💳️ Гадаад зах зээлийн судалгаа No22

Энэ өдрийн мэнд! Өнөөдрийн гадаад зах зээлийн судалгааны 22-р дугаарт “PayPal ”-ийн талаар бэлтгэлээ. Хэрэгтэй нэгэнд нь www.apex.mn сайтыг санал болгож и-мэйлээ бүртгүүлэхийг зөвлөөрэй. Sharing is caring 👏

ТОВЧООР

💳️ Компанийн тухай
📖 Үйл ажиллагааны үр дүн
🏎️ Өрсөлдөгчийн харьцуулалт
🔎 Техник шинжилгээ

Компанийг тоймлох нь

💳️ PayPal Holdings Inc. нь дэлхий даяар төлбөр тооцоо хийх боломжийг олгодог дижитал технологийн платформ юм.  Энэ нь худалдагч болон хэрэглэгчдийг холбосон хоёр талт сүлжээг ажиллуулдаг бөгөөд үйлчлүүлэгчдэдээ цахим болон биетээр гүйлгээ хийх, төлбөр илгээх, хүлээн авах, мөн банкны данс гэх мэт янз бүрийн санхүүжилтийн эх үүсвэрийг ашиглан мөнгө шилжүүлэх, татах боломжийг олгодог компани юм. Тус компани нь 1998 онд байгуулагдсан бөгөөд төв байр нь Калифорни мужийн Сан Хосе хотод байрладаг.

Үйл ажиллагааны үр дүн

Компанийн нийт гүйлгээний хэмжээ өмнөх оны мөн үеэс 11% өсөж $417B хүрсэн байна. Эхний хагаст $1.4B долларын чөлөөт мөнгөн урсгалыг бий болгож $1.5B хувьцааг эргүүлэн худалдан авчээ. Мөн нэгж хувьцаанд ноогдох ашиг өмнөх оны мөн үеэс 36% өссөн байна.

Компани 2-р хагаст $3.6B долларын чөлөөт мөнгөн урсгалыг бий болгож 2024 онд нийтдээ $5B хувьцааг эргүүлэн худалдан авахаар төлөвлөсөн байна. 2024 хагас жилийн тайланг эндээс.

Тэдний ирээдүйн төлөвлөгөө

• PayPal 2024 оны бүтэн жилийн борлуулалт болон ашгийн төсөөллөө нэмэгдүүлсэн

• Тус компани NFC технологийн олон хувилбаруудыг Европт нэвтрүүлэхээр төлөвлөж байгаа

• PayPal нь шинэ бүтээгдэхүүн үйлчилгээг зах зээлд нэвтрүүлэх, инновацад хөрөнгө оруулахад түлхүү анхаарч ажиллана.
  Нэмж хувьцаагаа 6 тэрбум доллароор худалдаж авахаар төлөвлөсөн.

Ижил төстэй үйл ажиллагаа явуулж буй компаниудтай харьцуулан авч үзвэл нийт орлого болон зах зээлийн үнэлгээгээр FI-ийн дараагаар орж байна. PE харьцаа 16.5 буюу салбарын дунджаас өндөр байгаа нь хувьцааг зах зээл дээр үнэтэй арилжаалагдаж байгааг илэрхийлж болох ч өрсөлдөгч компаниудын үнэ ашгийн харьцаа нь маш бага байна.

Wall Street-ийн 47 шинжээчид хувьцааны дундаж ханшийн таамаглалыг 79.52 гэж өгсөн бөгөөд энэ нь одоогийн ханшнаас 11.28%-иар өсөх боломжтой гэсэн үзүүлэлт юм.

🔍️ Техник шинжилгээ

Компанийн хувьцаа АНУ-ын NASDAQ хөрөнгийн биржид бүртгэлтэй бөгөөд одоогоор 71.89 USD ханштай байна. Бидний хувьд хувьцааны ханшийг 60 ам.доллароос буюу маш том дэмжлэгийн бүс дээр ирэх үед худалдаж авахыг зөвлөсөн бөгөөд 2-р улирлын тайлан зарлагдсанаар ханш үргэлжлүүлэн өсөн 68.35 ам.долларын хүчтэй эсэргүүцлийн цэгээс дээш арилжаалагдаж байгаа нь хувьцааны ханшийг үргэлжлүүлэн өсгөн FIBO 61.8 түвшин буюу 93 ам.доллар хүртэл өсөх боломжтой байна.

АНХААРАЛД!!!

Уг и-мэйл нь мэдээллийн шинж чанартай бөгөөд хөрөнгө оруулалтын эцсийн шийдвэрийг харилцагч өөрөө гаргах бөгөөд аливаа хөрөнгө оруулалт нь тодорхой эрсдэлийг өөртөө агуулж байдаг тул алдагдал хүлээх боломжтой.

Дээрх судалгааг бэлтгэхдээ тухайн цаг үеийн хамгийн сүүлийн үеийн мэдээллүүдийг агуулахыг зорьсон бөгөөд гуравдагч талын мэдээллийн үнэн зөв байдалд 100 хувь баталгаа өгч чадахгүй. Хөрөнгө оруулагч тус бүрийн эрсдэлд хандах байдал өөр тул аливаа шийдвэрийг гаргахдаа нэмэлт судалгаа шинжилгээ, зөвлөмж авахыг харилцагч танд санал болгож байна. Энэхүү судалгаанд дурдсан таамаглалаас үүдэн гарах аливаа эрсдэлийг шинжээч болон компани хариуцахгүй болно.