Технологийн аваргуудын тайлант өдрүүд

🌱 Шинэ долоо хоногийн мэнд,

📥 Апекс Капиталын зүгээс харилцагч та бүхэндээ өнгөрсөн долоо хоногт болж өнгөрсөн онцлох үйл явдал болон энэ долоо хоногт анхаарах зүйлсийн талаар багцлан хүргэж байна.

📈 Хасбанк 3-р улирлын цэвэр ашиг 27.5 хувиар өслөө.

Өнгөрсөн баасан гарагт Хасбанк ХК 2023 оны 3-р улирлын тайлангаа танилцуулж ₮39.4 тэрбумын цэвэр ашигтай ажилласан нь өмнөх улирлаас 27.5%-иар өссөн үзүүлэлт болжээ.

Мөн жилийн цэвэр ашиг өссөн дүнгээр ₮101.6 тэрбумд хүрсэн нь өмнөх оны мөн үеэс 29.4%-иар өссөн байна. Цэвэр ашгийн өсөлтөд иргэдийн зээлийн багц 33.9%, байгууллагын зээлийн багц 10.7%, хаслизингийн багц 49.8%-иар тус тус өссөн нь голлох нөлөөг үзүүлжээ.

3-р улирлын байдлаар активын өгөөж 3.3%, өөрийн хөрөнгийн өгөөж 25.5%-д хүрсэн бөгөөд баасан гарагийн арилжаагаар хувьцааны ханш 2.42%-иар өсөж 579.41 төгрөгт хаагдсан байна.

Бондын булан

“Мишээл” төслийн хөрөнгө оруулагчид буюу бонд эзэмшигчид өнгөрсөн хугацаанд өсөлттэй салбарын өгөөжөөс хүртэж, хөрөнгөө ухаалгаар байршуулаад байна. Уг төслийн сүүлийн хэсгийн бондын захиалга явагдаж буй тул хамгийн эрсдэл багатай, тогтвортой өгөөж бүхий санхүүгийн бүтээгдэхүүн сонирхож буй харилцагч бүрт нээлттэй.

Тус бүтээгдэхүүн нь жилийн 20 хувийн ѳгѳѳжтэй, 12 сарын хугацаатай, улирал тутам хүүгийн тѳлѳлттэй.

Хэрэв та дэлгэрэнгүй мэдээлэл авахыг хүсвэл доорх товч дээр дарж холбогдох мэдээллээ бүртгүүлнэ үү.

🤖🧠 Foxconn болон Nvidia компаниуд нэгдэн “хиймэл оюун ухааны үйлдвэрүүд” байгуулна..

Foxconn нь (албан ёсны нэр нь Hon Hai Technology Group) дэлхийн хамгийн том электроникийн гэрээт үйлдвэрлэгч бөгөөд Apple-ийн iPhone брэндийн гар утаснуудыг угсардаг.

10 сарын 18-нд болсон арга хэмжээний үеэр “маш олон төрлийн хэрэглээнд ашиглагдах боломжтой шинэ ангиллын дата төв” байгуулахаар болсныг Foxconn-ий ерөнхийлөгч Юн Лю, Nvidia компанийн гүйцэтгэх захирал Йенсен Хуан нар хамтдаа зарлажээ.

Nvidia-гийн мэдэгдэлд өгүүлснээр “AI factories” нь “үйлдвэрлэлийн бүх үйл явцыг дижиталчлах, хиймэл оюунд суурилсан цахилгаан автомашин, роботын платформуудыг хөгжүүлэх, хэл ярианд суурилсан “generative AI” үйлчилгээнүүдийг олноор бий болгох зориулалттай” юм байна.

🔋 Автомашины зах зээлд гарч буй эерэг өөрчлөлт

2021 онд буюу ердөө 2 жилийн өмнө цахилгаан автомашинуудын /бүрэн цэнэглэгдсэн үед/ зам туулах чадамж дунджаар 349 км байсан бөгөөд тухайн үед жирийн автомашин 665 км зам туулдаг гэсэн үзүүлэлт гарч байв.

Тэгвэл сүүлийн жилүүдэд дунджаас дээш зам туулах чадамжтай цахилгаан автомашины загварууд нэмэгдэж, хэрэглээнд өргөн тархаад байна.

Жагсаалтыг тэргүүлж буй Lucid air загварын машин 138 мянган ам.долларын үнэтэй байгаа бол BMW iX загварын машин 87 мянган ам.долларын үнээр худалдаалагдаж байгаа аж.

Та манай компаниар дамжуулан гадаад арилжаанд оролцох боломжтой ба дээрх товч дээр дарж гадаад арилжаанд оролцох зааврыг нээж үзнэ үү.

Хэрэв та тогтмол ѳгѳѳжтэй бондын мэдээлэл авахыг хүсвэл доорх товч дээр дарж холбогдох мэдээллээ үлдээнэ үү. Баярлалаа.