🤖 Baidu: Хятадын Google

50.7 хувиар өсөх боломжтой хувьцаа

March 28, 2024

Baidu компани хиймэл оюун ухаан, интернэт хайлтын үйлчилгээг үзүүлдэг бөгөөд Хятадын Google гэж хэлж болно. Тус компани нь Baidu Core ба iQIYI гэсэн хоёр сегментээр үйл ажиллагаагаа явуулдаг.

  • Baidu Core нь хайлтад суурилсан болон бусад онлайн маркетингийн үйлчилгээг үзүүлдэг.

  • iQIYI нь платформ дээрээ анхны, мэргэжлийн түвшинд бэлтгэгдсэн, түншүүдийн үүсгэсэн контентыг санал болгодог.

Хувьцааны ханш сүүлийн 1 жилийн хугацаанд 32%-иар унасан байна.

Борлуулалтын орлого болон ашгийн үзүүлэлтүүд

2023 оны борлуулалт 18.9 тэрбум ам.доллар бөгөөд үүний 60 хувь нь онлайн маркетингийн үйлчилгээнээс бүрдсэн байна. Тус үзүүлэлт 2019 онд 73 хувь байсан буюу орлогын дийлэнх хувийг онлайн маркетинг бүрдүүлж байжээ. Нийт ашгийн маржин 52 хувь, цэвэр ашгийн маржин 15 хувьтай байна.

Шинжээчид ирэх хоёр жилд борлуулалт 20.1 тэрбум, 21.7 тэрбум ам долларт тус тус хүрнэ гэж төсөөлжээ.

Санхүүгийн байдлын тайлан

  • Компанийн бэлэн мөнгө болон богино хугацаат хөрөнгө оруулалт нь нийт өр төлбөрөөс өндөр дүнтэй байгаа нь санхүүгийн хувьд эрсдэл багатай болохыг харуулж байна.

  • 2023 оны жилийн эцсээр нийт хөрөнгө 57.3 тэрбум ам.доллар үүнээс өр төлбөр 20.3 тэрбум эздийн өмч 37 тэрбум.

  • Нэгж хувьцаанд ногдох эздийн өмчийн дүн 97.89 ам доллар.

Baidu Хятадын зах зээлд 70 орчим хувийг эзэлж буй бөгөөд хайлтын үр дүн ойлгоход хэцүү эх хэл дээрээ зориулагдан хийгдсэн тул Google-ээс давуу талтай байна. Түүнчлэн Google дэлхий нийтэд хандсан чиглэлээ баримталж өргөжин тэлж байгаа бол Baidu цаашид ч дотоодын зах зээлдээ төвлөрөх хандлагатай байгаа аж.

Baidu-ийн ROA болон ROE нь 5.4%, 8.39% буюу бусад өрсөлдөгч компаниудаас бага ч бусад харьцаа үзүүлэлтүүд нь сайн байна.

БОЛОМЖ

ЭРСДЭЛ

ХАНШИЙН ТААМАГЛАЛ

Wall Street-ийн 37 шинжээч хувьцааны дундаж ханшийн таамаглалыг 158.24 гэж өгсөн бөгөөд энэ нь одоогийн ханшнаас 50.7%-иар өндөр үзүүлэлт юм.

“Гадаад зах зээл дээр хямдаар үнэлэгдэж буй хөрөнгө оруулах боломжтой хувьцаат компаниудын судалгааг таны мэйлээр долоо хоног тутмын Пүрэв гаригт хүргэх болно.” -Гадаад арилжааг Апексаар