🇲🇳 Инфляц зорилтот интервалд хүрснээр хүүгийн төвшин буурав

💫 Шинэ өдрийн мэнд,

📥 Апекс Капиталын зүгээс харилцагч та бүхэндээ өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

🇷🇺 Хамгийн удаан төр барьсан удирдагч

ОХУ-ын ерөнхийлөгчийн сонгуулийн урьдчилсан дүнгээр Путин 88 хувийн саналаар ялсан нь тодорхой боллоо. Ингэснээр Путин 2030 он хүртэл ОХУ-ын ерөнхийлөгчөөр ажиллахаар болсон бөгөөд одоогоор тэр бээр 71 настай ажээ.
Ерөнхийлөгчийн сонгуульд Владимир Путинд өгсөн саналын хувь:


• 
2000 он: 53.4%

• 
2004 он: 71.9%


• 2012 он: 63.6%


• 2018 он: 76.6%


• 2024 он: 87.5%

Польш улс, ХБНГУ-ын гадаад хэргийн яам, АНУ-ын цагаан ордон, Украины ерөнхийлөгч, Их Британийн Гадаад хэргийн сайд Дэвид Кэмерон нар нь Украины эзлэгдсэн нутаг дэвсгэрт болсон уг сонгууль нь хүчингүй бөгөөд олон улсын хууль тогтоомжийг зөрчсөн үйлдэл хэмээн үзэж буйгаа зарласан байна.

 📉 Бодлогын хүү 1% буурлаа

Жилийн инфляц 2-р сард улсын хэмжээнд 7.0%, УБ хотын хэмжээнд 7.2% болж буурлаа. Ийнхүү инфляц зорилтот интервалд хүрч, тогтворжих хандлагатай байгаа тул Мөнгөний бодлогын хороо бодлогын хүүг 1 хувиар бууруулж 12 хувь болголоо.

Тогтвортой байж чадах уу? Инфляц цаашид тогтвортой байх төлөвтэй ч цалин, тэтгэвэр нэмэгдэх, бэлэн мөнгө тараах зэрэг шалтгааны улмаас инфляц өсөх боломжтой байна. Цаашлаад олон улсын худалдаа буюу Хятад улсын эдийн засаг болон нүүрс, төмөр, хүдэр, зэс зэрэг түүхий эдийн үнээс ихээхэн хамаарах төлөвтэй.

ТАНЫ МЭДЛЭГТ

🤔 Юу нөлөөлөв? Инфляц буурахад 2023 оны бодлогын хүү болон эдийн засгийн өсөлт чухал нөлөө үзүүллээ. 2023 онд манай улсын эдийн засгийн өсөлт 7% байсан ба үүний гол нөлөөлөгч хүчин зүйл нь нүүрсний экспорт буюу уул уурхайн салбарын идэвхжил юм. Экспорт нэмэгдсэнээр гадаад худалдааны тэнцэл тогтворжин, валютын нөөц нэмэгдэж төгрөгийн ханш чангарч байна.

✨ Үр ашигтай (Efficient market) зах зээлд бодлогын хүү буурах үед хувьцааны зах зээлд өсөлт авчрах хандлагатай байдаг.
Ийм үед хэрэглэгчдийн зардал нэмэгдэж ААН-үүдийн орлого өсдөг. Үүний зэрэгцээ хадгаламж болон бондын өгөөж буурснаар хөрөнгө оруулагчид хувьцааны арилжаанд илүү оролцох хандлагатай болдог байна. 

🚀 Гадаад валютын нөөц түүхэн дээд хэмжээнд

Манай гадаад валютын нөөц 3-р сарын 15-ны байдлаар 5.02 тэрбум ам.долларт буюу түүхэн дээд хэмжээндээ хүрчээ. Үүнд:

• Орж ирэх валютын урсгал нэмэгдэх,

• Ашигтай гадаад худалдааны тэнцэл. Зэрэг хүчин зүйлс чухал нөлөө үзүүлжээ.

Мөн 2024 онд төлөх байсан бондыг дахин санхүүжүүлэх болсон нь гадаад валютын нөөцөд үзүүлэх төлбөрийн дарамтыг бууруулж байна.

🛑 TikTok-ыг хориглох хуулийн төслийг АНУ-ын Төлөөлөгчдийн танхим дэмжлээ.

Хятадын Bytedance компанийн гол апп болох TikTok-ыг тус улсын засгийн газар, коммунист нам хяналтандаа байлгаж, мэдээллийг ашигладаг гэх хардлага үүсээд байсан. Уг асуудлын мөрөөр АНУ-ын төлөөлөгчдийн танхим TikTok-ыг хориглох талаар хэлэлцэж, дэмжсэн байна.

Одоо “АНУ-ын иргэдийг гадаадын дайсны хяналттай программаас хамгаалах тухай хууль”-ийг Сенатын танхимын гишүүд дэмжвэл Ерөнхийлөгч Жо Байден гарын үсэг зурна. Ингэснээр тус хууль албан ёсоор хэрэгжиж эхлэх аж. :ban

Нийт 170 сая хэрэглэгчдээ алдах эрсдэлд орсон Bytedance 180 хоногт багтан апп-ыг зарах эсхүл эрсдэлийг үүрэх сонголттой нүүр тулж байна.

🛢️ Газрын тосны үнэ 80$ давжээ...

Газрын тосны үнэ 80 гаруй ам.долларт хүрч сүүлийн 11-р сарын 6-наас хойших хамгийн дээд цэгт хүрсэн байна. Газрын тосны зах зээлд нийлүүлэлтийн хомсдол 2024 он дуустал үргэлжлэх төлөвтэй гэж Олон Улсын Эрчим Хүчний Агентлаг тооцоолсон нь үнийн өсөлтөд голлон нөлөөлжээ.

Үүнээс гадна өдөрт нэг сая орчим дизель түлш экспортолдог томоохон нийлүүлэгч ОХУ-ын газрын тос боловсруулах томоохон үйлдвэрүүд дроны халдлагад өртсөнөөр ОХУ-ын дизель түлшний экспорт тасралтгүй буурч байгаа юм.

🎉 Бондын хугацаагаа та өөрөө сонго

“Шаталсан бонд” буюу хугацаа болон өгөөжийн сонголттой бондын захиалга эхэллээ. Та өөрийн хэрэгцээнд тааруулан 1-12 сар хүртэлх хугацааны бондод хөрөнгө оруулах боломжтой боллоо.

ХЭРЭВ ТА ЗАХИАЛГА ӨГӨХ БОЛ ДАРААХ ДУГААРААР ХОЛБОГДООРОЙ

88030543, 88031563, 88150573