⚡ Хөрөнгийн зах зээлийн эргэн тойронд No46

Шинэ өдрийн мэнд,

📩 Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.

🔍 ДУГААРЫН ЭМХЭТГЭЛ

🏛️ Эрдэнэс таван толгой ХК нээлттэй компани болох уу

⛏️ Жижиг Таван Толгой ногдол ашгаа тараав

🏭 Өнөөдрийг хүртэл өссөн ДНБ

🇺🇸 АНУ бодлогын хүү төсөөлснөөс илүү буурав

✓ Хуучин CEO буцаж ирнэ - Nike

📦 Импортын барааны үнэ 2 дахин өссөн гэв үү

ОНЦЛОХ НЬ

🏦 Эрдэнэс Таван Толгой ХК нээлттэй компани болох уу?

ЗГ-н үйл ажиллагааны хөтөлбөр хэрэгжүүлэх чиглэлээр гарсан 100 хоногийн албан даалгаврын хүрээнд Эрдэнэс таван толгой хаалттай компанийг олон улсын тендер зарлаж гаднын менежментээр удирдуулах бодлогыг барьж ажиллахаа мэдэгдсэн…

Үүний үр дүнд компани дахь улс төрийн нөлөөлөл багасаж иргэд хөрөнгийн зах зээлд 1072 хувьцаагаа арилжаалах боломжтой болох ба компанийн засаглал сайжирна гэж засгийн газраас үзэж байгаа юм.

⬆️ Таван толгой ХК 2023 оны ногдол ногдол ашгаа тараалаа.

📍2023 оны жилийн эцсийн цэвэр ашгаас хувьцаа эзэмшигчдэдээ нэгж хувьцаанд 4,996 /дөрвөн мянга есөн зуун ерэн зургаа/ төгрөгөөр тооцож ногдол ашгийг үнэт цаас төвлөрсөн хадгаламжийн төвөөр хуваариллаа.

⚡Тэгвэл компани 2024 оны хагас жилийн хугацаанд ₮518.5 тэрбум борлуулалтын орлоготой ажилласан бөгөөд энэ нь өнгөрсөн оны мөн үетэй харьцуулахад 13.3 дахин, цэвэр ашиг ₮213.2 тэрбумд хүрч өмнөх оны мөн үеэс 16.1 дахин тус тус өссөн байна.

💪 Цаашид....
Нүүрсний экспортыг эрчимжүүлэх ажлын хүрээнд 2024 оны 2-р улирлаас эхлэн “Смарт эко транс” ХХК-тай хамтын ажиллагааны гэрээ байгуулж Гашуунсухайт боомт дахь автомат удирдлагатай тээврийн хэрэгслийн терминалаар экспортын тээврийг эхлүүлсэн билээ. Энэхүү гарцаар өдөрт 100 тээврийн хэрэгслээр 14,000 тонн орчим нүүрс экспортлох боломжтой юм. 

Нэгж хувьцааны ханш сүүлийн нэг жилийн хугацаанд ₮11.0 мянгаас ₮32.0 мянга болтол өссөн байна.

ГАДААД НЬ

🇺🇸 АНУ-ын Бодлогын хүү.

Өнгөрсөн 7 хоногт гарсан хамгийн том мэдээ бол яахын аргагүй АНУ-ын бодлогын хүүгийн өөрчлөлт байлаа.

Шинжээчид хүүг 25 нэгжээр бууруулна гэсэн хүлээлттэй байсан бол ХНС 50 нэгжээр бууруулжээ. Үүний нөлөөгөөр S&P 500 index түүхэн дээд ханшдаа хүрчээ.

🤔 Хуучин CEO буцаж ирнэ - Nike

2020 онд гүйцэтгэх удирдлагын ажлаа хүлээлгэж өгсөн Elliot Hill, энэ 10-р сарын 14-ний өдрөөс эхлэн Nike-ийн CEO болохоор болжээ.

