TCOM буюу Хятадын хамгийн том аяллын платформ 🌴

Trip.com Group Limited (Nasdaq: TCOM, HKEX: 9961) нь 1999 онд үүсгэн байгуулагдсан, Хятадад төвтэй компани бөгөөд АНУ-ын Nasdaq болон Хонг Конгын хөрөнгийн биржид давхар бүртгэлтэй байдаг. Үйл ажиллагааны хувьд аялал жуулчлалын бүхий л үйлчилгээг trip.com-оор санал болгодог ба бусад өрсөлдөгчдөөсөө илүү дэд бүтцийг бий болгосон буюу нийт 1.4 сая зочид буудал захиалга, бараг бүх тээврийн хэрэгслийн тасалбар, түрээс захиалга зэргийг сайтаар гүйцэтгэх боломжтой байдаг.  

Сүүлийн 1 жилийн хугацаанд хувьцааны ханш 31.4%-иар өссөн ба шинжээчдийн тооцооллоор нэгжийн бодит үнэлгээ нь $54.5 гарсан буюу одоогоор ханш нь багаар үнэлэгдэж буй юм.

Аялал жуулчлал : 2024 онд анхаарлаа хандуулах салбар

• Агаарын тээвэр, зочид буудал болон бусад олон нийтийг хамарсан үйл ажиллаагаа Ковид-19 цар тахлын улмаас зогсож 2019 онд 878 сая иргэн Европ тивд зочилсон бол тус үзүүлэлт 2020 онд 325 сая болтлоо огцом унасан байна. Уг нөхцөл байдал дэлхий нийтийг хамарсан.

• Тэгвэл 2023 оны байдлаар хилээр нэвтэрсэн аялагчдын тоо 2019 оны хэвийн түвшиндээ ойртжээ. Нийт дүнгээр нь авч үзвэл өнгөрсөн жил 88 орчим хувийн сэргэлт үзүүлсэн байна. Европ тивд уг үзүүлэлт 94% буюу бараг л хэвийн түвшиндээ хүрсэн.

Цар тахлын хориг дууссанаар Хятадын аялал жуулчлалын салбар 2023 оны 1-р улирлаас эхлэн хурдтай сэргэж байгаа нь компанийн санхүүгийн үзүүлэлтэд эергээр нөлөөлж байна.

Аялал жуулчлалын салбар сэргэхийн хэрээр компанийн борлуулалт 2023 онд $6.27 тэрбум, цэвэр ашиг $1.39 тэрбумд тус тус хүрч ковидын өмнөх үеийн түвшнийг давжээ. 2022 онтой харьцуулахад:

• Байрны захиалга +133%

• Тээврийн тасалбар +123%

• Багц аялал +294%

• Бизнес аялал +109%-иар нэмэгджээ.

Хятадын аялал жуулчлал

Дотоод иргэд, Хятадын үндэстний статистикийн газрын дагуу 2023 онд иргэдийн аяллын тоо 489 сая хүрч $679 тэрбумын аялал жуулчлалын орлого олсон байна. Мөн эдгээр аялагчдын зардал нь цар тахлын өмнөх үеэс өндөр гарсан.

Гадаад иргэд, улсын хилээр 2023 онд нийт 35.5 сая гадаад иргэн зорчсон ба энэ нь 2022 оноос 7 дахин их үзүүлэлт юм. Гэсэн ч 2019 оноос буюу цар тахлын өмнөх үеэс 64%-иар бага хэвээр байна. Компанийн борлуулалт цар тахлын үетэй ойролцоо байгаа ч гаднын жуулчдын тоо бага байгаа нь компанийн борлуулалтад өсөх их орон зай байгааг харуулж буй.

Trip.com нь зах зээлийн үнэлгээ, борлуулалтын өсөлтөөр бусад ижил төстэй компаниудаа хол орхисон
гүйцэтгэлтэй байгаа юм. PE харьцаа 22.8 буюу дундаж үзүүлэлттэй байна.

Wall Street-ийн 30 шинжээч хувьцааны дундаж ханшийн таамаглалыг 54.82 гэж өгсөн бөгөөд энэ нь одоогийн ханшнаас 11.6%-иар өндөр үзүүлэлт юм.

DISCLAIMER ! ! !

Уг и-мэйл нь мэдээллийн шинж чанартай бөгөөд хөрөнгө оруулалтын эцсийн шийдвэрийг харилцагч өөрөө гаргах бөгөөд аливаа хөрөнгө оруулалт нь тодорхой эрсдэлийг өөртөө агуулж байдаг тул алдагдал хүлээх боломжтой.

Дээрх судалгааг бэлтгэхдээ тухайн цаг үеийн хамгийн сүүлийн үеийн мэдээллүүдийг агуулахыг зорьсон бөгөөд гуравдагч талын мэдээллийн үнэн зөв байдалд 100 хувь баталгаа өгч чадахгүй. Хөрөнгө оруулагч тус бүрийн эрсдэлд хандах байдал өөр тул аливаа шийдвэрийг гаргахдаа нэмэлт судалгаа шинжилгээ, зөвлөмж авахыг харилцагч танд санал болгож байна.