🫖Хувьцаа эзэмшигчдийн хурлын сонин сайхан

💫 Шинэ өдрийн мэнд,

📥 Апекс Капиталын зүгээс харилцагч та бүхэндээ өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

📓 Хувьцаа эзэмшигчдийн хурлын сонин сайхан

МХБ дээр бүртгэлтэй ХК-ууд маань 2023 оны үйл ажиллагаа болон санхүүгийн байдлаа хөрөнгө оруулагч нартаа танилцуулах арга хэмжээ болж байна. Онцлох нь:

1. 🏪 CUMN буюу хуучнаар Сэнтрал Экспрэсс Си Ви Эс ХК нь 2023 онд дэд бүтцийн томоохон өөрчлөлт хийж олон компаниудыг өөртөө нэгтгэж, нэрээ Премиум Нэксус ХК болгон өөрчлөв.
   
   Тэдний орлого 48%-иар өссөн ч борлуулалтын зардлаас бага буюу ашиггүй байна. (Яагаад гэдгийг ЭНД дарж уншаарай)

2. 📈 Хадгаламж vs MFG, Мандал Ирээдүй Өсөлтийн Сангийн нэгж эрхийн цэвэр хөрөнгийн үнэ цэн (NAV) - ₮1,200 буюу сүүлийн 2.5 жилийн хугацаанд нийт 20% өсжээ.
   
   Хурлын үеэр тэд сангийн хөрөнгийг ₮215 тэрбум буюу одоогийнхоос 3.5 дахин нэмэгдүүлэх зорилготой байгаа гэж мэдэгджээ. (Хурлын дэлгэрэнгүй)

3. 🏦 Монголын хамгийн том банк, Хаан банк 2023 онд ₮2 их наядын хүүгийн орлого олж, ₮558 тэрбумын цэвэр ашигтай ажиллажээ. (Дэлгэрэнгүй)

4. 🏭️ Төлөвлөсөн зорилтоо 96%-аар биелүүлсэн MFC, тэд 2023 онд ₮31.7 тэрбумын орлого, ₮3.5 тэрбумын цэвэр ашигтай ажиллажээ. (Дэлгэрэнгүй)

👉 ЖДҮ-ийн сангаас 37 төсөлд ₮7.4 тэрбумын зээл олгохоор болжээ.

Энэ жилийн буюу 2024 оны Жижиг дунд үйлдвэрийг хөгжүүлэх сангийн хөнгөлөлттэй зээл олгох, зээлийн эргэн  төлөлтөөс санхүүжүүлэх нөхцөлтэй уг зээлд хамрагдахаар Улаанбаатар хотод 247 төслийн ₮46 тэрбумын хүсэлт ирүүлсэн байна. Үүнээс одоогийн байдлаар 37 төсөлд ₮7.4 тэрбумын зээл олгохоор болжээ.

🤝 Нийслэл ₮500 тэрбумын бонд гаргах тогтоолын төслийг батлав - Үүнийн дийлэнх хэсэг нь буюу ₮300 орчим тэрбум нь Бөөрөлжүүтийн цахилгаан станцад хөрөнгө оруулахаар төлөвлөж байгаа ажээ.

🤔 Монголчуудын таван хүн тутмын нэг нь таргалалттай байна - ДЭМБ-ын судалгаагаар Монгол улсын нийт хүн амын 20.6% нь таргалалттай бөгөөд насанд хүрсэн эрчүүдийн 22.46%, эмэгтэйчүүдийн 27.15% нь таргалалттай гэсэн дүгнэлт гарчээ.

Түмэн шувуут ХК өнгөрсөн онд 113.2 сая ширхэг өндөг үйлдвэрлэжээ.

2022 онд компани нийт 97.7 сая ширхэг өндөг үйлдвэрлэж байсан ба 2023 онд 16% өсөлтийг үзүүлж 113.2 сая ширхэг өндөг үйлдвэрлэсэн байна. Түүнчлэн малын тэжээлийн үйлдвэрлэл 20% нэмэгджээ.

2022 онд улсын хэмжээнд 500 орчим сая өндөг зах зээлд борлуулагдсан ба үүний 300 сая ширхэг нь буюу 60%-ийг дотоодын аж ахуйн нэгжүүд нийлүүлсэн аж.

Зах зээлд томоохон байр суурь эзэлж буй тэд “Түмэн шувуут-2” шувууны аж ахуйд өндөглөгч тахианы 4 байр нэмж бүтээн байгуулсан ба энэ онд “Түмэн шувуут-3” төслийг ашиглалтад оруулахаараа төлөвлөж байна.

😱 Японы иен ам.доллартой харьцах ханш суларсаар 1990 оноос хойш дахин 160-д хүрлээ.

Японы Төв банк 3-р сард хүүгийн сөрөг дэглэмээ зогсоосноос хойш ам.доллартой харьцах ханш 150 орчимд арилжаалагдаж байсан бөгөөд Холбооны нөөцийн сан хүүг бууруулна гэсэн хүлээлт хойшлогдсонтой холбоотойгоор суларсаар 160-д хүрсэн байна.

🎉 Бондын хугацаагаа та өөрөө сонго

“Шаталсан бонд” буюу хугацаа болон өгөөжийн сонголттой бондын захиалга эхэллээ. Та өөрийн хэрэгцээнд тааруулан 1-18 сар хүртэлх хугацааны бондод хөрөнгө оруулах боломжтой боллоо.

ХЭРЭВ ТА ЗАХИАЛГА ӨГӨХ БОЛ ДАРААХ ДУГААРААР ХОЛБОГДООРОЙ 88030543, 88031563, 88150573