Одоогийн захирал нь мөн сарын 13-ны өдөр ажлаа хүлээлгэж өгөх ба 2025 оны 1-р сар хүртэл зөвлөхийн гэрээтэй байх нь. Энэхүү мэдээний дараагаар хувьцааны ханш NYSE: NKE 7% өсжээ.

ДОТООД НЬ

👉 2020 оноос хойш нэг хүнд ногдох ДНБ тогтмол өссөөр л…

Одоогоос 10 жилийн өмнө манай улсын нэг хүнд ногдох дотоодын нийт бүтээгдэхүүн 4,501 ам доллар байсан ба 2017 он хүртэл тогтмол буурч 3,705 ам.долларт хүрсэн. Харин 2021 оноос хойш тогтмол өссөөр 5,875 ам.долларт хүрсэн буй.

• Тооцоолбол, сүүлийн гурван жилд жил тутамд 582 ам.доллароор тогтмол өссөн гэж харж болно. Хэрэв цаашид энэ байдлаараа тогтмол өссөөр байвал 2028 онд нэг хүнд ногдох дотоодын нийт бүтээгдэхүүн 8,203 ам.долларт хүрэхээр байна.

• Манай улсын төсвийг бүрдүүлж, гол орлогыг уул уурхайн гаралтай түүхий эдүүд бүрдүүлдэг билээ. Өнгөрсөн онд эдийн засаг долоон хувиар өсөхөд БНХАУ-д нийлүүлсэн нүүрсний хэмжээ 70 сая тоннд хүрсэн нь голлон нөлөөлсөн юм. Учир нь БНХАУ-ын дотоодын хэрэгцээг хангадаг нүүрсний уурхайнуудад удаа дараа осол гарч, нүүрсний гарц муудсанаас үүдэн манай улсаас авах экспортын хэмжээг нэмэгдүүлснээр энэ боломж бүрдсэн байдаг.

🗂️ Импорт 2024 оны эхний 8 сард 7.5 тэрбум ам.доллар болж өмнөх онтой харьцуулахад 1.6 тэрбум ам.доллар буюу 26.2%-иар өсжээ..

📊 Үндэсний статистикийн хорооноос Монгол Улсын нийгэм, эдийн засгийн энэ оны эхний найман сарын статистик мэдээллийг танилцууллаа.

Инфляц 6.5%-тай гарахад 2.1 нэгж буюу 32.4%-р импортын барааны үнэ  гол нөлөөг үзүүлсэн байна.
Манай улс энэ хугацаанд 150 оронтой худалдаа хийж нийт бараа эргэлт 18.1 тэрбум ам.долларт хүрч 3.1 тэрбум ам.долларын ашигтай гарсан байна.

Экспортын орлогоос 10.6 тэрбум ам.доллар олсон нь өмнөх оны мөн үетэй харьцуулахад 620 сая, импорт 1.6 тэрбум ам.доллароор илүү буюу нийт 26.25%-р тус тус өссөн дүнтэй байна. Харин экспорт энэ наймдугаар сард өмнөх сараас 21.3 сая ам.доллароор буурсан бол импорт 27.3 сая ам.доллароор өсжээ.

Нийт бараа эргэлтийн 70.5%-ийг БНХАУ- тай хийсэн 12.8 тэрбум төгрөгийн худалдаа эзэлж байна.

🎉 БАЯЛАГ БҮТЭЭГЧ БОНДЫН БАГЦ 2.0

Бид танд жилийн 19.5% хүүтэй, 12 сарын хугацаатай, 3 сар тутам хүүгийн төлөлттэй Баялаг бүтээгч бондын багцыг санал болгож байна. Бондын багцын давуу тал:

• Олон компани багтдаг тул эрсдэл багатай

• Нэг гэрээгээр бондын багц эзэмших боломжтой

• Уян хатан эргэн төлөлтийн нөхцөл /Улирал тутмын хүүгийн өгөөж/