📍 Хөрөнгийн зах зээлийн эргэн тойронд No48

Шинэ өдрийн мэнд,

 📩Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.

🔍 ДУГААРЫН ЭМХЭТГЭЛ

🏦 Төсвийн орлого өмнөх оны мөн үеэс 30.4% өсжээ

⛏️ Эрдэнэс таван толгой улсын төсөвт 2.4₮ их наядыг татан төвлөрүүлэв

💥 7 хоногийн хугацаанд 9% өссөн газрын тосны ханш

🏛️ МХБ ISO/IEC 27001:2023 / ISO/IEC 27001:2022 стандартыг нэвтрүүллээ

⚡ Олон улсын технологийн тэргүүлэгч компаниудын хувьцаа 10 жилийн хугацаанд…

Төсвийн орлого мөн оны энэ үеэс 30.4% өсжээ…

Орлогын 89.2%-г татварын орлого бүрдүүлсэн бол зардлын дийлэх хэсэг буюу 79%-г урсгал зардал эзэлж байна.

Нийт дүнгээр сүүлийн 2 жилийн эхний 8 сард төсвийн тэнцэл ашигтай гарсан бөгөөд үүнд татварын орлого 29.9 хувиар нэмэгдэж 17.7 их наяд төгрөгт хүрсэн нь голлон нөлөөлжээ.

☝️ Эрдэнэс таван толгой улсын төсөвт 2.4₮ их наяд татварыг татан төвлөрүүлэв…

📣 Компани 2024 оны эхний найман сарын байдлаар 20.28 сая тонн нүүрс экспортолж, Монгол Улсын коксжих нүүрсний экспортын 52%-ийг дангаараа бүдүүлэн, улсын төсөвт 2.4 их наяд төгрөгийн татвар төвлөрүүлжээ. 

⏳ 2023 онд 3.5 их наяд төгрөгийн цэвэр ашигтай ажиллаж улсын төсөвт 2.8 их наяд төгрөгийн татвар төвлөрүүлж байсан бол энэ оны эхний найман сарын байдлаар 3.3 их наяд төгрөгийн цэвэр ашигтай ажилласан байна.

⬆️ Газрын тосны ханш 7 хоногт 9% өсжээ…

📍Израил болон Ираны галт мөргөлдөөнөөс үүдэлтэй газрын тосны үнэ өссөөр байна. WTI буюу Баруун Техасын түүхий нефтийн үнэ өнгөрсөн Баасан гарагт 75$ хүрсэн бөгөөд энэ нь Даваа гаргаас хойш 9 орчим хувиар өссөн үзүүлэлт юм.

🤔Яагаад, АНУ-ын Ерөнхийлөгч Жо Байден Израилын талд орж, Ираны эрчим хүчний байгууламжид цохилт өгөхөд дэмжлэг үзүүлэх боломжтой гэж мэдэгдсэний дараагаар энэхүү өсөлт гарчээ. Гэвч АНУ-ын албаны хүн Израилын талтай хэлэлцээр хийж байгаа бөгөөд эцсийн шийдвэр гараагүй гэж мэдэгдээд байна.


📌 Хурц байдалд орших энэхүү бүс нутаг нь нийт газрын тосны үйлдвэрлэлийн 1/3-ийн бүрдүүлдэг тул энэхүү үйл явдлууд нефтийн үнэд шууд нөлөөлж байгаа юм.

🏛 МХБ ISO/IEC 27001:2023 / ISO/IEC 27001:2022 стандартыг нэвтрүүллээ…

📝“Монголын хөрөнгийн бирж” ХК нь уул уурхайн бүтээгдэхүүний биржийн үйл ажиллагаа эрхлэх, үнэт цаасны зах зээлд үнэт цаасны арилжаа эрхлэх үйл ажиллагаандаа, Мэдээллийн аюулгүй байдлын менежментийн тогтолцоо, шаардлага ISO/IEC 27001:2023 / ISO/IEC 27001:2022 стандартыг нэвтрүүлж, “МонСертф” ХХК-ийн удирдлагуудаас баталгаажуулалтын гэрчилгээг гардан авлаа.

✅“МонСертф” ХХК нь олон улсын баталгаажуулалтын эрхтэй Франц улсын “Афнор групп”-ийн Ази дахь таван улс хариуцсан албан ёсны төлөөлөгч байгууллага юм. 

👊Олон улсын технологийн тэргүүлэгч компаниудын хувьцаа 10 жилийн хугацаанд… 

💵2014 онд 1$ 1830₮-тэй тэнцэж байсан бол өнөөдөр 3380₮-тэй тэнцэж байна. Энэ хугацаанд ам.доллар төгрөгийн эсрэг 84.7% чангарсан бөгөөд үүнийгээ дагаад өргөн хэрэглээний бараа бүтээгдэхүүний үнэ жилээс жилд өсөн нэмэгдсээр байгааг та сайн мэдэж байгаа байх. 

📈 Хэрэв тухайн үед 100,000₮ дараах гадаад хувьцаанд хөрөнгө оруулсан бол өнөөдөр хэрхэн өгөөжтэй байх талаар авч үзэе.

❗Тухайн үеийн 100,000₮ буюу 54.6 ам.доллароор дээрх хувьцаануудад хөрөнгө оруулсан бол таны хөрөнгө хамгийн ихдээ 31,000% өсөх бол хамгийн багадаа 576% өсөх боломжтой байжээ. 

✅ 💸 “АШГАА АРВИЖУУЛ АРД БОНД” III ТРАНЧ ТУН УДАХГҮЙ...

Ард Кредит ББСБ ХК-ийн гаргаж буй нээлттэй бондын гуравдугаар транчын урьдчилсан захиалга явагдаж байна.

БОНДЫН ОНЦЛОГ:

• Хүүгийн орлогын татвар, 5% буюу бусад хөрөнгө оруулалтын хүүгийн татвараас 2 дахин бага.

• Хөрвөх чадвар, бирж дээр шууд арилжаалагдах тус хүссэн үедээ авч зарах захиалга өгөх боломжтой.

• Барьцаа хөрөнгө, МХБ-ийн I ангилалд нээлттэй арилжаалагдаж буй Ард Санхүүгийн Нэгдэл ХК, Ард Кредит ББСБ ХК-ийн ₮19.3 тэрбумын үнэлгээ бүхий хувьцааг барьцаалан гаргаж байгаа.