🗽 Гадаад зах зээлийн судалгаа No4

Энэ өдрийн мэнд! Өнөөдрийн гадаад зах зээлийн судалгааны 4-р дугаарт “2024 оны” тайлангаар бэлтгэлээ. Хэрэгтэй нэгэнд нь www.apex.mn сайтыг санал болгож и-мэйлээ бүртгүүлэхийг зөвлөөрэй. Sharing is caring 👏

ТОВЧООР

🚀 META борлуулалтаас үүдэлтэй цэвэр ашиг 50% өсөв
🏦 ХНС бодлгын хүүд өөрчлөлт оруулсангүй
🤔 Starbucks үзүүлэлт буурсан ч үнэ өснө
🤖 Tesla бодож явбал бүтнэ

ЭХНИЙХ НЬ

META БОРЛУУЛАЛТААС ҮҮДЭЛТЭЙ ЦЭВЭР АШИГ 🚀

Facebook (NYSE:META)-ын улирлын тайлан сайн гарч хувьцааны ханш бирж хаасны дараа 2.29% өсөж $692 хүрчээ.

Онцлох тоо:


• Борлуулалт, сүүлийн 3 сарын хугацаанд $48.39 тэрбум хүрч өмнөх жилээс 21% өссөн


• Үйл ажиллагааны ашиг, $23.37 тэрбум хүрч 41% өсөн бөгөөд энэ нь орлого 21% нэмэгдсэн ч ББӨ ердөө 5% нэмэгдсэнээс үүдэлтэй байна


• Нэгж хувьцаанд ноогдох ашиг (EPS), $8.02 буюу 50%-иар нэмэгдсэн байна.


• Идэвхтэй харилцагчид, 3.35 тэрбум хүрч өмнөх оны мөн үеэс 5% нэмэгджээ

Борлуулалтын орлого нэмэгдсэнээс үүдэлтэй компани 2024 онд гайхалтай сайн ажилласан байна 👏. Харин борлуулалтын орлого нэмэгдэх гол хүчин зүйл нь сурталчилгааны үнийн өсөлтөөс үүдэлтэй байна. Тэд 2024 онд зар сурталчилгааны төлбөрийг 10 орчим хувиар нэмжээ. 

2025, Ирэх улиралд META $39.5-41.8 тэрбумын борлуулалтын хийхээр төлөвлөөд байгаа бол бүтэн жилийн төсөөлөл гаргаагүй байна. Харин зардал 114-119 тэрбум байхаар таамаглаж байгаа бөгөөд үүний дийлэнх хувь нь дэд бүтцийн зардал байхаар байна.

Компанийн удирдлага, 2025 онд $60-65 тэрбумын хөрөнгө оруулалтын зардал төлөвлөөд байгаа бөгөөд энэхүү хөрөнгө оруулалт нь үндсэн үйл ажиллагаа болон хиймэл оюун ухааныг дэмжихнээ.

ДАРААХ НЬ

🇺🇸 БОДЛОГЫН ХҮҮД ӨӨРЧЛӨЛТ ОРУУЛСАНГҮЙ

ХНС 2024 оны 11-р сарын 7нд бодлогын хүүгээ бууруулж 4.5% хүргээд байсан бол манай цагаар өчигдөр шөнө бодлогын хүүг 4:25%-4.5% хэвээр үлдээж байгаагаа мэдэгдлээ. 🤔 
Холбооны нөөцийн банкны тэргүүн 👨‍💼 Жером Пауэлл хэлэхдээ “Инфляц тогтвортой саарч буйг илтгэх бодит тоо мэдээлэл гарах хүртэл бодлогын хүүг бууруулахад яарах шаардалгүй байна” гэж мэдэгдсэн байна.

Мөн хэвлэлийн хурлын үеэр эдийн засгийн үзүүлэлт сайн хэвээр, одоогийн бодлогын хүү өмнөх шигээ өсөлтийг хязгаарлахгүй гэдгийг сэтгүүлчдэд мэдэгдсэн байна.

ТЭРНИЙ ДАРААХ НЬ

☕️ 💚 ҮЗҮҮЛЭЛТ БУУРСАН Ч ҮНЭ ӨСНӨ

Мягмар гарагт Starbucks 2025 оны санхүүгийн жилийн 1-р улирлын үр дүнг танилцууллаа. Санхүүгийн үр дүнг олон нийтэд тайлагнасны дараагаар Лхагва гарагт хувьцааны ханш 8.14%-ийн өсөлтийг үзүүллээ.

