🔍Мишээл бонд : Явцын мэдээлэл

Харилцагч танд энэ өдрийн мэнд хүргэе,

📥 Апекс капитал ҮЦК-ийн ажилласан Мишээл бондыг гаргагч Мишээл Лайф Стайл болон Мишээл Резидэнс компаниудын явцын тайланг хүргэж байна.

2021 оноос эхэлсэн Мишээл сити төслийн хүрээнд Резидэс болон Лайф стайл барилгын ажлууд дуусаж улсын комисс эхний байдлаар хүлээн авлаа.

Нийт 3 тауэр бүхий Мишээл лайф стайл барилгын гадна дэд бүтцийн ажил 100 хувь дууссан байгаа бол М3 тауэр 96 хувьтай, бусад тауэрууд 93-95 хувьтай үргэлжилж байна.

Мишээл лайф стайл барилгын 1-2 давхарт байрлах үйлчилгээний барилгын ажил 91 хувьтай, дотоод засварын ажил хийгдэж байгаа ба 3 тауэрын гадна фасад бүрэн хийгдээд байна.

Тус барилгын хувьд гэрээгээр баталгаажсан 49.6 тэрбум төгрөг сар тутмын тэнцүү төлөлтөөр компани руу орж ирэхээр хүлээгдэж байна.

Мишээл Резидэнс 251 айлын орон сууцны хувьд гүйцэтгэл 93 хувьтай, гэрээнээс орж ирэх 30.1 тэрбум төгрөг хүлээгдэж байна. Орон сууц захиалагчдын 123 нь байраа хүлээн авч, дотоод засвараа хийж эхэлжээ.

Барилга угсралтын ажил бүрэн дуусаж барилга байгууламжийг ашиглалтад оруулахаар улсын комисс хуралдуулж, комиссын гишүүдийн дүгнэлтээр уг барилгыг байнгын ашиглалтад хүлээн авсан. Одоогоор тус орон сууцны барилгад үл хөдлөх хөрөнгийн гэрчилгээ авах ажиллагаа эхэлсэн байна.

АПЕКС КАПИТАЛ ҮЦК

Компанийн өрийн хэрэгсэл нь мэргэжлийн Андеррайтерийн компаниар дамжин хөрөнгө оруулагчдад санал болгогдох бөгөөд үүнд 2-3 сарын судалгаа, дүгнэлт шаардлагатай. Түүнчлэн эрх бүхий этгээдийн зөвшөөрлөөр үнэт цаас нь хүчин төгөлдөр болж байдаг зохицуулалттай. Андеррайтерийн Апекс капитал ҮЦК-ийн зүгээс хөрөнгө оруулагчдад тогтмол мэдээлэл хүргэх зорилгоор төсөл, хөтөлбөр болон бондын зарцуулалтын мэдээг ийнхүү хүргэж байна.