🔍 Хөрөнгийн зах зээлийн эргэн тойронд No45

Шинэ өдрийн мэнд,

📥 Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.

🔍 ДУГААРЫН ЭМХЭТГЭЛ

🏛️ Монгол банк бодлогын хүүгээ 1 нэгжээр бууруулав.

🔔 Компаниудын IPO хийх сонирхол буурч байна уу?

🇺🇸 АНУ 1 их наяд ам.доллар хүү төлөв.

💭 Крипто залилан 6.5 тэрбум ам.доллар хүрчээ.

⬆️ Эдийн засгийн өсөлт 5.6 хувьтай гарчээ.

ОНЦЛОХ НЬ

🏦 Монгол банк бодлогын хүүгээ 1 нэгжээр буулгаж 10% болголоо.

2024 оны 8-р сарын байдлаар инфляцын хэмжээ улсын хэмжээнд 6.5 хувь, Улаанбаатар хотод 6.2 хувьтай байна.

Инфляц зорилтот интервалд тогтворжихоор байгаа тул санхүүгийн нөхцөлийг сулруулж, дунд хугацааны эдийн засгийн тогтвортой өсөлтийг дэмжих зорилгоор Монголбанкны Мөнгөний бодлогын хорооноос бодлогын хүүг 1 нэгж хувиар бууруулах шийдвэрийг гаргасан байна.

• Төсвийн тодотголын нөлөөгөөр ирэх онд дотоод эрэлт тэлж, хатуу мөнгөний бодлого үргэлжилж, худалдааны түнш орнуудын инфляц бага, валютын ханш харьцангуй тогтвортой хадгалагдахаар байгаа тул инфляц тогтворжихоор байна.

• Гэхдээ УИХ-д өргөн барьсан төсвийн төсөл батлагдаж, томоохон дэд бүтцийн хөрөнгө оруулалтыг гадаад эх үүсвэрээр санхүүжүүлж чадахгүй тохиолдолд төлбөрийн тэнцэл инфляцад дарамт учруулах эрсдэлтэй.

⬆️ Эдийн засгийн өсөлт 5.6 хувьтай гарчээ.

📍Уул уурхай, тээврийн салбарын өсөлт өндөр, өрхийн болон төрийн байгууллагын хэрэглээ эрчимжиж, хөдөө аж ахуйгаас бусад салбарын өсөлт нэмэгдсэн нь эдийн засгийн өсөлтийг голлон тэтгэжээ. Нүүрсний экспортын биет хэмжээ өмнөх төсөөллөөс нэмэгдэж, төсвийн зардал тэлсэн нөлөөгөөр эдийн засгийн өсөлт өндөр түвшинд хадгалагдахаар байна.

⚡Тэгвэл 2024 оны 11-р сарын 1-ний өдрөөс эхлэн цахилгаан, дулааны үнийг нэмэх болсон тухай Эрчим хүчний сайд мэдэгдсэн юм. Хэрэв Цахилгаан үнийг 30%-р, дулааны үнийг 50%-р нэмбэл инфляц 0.8%-1% өсөх тооцооллыг гаргасан байна.

ГАДААД НЬ

🇺🇸 АНУ 1 их наяд ам.доллар хүү төлөв.

АНУ-ын засгийн газар $35.3 их наядын өр төлбөрт сүүлийн 9 сарын хугацаанд нийт $1 наядын хүүгийн төлбөр төлсөн ба энэ нь АНУ-ийн түүхэн дахь хамгийн өндөр хүүгийн төлбөр боллоо.

Уг явдал нь бодлогын хүү сүүлийн 23 жилд байгаагүй өндөр түвшинд хүрнээс үүдэлтэй ба хүүгийн төлбөр өмнөх оны мөн үеэс 30%-иар нэмэгджээ. 2024 оны жилийн эцэс гэхэд нийт $1.158 их наядын хүүгийн төлөлт хийх нь.

🤔 АНУ-д крипто залилан 6.5 тэрбумын ам.доллар хүрчээ.

Холбооны мөрдөх товчооны мэдээлснээр 2023 онд АНУ-д криптовалютны луйврын хэрэг мэдэгдэхүйц хэмжээгээр өссөн байна. Тус агентлагийн 2023 оны криптовалютын залилангийн тайланд дурдсанаар, Америкчууд өнгөрсөн жил криптотой холбоотой луйврын гэмт хэргийн улмаас $5.6 тэрбумын алдагдал хүлээсэн нь 2022 онтой харьцуулахад 45%-иар өссөн байна. Тус тайланд криптотой холбоотой залилан нийт санхүүгийн гэмт хэргийн дөнгөж 10 орчим хувийг эзэлж байгааг онцолжээ.

ДОТООД НЬ

👉МХБ-р арилжаалагдсан хувьцааны анхдагч болон хоёрдогч арилжаа жилээс жилд өссөөр байгаа билээ. 2024 оны эхний хагас жил гэхэд нийт 160 тэрбум төгрөгтэй тэнцэх хэмжээний хувьцааны хоёрдогч арилжаа хийгдсэн байна. Энэ нь 2016 оны дүнтэй харьцуулахад 3.3 дахин өссөн үзүүлэлт юм.

🤝Хэдийгээр тус үзүүлэлт нэмэгдэж байгаа ч шинэ компаниуд хөрөнгийн зах зээлд орох буюу олон нийтэд хувьцаагаа санал болгох нь багассан дүр зурагтай байна. Энэ оны байдлаар Ард кредит ХК нэмж хувьцаа гаргасан бөгөөд үүний дараа Эм Жи Эл Акуа компани нээлттэй хувьцаат компани болсон билээ.

✅ 💸 “АШГАА АРВИЖУУЛ АРД БОНД” II ТРАНЧЫН АНХДАГЧ АРИЛЖАА ЭХЛЭХЭД 2 ХОНОГ ҮЛДЛЭЭ.

Ард Кредит ББСБ ХК-ийн гаргаж буй нээлттэй бондын хоёрдугаар транчын урьдчилсан захиалга явагдаж байна.

БОНДЫН ОНЦЛОГ:

• Хүүгийн орлогын татвар, 5% буюу бусад хөрөнгө оруулалтын хүүгийн татвараас 2 дахин бага.

• Хөрвөх чадвар, бирж дээр шууд арилжаалагдах тус хүссэн үедээ авч зарах захиалга өгөх боломжтой.

• Барьцаа хөрөнгө, МХБ-ийн I ангилалд нээлттэй арилжаалагдаж буй Ард Санхүүгийн Нэгдэл ХК, Ард Кредит ББСБ ХК-ийн ₮19.3 тэрбумын үнэлгээ бүхий хувьцааг барьцаалан гаргаж байгаа.