Эрсдэл багатай биржээр арилжаалагддаг сан

Гадаад арилжаанд анх удаа оролцох гэж буй хүмүүс эхлээд эрсдэл багатай багц хувьцаанд хөрөнгө оруулах нь тохиромжтой байдаг. Иймд анхлан оролцохоор сонирхож буй харилцагч нартаа эрсдэл багатай биржээр арилжаалагддаг сан буюу ETF-г санал болгож байна.

ETF хэрхэн ажилладаг вэ?

Нэгээс дээш тооны хувьцаа эсхүл бусад санхүүгийн бүтээгдэхүүнүүдийг багцалж сан үүсгэх бөгөөд тухайн санд багтах бүтээгдэхүүний ханшийн дундаж хөдөлгөөнөөр ETF-н ханш тодорхойлогддог. Бараг л бэлэн хөрөнгө оруулалтын багц гэсэн үг.

🚀 Growth ETF,

Буюу өсөлтийн ETF-д хурдацтай өсөн тэлж буй боловч савлагаа өндөр бас дунджаас өндөр өгөөжийг авчрах чадамжтай хөрөнгүүд /хувьцаанууд/ багтдаг. Уг төрлийн ETF дотор Invesco QQQ Trust Series I хэмээх ETF нь нийт хөрөнгийн хэмжээгээр /AUM/ нэгт орж байна. Тус ETF нь Nasdaq 100 индексийг дагдаг онцлогтой.

Growth ETF нь дунд хугацаанд хөрөнгө оруулалтын зорилгоо харж буй хөрөнгө оруулагчдад илүү тохиромжтой байдаг.

Invesco ETF нь АНУ-д арилжааны үнийн дүнгээр хоёрт, нийт багцад буй хөрөнгө оруулалтын дүнгээр 5-т бичигдэж байна.

QQQ ETF -д багтаж буй компаниудын 57.6 хувь нь технологийн
чиглэлээр үйл ажиллагаа явуулж буй бөгөөд 2023 оны жилийн эцсийн байдлаар Apple компанийн хувьцаа 9.22 хувийг нь эзэлж байна.

NAV буюу цэвэр хөрөнгийн үнэ цэн сүүлийн нэг жилд 54.8 хувиар өссөн
бол өнгөрсөн гурван жилд дунджаар жил тутам 9.9 хувийн өсөлт үзүүлжээ. Нөгөө талд S&P 500 индексийн өгөөж урт болон богино хугацаанд харьцангуй бага байсан аж.

💎 Value ETF

Тус ETF нь зах зээлийн үнэлгээ өндөртэй, суурь үнэлгээгээр нь авч үзэхэд хямдаар үнэлэгдэж буй хувьцаануудыг сонгон авдгаараа онцлогтой.

Value ETF нь эрсдэлд дургүй мөн урт хугацааны үнэ цэнтэй хөрөнгө оруулалт сонирхож буй хөрөнгө оруулагчдад яг тохирсон бүтээгдэхүүн юм.

VTV буюу Vanguard Value ETF-д багтаж буй компаниудыг сектороор нь задалж үзвэл хамгийн өндөр буюу 19.5%-ийг санхүүгийн салбарын хувьцаанууд бүрдүүлдэг. Харин компаниудаар нь авч үзвэл Berkshire Hathaway, Broadcom, JPMorgan Chase компаниуд өндөр хувийн жинг эзэлж байна.

Түүхэн өгөөжийг авч үзвэл жилээр илэрхийлсэн өгөөж дунджаар 10 орчим хувьтай байгаа бол сүүлийн 3 жилийн хугацаанд нийт 33.78%-иар өсжээ. Харин S&P 500 индекстэй харьцуулахад жилээр илэрхийлсэн өгөөж бага байгаа юм.

🧺Blend ETF

Growth болон Value ETF-ийг хослуулсан бүтээгдэхүүн. Growth-тэй харьцуулахад хүртэж болох өгөөж бага хэдий ч ханшийн хөдөлгөөн харьцангуй тогтвортой тул эрсдэл бага байна.

Хэнд? Өсөлтийн болон үнэ цэнтэй хувьцааны ETF-д зэрэг хөрөнгө оруулах хүсэлтэй, дундаж өгөөж болон эрсдэл хүлээх зорилготой хөрөнгө оруулагчдад илүү тохирсон.

Юугаар? Бидний хамгийн сайн мэдэх жишээ бол S&P 500 Index. Тус индексэд технологийн компаниудаас гадна зах зээлдээ тэргүүлэгч олон үнэ цэнтэй компаниуд багтад байна. Боломжит ETF нь VOO, SPY болон бусад.

Өөр гэвэл, CRPS Index буюу АНУ-ын хөрөнгийн биржид бүртгэлтэй зах зээлийн үнэлгээгээр ялгагдаагүй 4000 орчим компаниудыг багтаадаг. Энэхүү индекс нь АНУ-ын бирж дээр арилжаалагдаж буй нийт хувьцааны 100 орчим хувийг илэрхийлдэг байна. Боломжит ETF нь Vanguard Total Stock Market ETF(VTI)

Ханшийн өгөөж сүүлийн 12 сарын хугацаанд 26.27% байсан бол ноогдол ашгийн өгөөж 1.35% өсжээ.

Цэвэр хөрөнгийн үнэ цэн болон ханшийн өгөөжийн түүхийг дор харууллаа.

Тодруулга: Уг и-мэйл нь мэдээллийн шинж чанартай бөгөөд хөрөнгө оруулалтын зөвлөгөөнд тооцогдохгүй. Аливаа хөрөнгө оруулалт нь тодорхой эрсдэлийг өөртөө агуулж байдаг тул алдагдал хүлээх боломжтой. Санхүүгийн шийдвэрээ гаргахаас өмнө мэргэжлийн санхүүгийн зөвлөхүүдэд хандахыг зөвлөж байна.

Та манай компаниар дамжуулан гадаад арилжаанд оролцох боломжтой ба дээрх товч дээр дарж гадаад арилжаанд оролцох зааврыг нээж үзнэ үү.