📌Хөрөнгийн зах зээлийн эргэн тойронд No44

Шинэ өдрийн мэнд,

📩 Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаарх мэдээллийг багцлан хүргэж байна.

🔍 ДУГААРЫН ЭМХЭТГЭЛ

🌐 Гадаад худалдааны тэнцэл 13.6% өсжээ.

🌟 Rocket Dell болон Palantir шилдгүүдийн эгнээнд…

☂️ Даатгалын хураамжийн орлого ₮52.9 тэрбумаар нэмэгдсэн байна.

🇺🇸 АНУ инфляцын мэдээ тун удахгүй...

💰Цэвэр ашгийн өсөлтөөрөө тэргүүлж буй хувьцаат компаниуд аль салбарынх вэ?

ОНЦЛОХ НЬ

 🌐 Гадаад худалдааны тэнцэл хэр өсөв?

Нийт бараа бүтээгдэхүүний эргэлт 18.13 тэрбум ам.доллар болж өмнөх оны мөн үеэс 13.6% өсжээ.

• Экспорт, 10.63 тэрбум ам.долларын бараа бүтээгдэхүүн болон түүхий эдийг экспортоор гаргасан ба энэ нь өмнө жилийн мөн үетэй харьцуулахад 6.2% өсөлттэй байна.

• Импорт, 7.5 тэрбум ам.долларын бараа бүтээгдэхүүн импортоор орж ирсэн нь 2023 оны мөн үеэс 26.15%-ийн өсөлтийг үзүүлжээ.

☂️ Даатгалын хураамжийн орлого хэдэн хувь нэмэгдсэн гэнэ үү…

📌 Энэ оны эхний хагас жилд ₮222.1 тэрбумд хүрсэн даатгалын хураамжийн орлого нь өмнөх оноос ₮52.9 тэрбумаар буюу 31.3%-иар нэмэгдсэн байна.

💭Мөн даатгалын нөхөн төлбөрт ₮70 тэрбум олгосон нь өмнөх оны мөн үеэс ₮16.5 тэрбум 31%-иар өсжээ.

🤝Нийт хураамжийн орлогын 85.6%-ийг сайн дурын, 13.6%-ийг албан журмын, 0.8%-ийг урт хугацааны буюу амьдралын даатгал тус бүр эзэлж байгаа бол, нийт нөхөн төлбөрийн 66.8% нь сайн дурын, 31.8% нь албан журмын, 1.4% нь урт хугацааны даатгалаас тус тус бүрдэж байна.

Даатгуулагчид 2024 оны эхний хагас жилд 1 саяд хүрч, жилийн өмнөх үеэс 123.2 мянгаар буюу 13.9-иар нэмэгджээ. Үүний 83.1% нь иргэд, 16.9% нь хуулийн этгээд аж ахуйн нэгж байгууллага юм.

ГАДААД НЬ

🤔 Rocket Dell болон Palantir шилдгүүдийн эгнээнд…

Palantir болон Dell АНУ-ын S&P 500 Index-д орохоор болсон ба энэхүү мэдээ бямба гарагт цацагдсаны дараагаар хувьцаануудын ханш тус бүр 7% өссөн байна. America Airlines-ийн оронд Palantir, Etsy-ийн оронд Dell хөрөнгийн зах зээлийн хамгийн чухал индексэд багтах боллоо.

🇺🇸 Ирэх 7 хоногт АНУ инфляцын мэдээ гарна…

Тус улсын инфляцын хэмжээ өнгөрсөн 7 сард 2.9 болж 0.1%-иар буурсан бол 8 сард инфляцыг 0.3%-иар буулган 2.6-тай гарна гэж шинжээчид таамаглаж байна.

📋 Энэхүү мэдээлэлтэй холбоотойгоор 9 сарын 19-ний шөнө монголын цагаар 02:00 цагаас танилцуулагдах бодлогын хүүгийн шийдвэр хөрөнгийн зах зээлд хэрхэн нөлөөлөх талаар шинжээчид дараах байр суурьтай байгаа аж.

💳 Мэдээж бодлогын хүү өндөр байх нь засгийн газрын бондын өгөөж, хадгаламжийн хүү зэрэгт эергээр нөлөөлөх ба хөрөнгө оруулагчид эрсдэлгүй өндөр өгөөжтэй бондод хөрөнгө оруулах боломжтой болно.

ДОТООД НЬ

💰 Цэвэр ашгийн өсөлтөөр тэргүүлж буй хувьцаат компаниуд:

Таван Толгой ХК-ийн цэвэр ашиг хагас жилийн байдлаар өмнөх оны мөн үеэс 1614 хувь өсжээ.

🏛️ МХБ-ийн нэгдүгээр самбарт бүртгэлтэй 27 компанийн дундаж цэвэр ашгийн өсөлт 137% байгаа бөгөөд банк бус, даатгал, банкны чиглэлээр үйл ажиллагаа эрхлэгч компаниудын өсөлт өндөр байна.

📈 Хамгийн өндөр цэвэр ашгийн өсөлттэй компаниар Таван толгой ХК, Монголын хөрөнгийн бирж ХК нар тэргүүлж байгаа бөгөөд, 2023 оны мөн үетэй харьцуулахад ашгийн хэмжээ 1614% болон 754%-иар тус тус өсжээ.

📊Хувьцаанд хөрөнгө оруулалт хийхдээ уг өсөлтийг харгалзан үзэх шаардлагатай ба энэхүү өсөлт тогтвортой байх нь чухал юм. Компаниуд цэвэр ашгаа нэмэгдүүлэхийн тулд өртгөө бууруулах, бусад зардлаа багасгах, орлогоо нэмэгдүүлэх зэрэг арга хэмжээ авч болно. Та дээрх компаниуд болон бусад хувьцаат компаниудын санхүүгийн тайланг www.mse.mn сайтаар хандан харах боломжтой.

✅ 💸 “АШГАА АРВИЖУУЛ АРД БОНД” II ТРАНЧЫН ЗАХИАЛГА АВЧ БАЙНА.

Ард Кредит ББСБ ХК-ийн гаргаж буй нээлттэй бондын хоёрдугаар транчын урьдчилсан захиалга явагдаж байна.

БОНДЫН ОНЦЛОГ:

• Хүүгийн орлогын татвар, 5% буюу бусад хөрөнгө оруулалтын хүүгийн татвараас 2 дахин бага.

• Хөрвөх чадвар, бирж дээр шууд арилжаалагдах тус хүссэн үедээ авч зарах захиалга өгөх боломжтой.

• Барьцаа хөрөнгө, МХБ-ийн I ангилалд нээлттэй арилжаалагдаж буй Ард Санхүүгийн Нэгдэл ХК, Ард Кредит ББСБ ХК-ийн ₮19.3 тэрбумын үнэлгээ бүхий хувьцааг барьцаалан гаргаж байгаа.