🔌 🏎️ Гадаад зах зээлийн судалгаа No 24

Энэ өдрийн мэнд! Өнөөдрийн гадаад зах зээлийн судалгааны 24-р дугаарт “XPENG”-ийн талаар бэлтгэлээ. Хэрэгтэй нэгэнд нь www.apex.mn сайтыг санал болгож и-мэйлээ бүртгүүлэхийг зөвлөөрэй. Sharing is caring 👏.  

XPENG (NYSE:XPEV)

Xpeng Inc нь ухаалаг цахилгаан тээврийн хэрэгслийн загвар зохион бүтээж, үйлдвэрлэж, зах зээлд нийлүүлдэг Хятад компани юм. Тэдний бүтээгдэхүүний төрөлд жийп, спорт седан, гэр бүлийн седан зэрэг багтдаг. Мөн тус компани супер цэнэглэлт, засвар үйлчилгээ, авто санхүүжилт, даатгал, технологийн дэмжлэг зэрэг үйлчилгээ үзүүлдэг.

📚️  ОНЦЛОХ ҮЗҮҮЛЭЛТҮҮД Q2 :

• Орлого, 8.11 тэрбум юань ($1.12 тэрбум), YoY ↑60.2%, QoQ ↑23.9%

• Автомашины борлуулалт, 6.82 тэрбум юань ($0.94 тэрбум), YoY ↑54.1%, QoQ ↑23.0%

• Нийт ашгийн маржин, 14.0% буюу YoY ↑17.9%, QoQ ↑1.1%

• Тээврийн хэрэгслийн маржин, 6.4% буюу YoY ↑15.0% , QoQ ↑0.9%

• Цэвэр алдагдал, 1.28 тэрбум юань ($0.18 тэрбум), өмнөх жилийн 2.80 тэрбум юаньтай харьцуулахад сайжирсан.

• Бэлэн мөнгөний байршил, 37.33 тэрбум юань ($5.14 тэрбум)

• Ний хөрөнгө, 74.99 тэрбум юань ($10.32 тэрбум) буюу оны эхнээс 10.9% буурчээ. Энэхүү бууралт нь эргэлтийн хөрөнгө, ялангуяа мөнгө болон түүнтэй адилтгах хөрөнгийн бууралтаас үүдэлтэй байна.

• Хөрвөх чадвар, хэдий нийт хөрөнгө буурсан ч мөнгө ба түүнтэй адилтгах хөрөнгө 37.33 тэрбум юань ($5.14 тэрбум) байгаа нь хөрвөх чадвар өндөр байгааг илтгэнэ.

Volkswagen-д технологийн үйлчилгээ үзүүлсэн нь ашигт ажиллагаа сайжрахад эергээр нөлөөлсөн байна 2024 онд компани нийтдээ 5,75 тэрбум ам.долларын орлого олохоор төлөвлөсөн бол эхний хагас жилийн байдлаар 2 тэрбум ам.долларын орлогыг олоод байна. Үлдсэн хугацаанд шинэ загварын автомашины эрэлтээс шалтгаалан орлогын хүлээлтэд хүрэх эсэх нь шинжээчдийн дунд хүлээлт үүсгээд байна.

SWOT БОЛОН БУСАД ТОО

• Машин нийлүүлэлт: 30,207 автомашин, YoY ↑30.2%

• Борлуулалтын сүлжээ: 185 хотыг хамарсан 611 дэлгүүр

• Цэнэглэх цэг: 1,298 өөрөө ажилладаг цэнэглэх станц, үүнд 442 S4 хэт хурдан цэнэглэгч станц орно.

🤯 MONA брендийн шинэ загвар

XPEV компани MONA брэндийн анхны загвар болох MO3 цахилгаан автомашиныг 2 хувилбартай танилцуулсан бөгөөд үнийн хувьд 16,813 ам.доллар болон 21,886 ам.доллароос эхлэн худалдахаар болсон байна. Танилцуулснаас хойш ердөө 1 цагийн дотор 10,000 ширхгийн захиалга авсан байна.

ТЕХНИК ШИНЖИЛГЭЭ

Техник шинжилгээний хувьд ханш 6.22$ гэсэн хүчтэй дэмжлэгийн бүсээс дэмжлэг аван өсөлт үзүүлсэн бөгөөд үргэлжлүүлэн эхний эсэргүүцэх бүс буюу 11$ хүртэл өсөх боломжтой харагдаж байна. Хэрэв 11$-с дээш тухайн 7 хоногийн лаан чарт хаагдаж чадвал энэхүү өсөлт 14$, 17$ хүртэлх өсөх боломжтой. Одоогийн байдлаар ханш 8$ тай явж байгаа бөгөөд шинэ автомашины нээлт, захиалгатай холбоотой эерэг мэдээнүүд гарч байгаа учир сүүлийн 2 7 хоногийн хугацаанд 20 хувийн өсөлтийг үзүүлсэн байна. Хэрэв та худалдан авахаар төлөвлөж байгаа бол Stop Loss-г 6$ байршуулах нь тохиромжтой юм.

АНХААРАЛД!!!

Уг и-мэйл нь мэдээллийн шинж чанартай бөгөөд хөрөнгө оруулалтын эцсийн шийдвэрийг харилцагч өөрөө гаргах бөгөөд аливаа хөрөнгө оруулалт нь тодорхой эрсдэлийг өөртөө агуулж байдаг тул алдагдал хүлээх боломжтой.

Дээрх судалгааг бэлтгэхдээ тухайн цаг үеийн хамгийн сүүлийн үеийн мэдээллүүдийг агуулахыг зорьсон бөгөөд гуравдагч талын мэдээллийн үнэн зөв байдалд 100 хувь баталгаа өгч чадахгүй. Хөрөнгө оруулагч тус бүрийн эрсдэлд хандах байдал өөр тул аливаа шийдвэрийг гаргахдаа нэмэлт судалгаа шинжилгээ, зөвлөмж авахыг харилцагч танд санал болгож байна. Энэхүү судалгаанд дурдсан таамаглалаас үүдэн гарах аливаа эрсдэлийг шинжээч болон компани хариуцахгүй болно.