🚩 Хөрөнгийн зах зээлийн эргэн тойронд No2

Шинэ өдрийн мэнд,

📩Апекс Капиталын зүгээс харилцагчдадаа зориулан 7 хоног бүр хөрөнгийн зах зээл, эдийн засагтай холбоотой онцлох мэдээллийг хүргэж багцлан хүргэж байна.

ДУГААРЫН ЭМХЭТГЭЛ

📈 Манай улсын экспорт, импортын хэмжээ

💰 12-р сарын инфляц

🏦 Арилжааны банкнуудын тайлан гарч эхэллээ

📊 Apple-ийн зах зээлд эзлэх хувь буурав

⛽ Газрын тосны үнэ

👀 2024 онд Монгол Улсын экспорт 3.9 хувиар, импорт 25.5 хувиар өсжээ.

📝 Монгол Улсын гадаад худалдааны нийт бараа эргэлт 2024 онд 27.3 тэрбум ам.доллар болсон нь өмнөх оноос 12.1% өссөнийг Гаалийн ерөнхий газар мэдээллээ. Экспорт 3.9 хувиар, импорт 25.5% тус тус өссөн байна.

🙌 Харин 2025 онд гадаад худалдааны нийт бараа эргэлт 32.8 тэрбум ам.доллар, үүнээс экспорт 18.9 тэрбум ам.доллар хүрэх төсөөллийг Сангийн яам танилцуулсан юм.

⭐ Өнгөрсөн онд нийт 15.7 сая ам.долларын бараа, түүхий эд экспортолсноос алт болон боловсруулаагүй нефтиэс бусад гол нэрийн эрдэс бүтээгдэхүүний экспорт нэмэгджээ. Мөн ямааны угаасан ноолуурын хэмжээ өмнөх оноос 12.4% буурсан бол малын мах, дайвар бүтээгдэхүүний экспорт 3.2% өссөн байна.

📣 Инфляцын хэмжээ оны эцэст Монгол банкны зорилтот түвшинээс 1 нэгж хувиар илүү гарав.

📍2024 оны 12-р сарын байдлаар улсын инфляц 9% хүрсэн бөгөөд энэхүү өсөлтийн 1-1.5 нэгж хувийг цахилгааны үнийн өсөлтөөс үүдэлтэй хэмээн Монголбанк мэдэгдээд байна.

🔺Яагаад...

🧐Төсөв тэлж, төрийн зохицуулалттай үйлчилгээний үнэ өссөн бөгөөд эдгээрээс үүдэлтэй эрэлт болон зардлын шалтгаантай инфляц өсөх таамагтай байна.

Цаашлаад 2025 онд инфляц өндөр буюу 6.6 -11 хувийн хооронд хэлбэлзэх таамаглалыг тэд дэвшүүлээд байна.

💻 Apple-ийн зах зээлд эзлэх хувь буурч байна.

🤖 iPhone гар утасны нийлүүлэлт багассаны улмаас Apple-ийн зах зээлд эзлэх хувь буурч байна.
Өнгөрсөн баасан гаригт хувьцааны ханш 2.4%-иар бууржээ.

• Шинэ iPhone загварууд eSIM-ийг л дэмждэг учир Хятадын зах зээл одоогоор дэмжихгүй байгаа нь Apple-ийн зах зээлд эзлэх хувь буурсаар байх болно гэж үзэж байна.

• 12-р сард Хятадад ухаалаг гар утасны нийт нийлүүлэлт өмнөх оны мөн үеэс хэвийн байсан ч iPhone утасны нийлүүлэлт 10%-12%-иар унажээ.

• Apple Intelligence нь төхөөрөмж дээрх хиймэл оюун ухааныг санал болгож байгаа техникийн шинэчлэл болон үйлчилгээний орлогыг чиглүүлдэг гэсэн “нотолгоо” байхгүй гэж үзээд байна. Шинжээчийн судалгаагаар энэ функц нь iPhone-ийг солих эрэлтийг нэмэгдүүлэхгүй бөгөөд сонирхол татах “үүлэн технологид суурилсан AI үйлчилгээ”-тэй харьцуулахад бууралттай харагдаж байгаа ажээ.

 🔎 2025 он гарснаар газрын тосны үнэ өндөр өсөлт үзүүллээ.

🧯ОХУ-ын нефтийн салбарт АНУ-аас тавьсан шинэ хориг арга хэмжээний улмаас WTI маркийн түүхий нефтийн фьючерс баррель нь 77.8 ам.долларт хүрч, гурван сар гаруйн хугацаанд хамгийн өндөр түвшинд хүрсэн байна.

 Баасан гарагт АНУ Оросын нефтийн салбарын эсрэг хатуу хориг арга хэмжээ авсан. Эдгээр хязгаарлалт нь ОХУ-ын Хятад, Энэтхэг зэрэг гол зах зээлд газрын тос нийлүүлэх чадамжид ноцтой нөлөөлж, эдгээр улс орнуудыг Ойрхи Дорнод, Африк, Америк тивээс өөр улсруу газрын тос борлуулахаас өөр аргагүй болгох эрсдэл нэмэгджээ.

🛢 Өвлийн эрчим хүчний эрэлт хэрэгцээ, АНУ-ын газрын тосны нөөцийн хэмжээ буурах хандлага ажиглагдсаар байна.
Мөн ерөнхийлөгчөөр сонгогдсон Дональд Трампын засаг захиргаа ойрын саруудад Ираны эсрэг илүү хатуу хориг арга хэмжээ авч магадгүй гэсэн таамаг өнгөрсөн долоо хоногт түүхий нефтийн үнэд нөлөөлсөн.

👀Нэмж дурдахад, баасан гарагт АНУ-ын ажлын байрны тайлан таамаглаж байснаас илүү хүчтэй гарсан нь газрын тосны эрэлтийг дэмжиж, эдийн засаг хүчирхэгжсэнийг илтгэв.

 💸 Өндөр хүүтэй бондоор хөрөнгө оруулалтын багцаа нэмэгдүүлэх боломж...