⛏️MMC буюу Mongolian Mining Corp.

Энержи ресурс ХХК (Mongolian Mining Corporation) нь Хонг Конгийн хөрөнгийн биржид бүртгэлтэй бөгөөд Өмнөговьд байрлах Ухаа худаг болон Баруун наран зэрэг ордыг эзэмшдэг.  

2011 онд Ухаа худаг Гашуун сухайн чиглэлд үйлдвэрийн зориулалтын хатуу хучилттай зам тавьсан бөгөөд дараах чиглэлээр экспорт хийж байна.

2020 оноос хойш МУ-ын нийт нүүрс экспортын 13-15 хувийг ММС нийлүүлж байсан бөгөөд Гашуун сухайт боомтоор дийлэнх экспорт гарсан байна. Хятад улс COVID-19 тахалтай холбоотой импортын хязгаарлалтыг цуцалснаар 2023 оны эхний хагас жилд Хятадын коксжих нүүрсний импорт огцом өсжээ. Түүнчлэн Монголоос Хятадад импортолсон коксжих нүүрсний хэмжээ өмнөх оны мөн үеэс 197.3%-иар өсөж 22.3 сая тоннд буюу түүхэн дээд хэмжээнд хүрсэн байна.

Топ 5 хувьцаа эзэмшигч нийт хувьцааны 54 хувийг бүрдүүлж байна. Мөн том хувьцаа эзэмшигч Continental Insurance Group Limited., Asset Management Arm компани 2023 оны 12 сараас хойш 85 сая Хонг Конг долларын үнийн дүхий хувьцаа эзэмшлийг нэмэгдүүлжээ.

2023 оны эхний хагас жилд 516.7 сая ам.долларын борлуулалт хийж 2022 оны эхний хагас жилээс 385%-иар өссөн байна. Мөн Хатуу коксжих нүүрсний борлуулсан дундаж ханш тонн тутамд $141.3 байсан бол $161.8 болон нэмэгджээ. Түүнчлэн EBITDA $258 саяд хүрсэн бөгөөд EBITDA маржин 50% болж өссөн юм.

*EBITDA - хүү, татвар, элэгдэл, хорогдлын өмнөх ашиг

Компанийн зүгээс урьдчилсан байдлаар 2023 оны цэвэр ашиг ойролцоогоор $220-240 сая /аудитлагдаагүй/ гарах талаар мэдэгдсэн бөгөөд аудитлагдсан эцсийн тайлан 2024/03/20-ны өдөр олон нийтэд зарлагдах юм. Уг цэвэр ашгийн дүн 2022 онтой харьцуулахад 270-300%-иар өссөн үзүүлэлт болох ажээ.

MMC ЭРГЭН ТОЙРОНД

• Тэд 2023 онд Эрдэнэ ресурс девелопмент корпорэйшнтэй хамтран ажиллахаар болж Эрдэнэ Монгол ХХК буюу Баян хөндий ордыг эзэмшигч компанийн 50 хувийг $40,000,00-т худалдан авч эзэмших болжээ.

• 2017 онд тэд $194,999,827 үнийн дүн бүхий бонд гаргаж байсан ба 2024-оны 2-р сарын 29 өдөр $20,000,00 үндсэн төлөлтийг төлөхөөр боллоо. Ингэснээр бондын үлдэгдэл $122,527,920 болно.

• Охин компанийн 20%-г зарна. KEX LLC буюу Khangad Exploration LLC 20%-ийг 6,906,480 ширхэг хувьцааг $88,810,000-р Хятадын Jiayou International Logistics Co., Ltd.-д худалдлаа. Ингэснээр Khangad Exploration LLC-ийн үлдсэн 80%-ийг Baruun Naran S.À.R.L. буюу ММС эзэмшихээр боллоо. 40 сая ам.долларын бонд нэмж гаргав.

• Өнгөрсөн оны 12-р сарын 7 өдөр $40,000,000 үнийн дүн бүхий 12.5%-ийн өгөөжтэй бондыг шинээр гарган Morgan Stanley & Co. International plc-тэй хэлцэл хийжээ.

Дээрх үнэ ашгийн харьцааны үзүүлэлт нь 2023 оны 6-р сарын цэвэр ашгийн үзүүлэлт дээр суурилсан дүн юм. Мѳн 10 хоногийн дараа буюу 3-р сарын 25-ны ѳдѳр тус компанийн 2023 оны жилийн тайлан танилцуулагдана.

Тухайн тайлангаар цэвэр ашгийн хэмжээ ѳссѳн үзүүлэлттэй гарсан тохиолдолд үнэ ашгийн харьцаа буурах буюу тус хувьцаа үргэлжлүүлэн ѳсѳлт үзүүлэх нѳхцѳл бүрдэх юм.

Эрдэнэ Ресурс компанийн зүгээс 2025 оны 1-р улирлаас алтны олборлолт эхэлнэ гэж тѳлѳвлѳж байгаа ба MMC компанийн оруулсан 40 сая ам.долларын хѳрѳнгѳ оруулалт ирэх оноос орлого бүрдүүлж эхлэх тѳлѳвтэй байна.