Онцлох тоо:

• Борлуулалтын орлого, 9.4 тэрбум доллар,

• Нэгж хувьцаанд ногдох ашиг (EPS), $0.69

Нэгж хугацаанд ногдох цэвэр ашиг, $0.69 (өмнөх жилийнхээс 23%-иар буурсан), үйл ажиллагааны ашиг 390 суурь пунктээр буурч 11.9% болж, 377 шинэ дэлгүүр нээгдэж, дэлхийн хэмжээнд нийт 40,576 дэлгүүрт хүрсэн байна. АНУ-ын Starbucks Rewards-ийн гишүүнчлэл 34.6 сая идэвхтэй гишүүнтэй болж, жилийн өмнөхөөс 1%-иар өссөн байна.

Компанийн цэвэр ашиг 2024 оны 1-р улирлын $1.02 тэрбум харьцуулахад 23.8%-иар буурч $780.8 сая болжээ.

Өнгөрсөн улирал ❄️ дэлгүүрүүдийн борлуулалт 4 хувиар буурсан. Үүнтэй холбоотой өнгөрсөн оны 9 дүгээр сараас "Back to Starbucks" стратеги хэрэгжүүлж байгаа талаар мэдээлэв.

Өнөөдрийн байдлаар 2025 оны цаашдын төлөвлөгөөг танилцуулаагүй хэдий ч “Back to Starbucks” стратегийн тусламжтай шинэ сэргэлтийг 🤔 бий болгохоор зорьж байна.

СҮҮЛИЙХ НЬ

🚗 |🤖  БОДОЖ ЯВБАЛ БҮТНЭ

TESLA (NYSE:TSLA)-ын 4-р улирлын тайлан шинжээчдийн хүлээлтэд хүрсэнгүй. Гэсэн хэдий ч хувьцааны ханш бирж хаасны дараа 4.15% өсөж $405.25 хүрчээ.

Онцлох тоо:

• Борлуулалт, сүүлийн 3 сарын хугацаанд $25.71 тэрбум хүрч өмнөх жилийн мөн үеэс 2% өссөн

• Нэгж хувьцаанд ноогдох ашиг (EPS), $0.73 буюу 3%-иар нэмэгдсэн байна.

• Нийт борлуулсан автомашины тоо, 463,930 ширхэгт хүрч өмнөх оны мөн үеэс 2% нэмэгджээ
  
  

2025 онд,

• Компани нь 2025 он гэхэд автомашины борлуулалтын өсөлтийг 20-30% гэж төлөвлөж байна.

• 2025 оны 1-р улиралд 30 мянган доллароос бага үнэтэй загвар гаргахаар төлөвлөж байна

• Cybercab 2026 он гэхэд жил бүр 2 сая ширхгийг хүргэх төлөвтэй байна. 2025 оны 2-р улирал ​​​​аюулгүй байдлын шаардлагыг хангасан бүрэн автомат жолоодлоготой Роботакси Калифорниа, Техас мужид аялал жуулчлалын үйлчилгээнд нэвтрүүлэхээр төлөвлөж байна.

• Хагас ачааны машины үйлдвэрлэлийг 2026 онд нэмэгдүүлнэ.

• Тесла хиймэл оюун ухааны тооцооллын дэд бүтцэд их хэмжээний хөрөнгө оруулалт хийж байгаа бөгөөд ирэх жилд нийт хөрөнгө оруулалтын хэмжээ $11 тэрбумаас давах төлөвтэй байна.

Өөрөөр хэлбэл хэдий компанийн ашигт ажиллагаа шинжээчдийн таамагт хүрээгүй ч Elon Musk-ийн алсын хараа болон дээрх төлөвлөгөөнд үндэслэн хувьцааны ханш өссөн байна.

АНХААРАЛД!!!

Уг и-мэйл нь мэдээллийн шинж чанартай бөгөөд хөрөнгө оруулалтын эцсийн шийдвэрийг харилцагч өөрөө гаргах бөгөөд аливаа хөрөнгө оруулалт нь тодорхой эрсдэлийг өөртөө агуулж байдаг тул алдагдал хүлээх боломжтой.

Дээрх судалгааг бэлтгэхдээ тухайн цаг үеийн хамгийн сүүлийн үеийн мэдээллүүдийг агуулахыг зорьсон бөгөөд гуравдагч талын мэдээллийн үнэн зөв байдалд 100 хувь баталгаа өгч чадахгүй. Хөрөнгө оруулагч тус бүрийн эрсдэлд хандах байдал өөр тул аливаа шийдвэрийг гаргахдаа нэмэлт судалгаа шинжилгээ, зөвлөмж авахыг харилцагч танд санал болгож байна. Энэхүү судалгаанд дурдсан таамаглалаас үүдэн гарах аливаа эрсдэлийг шинжээч болон компани хариуцахгүй болно.