржийн арилжаагаар IX сард нийт ₮317.3 тэрбумаар 1.1 сая тонн бүтээгдэхүүн арилжсан байна. Тайлант хугацаанд 31 удаагийн хэлцэл хийгджээ.
✅ 💸 “АШГАА АРВИЖУУЛ АРД БОНД” III ТРАНЧ ЭХЛЭХЭД 1 ХОНОГ...
Ард Кредит ББСБ ХК-ийн гаргаж буй нээлттэй бондын гуравдугаар транчын урьдчилсан захиалга явагдаж байна.
БОНДЫН ОНЦЛОГ:
Хүүгийн орлогын татвар, 5% буюу бусад хөрөнгө оруулалтын хүүгийн татвараас 2 дахин бага.
Хөрвөх чадвар, бирж дээр шууд арилжаалагдах тус хүссэн үедээ авч зарах захиалга өгөх боломжтой.
Барьцаа хөрөнгө, МХБ-ийн I ангилалд нээлттэй арилжаалагдаж буй Ард Санхүүгийн Нэгдэл ХК, Ард Кредит ББСБ ХК-ийн ₮19.3 тэрбумын үнэлгээ бүхий хувьцааг барьцаалан гаргаж байгаа.
