⚖️Эрэлтийн хулийн дагуу Тесла үнээ буурууллаа

💫 Шинэ өдрийн мэнд,

📥 Апекс Капиталын зүгээс харилцагч та бүхэндээ өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

Үнийн өсөлт хаа сайгүй 🫴

АНУ-ын гуравдугаар сарын инфляцын түвшин энэ сарын эхэнд гарсан билээ. Тус үзүүлэлт 3.5% гарсан бөгөөд ингэхдээ мэдээлэл технологийн төхөөрөмж, шингэн хүнсний үнийн өсөлт хүчтэй нөлөөлсөн байна. Түүнчлэн үйлчилгээний төлбөр нэмэгдэж байгаа чиг хандлага ажиглагджээ.

🚩Түүнчлэн АНУ-ын төв банкны зүгээс бодлогын хүүг бууруулах арга хэмжээг төдийлөн авч үзэхгүй байгаа тухай мэдээллүүд түгсээр байна. Энэ нь мэдээж зээлийн өртгийг өндөр хэвээр байлгаж, хувьцааны зах зээлийн өсөлтийг хазаарлаж байгаа. Оны эхэнд өсөлттэй байсан S&P 500 индекс сүүлийн нэг сард 5%-иар унаад байна.

Нийт бүртгэлтэй ААН-үүдээс 59.4% нь I улиралд үйл ажиллагаа явуулаагүй байна.

Оны эхний улиралд бүртгэлтэй 240.8 мянган хуулийн этгээдийн 40.6% нь үйл ажиллагаа явуулж, үлдсэн 59.4% нь үйл ажиллагаа явуулаагүй байна. Үйл ажиллагаа явуулаагүй хуулийн этгээдийн 66.7% үйл ажиллагаагаа түр зогсоосон бол үлдсэн 33.3% нь үйл ажиллагаа эхлээгүй болон  бусад шалтгаантайг ҮСХ мэдээллээ.

2023 онд Монголын бизнесийн орчны үнэлгээ цар тахлын үеэс 8%-иар буурсан бол оны эхний улиралд үйл ажиллагаа явуулж байгаа хуулийн этгээдийн тоо өмнөх оны мөн үеэс 5.9%-иар өссөн байна. Бизнес регистрийн санд 240.8 мянган хуулийн этгээд байгаагаас 6.6 мянга нь шинээр нэмэгдсэн бол 0.3 мянга нь татан буугдсан.

👉 Нийт хуулийн этгээдийн 79.5% нь компани, 13.2% нь ТББ, үлдсэн хэсгийг нөхөрлөл, төсвийн зэрэг бусад ААН бүрдүүлж байна.

😤 Хятад хариугаа авч байна

Өнгөрсөн Баасан гарагт Хятад дахь “App Store”-оос WhatsApp, Threads зэрэг аппликейшнууд хасагджээ. Хятадын засгийн газар иргэдийн аюулгүй байдлын үүднээс шаардсан гэж Apple мэдэгдсэн. Энэхүү мэдэгдлээс үүдэлтэй Meta-ийн хувьцаа 4.13%-иар буурчээ.

💸 Мөнгөний тухай сонирхолтой баримтууд:

• Бэлэн мөнгө буюу цаасан мөнгийг хийхэд хөвөн даавуу, зотон ашигладаг ба цаас ордоггүй ажээ.

• 6 жил гүйлгээнд ашиглагдсан ₮1,000 дэвсгэртийн хамгийн богино насжилттайд тооцогддог бол ₮10,000, 20,000 дэвсгэртүүд хамгийн урт насжилттайд тооцогддог байна.

• $1 хамгийн бага буюу 1 жил 6 сарын насжилттай бол $100 хамгийн их буюу 9 жилийн настай. Харин зоосон мөнгийг 30 жилийн турш хэрэглэх боломжтой гэж үздэг.

⚠️ Залилах, хулгайлах төрлийн гэмт хэргээс болгоомжилцгооё !

Прокурорын байгууллагаас энэ оны нэгдүгээр улиралд хэрэг бүртгэлтийн 38,987 хэрэгт хяналт тавьсан бөгөөд үүний 31.9%-ийг залилах гэмт хэрэг эзэлжээ.

📉 Тесла Хятад, Герман зэрэг хэд хэдэн томоохон зах зээлд автомашины үнийг буурууллаа.

Хятадын цахилгаан автомашин үйлдвэрлэгчид хямд үнэтэй олон шинэ загварыг дэлхийн зах зээлд эрчимтэй нийлүүлж байгаа нь Тесла компанийн борлуулалтад сөргөөр улмаар зарим загварын үнээ бууруулахад хүргэжээ.

Хятад /model 3/: $33,930-$32,000
Герман /model 3/: €42,990-€40,990 болж тус тус буурснаас гадна Европ, Ойрхи Дорнод, Африкийн бусад олон оронд үнийн бууралт гарсан талаар компанийн зүгээс мэдэгджээ.

🎉 Бондын хугацаагаа та өөрөө сонго

“Шаталсан бонд” буюу хугацаа болон өгөөжийн сонголттой бондын захиалга эхэллээ. Та өөрийн хэрэгцээнд тааруулан 1-18 сар хүртэлх хугацааны бондод хөрөнгө оруулах боломжтой боллоо.

ХЭРЭВ ТА ЗАХИАЛГА ӨГӨХ БОЛ ДАРААХ ДУГААРААР ХОЛБОГДООРОЙ 88030543, 88031563, 88150573