🍎 Apple-ийн нийлүүлэлт буурчээ

💫 Шинэ өдрийн мэнд,

📥 Апекс Капиталын зүгээс харилцагч та бүхэндээ өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

Иранаас Израйл руу халдаж, газрын тосны ханш савлав.

Өнгөрсөн Бямба гарагт тус халдлага эхэлсэн бөгөөд нийт 200 гаруй дрон, пуужин харвасан гэх мэдээллийг эрх барих байгууллагаас мэдэгдсэн байна. Израйл улсаас эдгээрийн 99%-ийг нь аюулгүй болгож чаджээ. Түүнчлэн газрын тосны цаашдын ханш Израйлын засгийн газрын шийдвэрээс ихээхэн хамаарах болоод байна.

🚩Иран нь Газрын тос экспортлогч орнуудын нэгдэл (OPEC)-д багтдаг бөгөөд түүхий эдийн экспортоор дэлхийд дээгүүрт жагсдаг. Иймд газрын тосны ханш савлагаатай байх нь аргагүй юм.

Ираны засгийн газар Израил руу довтлохоос 72 цагийн өмнө олон улсад мэдэгдэл хүргүүлсэн гэж Турк, Йордан болон Иракийн албан тушаалтнууд мэдэгдэл хийсэн байна. Энэ тухай АНУ үгүйсгэж буй бөгөөд халдлагаар орж ирсэн дроныг аюулгүй болгох ажиллагаанд АНУ-ын талаас оролцсон аж. Цаашид нөхцөл байдал хаашаа чиглэхийг чих тавин хүлээхээс өөр сонголт бидэнд алга даа 😢🙏.  

🫡Tesla хүний нөөцийн цомхотгол хийх нь үүдээ?



Дэлхийн хэмжээнд 140,473 ажилтантай Tesla компани 10 орчим хувийн орон тооны цомхотгол хийнэ хэмээн Electrek нийтэлсэн байна. 



Яагаад? Өрсөлдөгч Хятад компаниуд хямд үнээр цахилгаан автомашин үйлдвэрлэхийн зэрэгцээ бодлогын хүү буюу зээлийн хүү нэмэгдсэн нь компанийн нийлүүлэлтийг буурахад хүргэжээ. 


Ингэснээр компанийн ашиг ажиллагаа удааширч байна. 2023 оны нийт ашгийн хэмжээ (Gross Margin) 17.6%буюу өнгөрсөн 4 жилийн хугацаа дахь хамгийн бага үзүүлэлт юм. 




🧾ААН-ийн төлсөн татвараас, ₮68 тэрбумын буцаан олголт хийгдэж байна.

Аж ахуйн нэгжийн орлогын албан татварын 2023 оны буцаан олголтоор ₮68.6 тэрбумыг ААН-үүдэд 04/12-ны өдрөөс эхлэн шилжүүлж байна.

Эдийн засаг, хөрөнгө оруулалт, бизнес эрхлэгчдийг дэмжих зорилгоор УИХ-аас 2019 онд баталсан Татварын багц хуулийн шинэчлэлээр, татвар төлөгчдөд олон давуу талыг бий болгосны нэг нь татвар төлөгч аж ахуйн нэгжүүд ААНОАТ-ыг 1 хувиар төлдөг болсон. Тодруулбал, 300 хүртэлх сая төгрөгийн борлуулалтын орлоготой аж ахуйн нэгж шууд 1%-иар татвар төлнө гэсэн үг юм.

• 300 хүртэлх сая төгрөгийн борлуулалтын орлоготой ААН шууд 1 хувиар татвар төлнө.

• 300 саяас 1.5 тэрбум төгрөгийн борлуулалтын орлоготой ААН 10 хувиар татвараа төлөөд, төлсөн татварынхаа 90 хувийг буцаан авна.


💸 ЭТТ хувьцааны ногдол ашгийн мэдээллийг И-Монголиа-аас шалгаарай.

Эрдэнэс таван толгой ХК-ийн ногдол ашгийн мэдээллийг та И-Монголиа системээс харах боломжтой боллоо.

• Ногдол ашгийн дүн

• Шилжүүлсэн огноо

• Хүлээн авсан дансны мэдээллээ
  
  "Хувийн мэдээлэл" хэсгийн "Үнэт цааснууд / Хувьцаа" гэсэн хэсгийг дарж харах боломжтой.

Хятадын зах зээлийн өрсөлдөөн нэмэгдэж байгаа нь Apple iPhone-ийн нийлүүлэлтийг буурууллаа.

2024 оны 1-р улиралд Apple компани 50.1 сая ширхгийг нийлүүлсэн нь өмнөх оны мөн үеэс 5.3 сая ширхгээр буюу 9.6%-иар буурсан байна. Харин Хятадын өрсөлдөгчид болох Xiaomi-ийн нийлүүлэлт 33.8%-иар өсөж 40.8 сая ширхэг, Transsion 84.9%-иар өсөж 28.5 сая ширхэгт хүрчээ.

🎉 Бондын хугацаагаа та өөрөө сонго

“Шаталсан бонд” буюу хугацаа болон өгөөжийн сонголттой бондын захиалга эхэллээ. Та өөрийн хэрэгцээнд тааруулан 1-18 сар хүртэлх хугацааны бондод хөрөнгө оруулах боломжтой боллоо.

ХЭРЭВ ТА ЗАХИАЛГА ӨГӨХ БОЛ ДАРААХ ДУГААРААР ХОЛБОГДООРОЙ 88030543, 88031563, 8815057324