🗺️Хөрөнгийн зах зээлийн эргэн тойронд №39

DШинэ өдрийн мэнд,

📥 Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

🔍 ДУГААРЫН ЭМХЭТГЭЛ

🗺️Монложистик-ийн 2024 оны стратегийн зорилт 60%-ийн гүйцэтгэлтэй байна.

🥂 AПУ-ийн ноогдол ашиг.

🌎️ ОЛОН УЛСЫН хөрөнгийн зах зээл яагаад унаад байна?

🏦 ХААН БАНК шинэ ам.долларын өрийн бичиг гаргана.

🏪 CU конвиниенс дэлгүүрийн тоо нийт 393 хүрлээ.

ОНЦЛОХ НЬ

🗺️ Монложистикийн 2024 оны стратегийн зорилт 60% гүйцэтгэлтэй байна.

Компанийн борлуулалт 2024 оны 2-р улирлын байдлаар ₮141.9 тэрбумд хүрч өмнөх оны мөн үеэс 55% өсөөд байна. Цэвэр ашиг ₮6.6 тэрбум буюу өмнөх оны мөн үеэс 46%-иар нэмэгджээ. Хүчин зүйлс:

• Тээврийн салбарын нийт ачааны хэмжээ 27.1% өссөн ба Монложистикийн хувьд 12.8% өсөөд байна.

• Суудлын автомашины импорт улсын хэмжээнд өмнөх оны мөн үеэс 100% нэмэгдсэн.

• ОХУ, Европ болон Улаан тэнгист үүсээд буй олон улсын геополитикийн асуудлуудаас үүдэлтэй ачаа тээвэр удааширч байгаа нь компанийн ашигт ажиллагаанд эергээр нөлөөлж байна.

🤝 Тэсо Групптэй хамтран ажиллах болов.

Тесо группийн охин компани болох “Төв Азийн Зам ХХК”-г өөртөө нэгтэж, уг компанийн 51%-ийн Монложистик групп эзэмших болов. Энэхүү хөрөнгө оруулалтын үр дүнд компанийн борлуулалт 19%, хүний нөөц 22%-иар нэмэгдэх төлөвтэй байгааг удирдлагууд мэдэгдлээ.

🚂 Хөдлөгч эд анги худалдан авчээ

2023 онд хөдлөх хөрөнгө худалдан авах буюу гал тэрэг худалдах зорилттой байсан ч цаг үеийн байдлаас үүдэлтэй хойшилсон. Тэд 2024 оны эхний хагас жилд 10 гал тэргийг ОХУ-аас худалдан авч 8-р сараас эхлэн үйл ажиллагаандаа ашиглахаар болжээ. Харин үлдсэн 40 галт тэргийг 2024 оны 2-р хагас жилд худалдан авах төлөвлөгөөтэй байна.

2024 онд тэд ₮13-15 тэрбумын цэвэр ашигтай ажиллана гэсэн хүлээлттэй байгаа хагас жилийн байдлаар 50%-ийн гүйцэтгэлтэй байна. Дэлгэрэнгүй тайлан.

ГАДААД НЬ

🍎 Warren Buffet алимаа заржээ.

Уоррен Баффетийн “Berkshire Hathaway” компани өнгөрсөн улиралд Apple-ийн 390 сая хувьцаагаа зарсан байна. Хэдий их хэмжээгээр зарсан ч тэд Apple-ийн хамгийн том хөрөнгө оруулагч хэвээр ба 6-р сарын 30 байдлаар 400 сая хувьцаатай үлдсэн байна.

🤔 Яагаад зах зээл уналттай байв?

АНУ-ын ажилгүйдлийн тэтгэмжид хүсэлт гаргах иргэдийн тоо 249,000, ажилгүйдлийн хэмжээ 4.3%-иар тус тус өссөн. Мөн ХНС-ын дарга энэ сард бодлогын хүүг бууруулахгүй гэсэн мэдэгдлээс үүдэлтэй АНУ-д эдийн засгийн ХЯМРАЛ болно гэсэн айдас үүсээд байгаа нь хөрөнгийн зах зээлийн уналтын гол шалтгаан болж байна.

ДОТООД НЬ

🧧 "АПУ" ХК 2024 оны эхний хагас жилийн цэвэр ашгаас ногдол ашиг хуваарилна

АПУ ХК нь 2024 оны эхний хагаст ₮108 тэрбумын цэвэр ашигтай ажилласан нь өмнөх оны мөн үеэс 51%-иар өссөн үзүүлэлттэй бөгөөд компанийн цэвэр ашгаас нэгж хувьцаанд ₮55-ийг нийт хувьцаа эзэмшигчдэдээ ногдол ашиг болгон хуваарилахаар болжээ.

Ногдол ашиг авах эрхтэй хувьцаа эзэмшигчдийн жагсаалт гаргах бүртгэлийн өдрийг 2024 оны 08-р сарын 20-ны өдрөөр тогтоож, ногдол ашгийг 2025 оны 02-р сарын 10-ны өдрийн дотор төлөхөөр тогтоосон байна.

БУСАД НЬ

💵 “Хаан банк” ХК 130 сая ам.долларын хаалттай өрийн бичиг гаргана.

СЗХ-ны зөвшөөрлийн дагуу 3 хүртэлх жилийн хугацаатай “ам.долларын 6 сарын CME term SOFR + 3.40” хувийн хүүтэй, нэг бүр нь 1 сая төгрөгийн нэрлэсэн үнэ бүхий 130 ширхэг өрийн хэрэгслийг гаргах боломжтой болжээ.

🏦 Дотоодын хөрөнгийн зах зээлийн үнэлгээ нэмэгдэж, Топ-20 идекс 50 мянган нэгжийг давлаа.

2024 оны 8 дугаар сарын 02-ны өдрийн байдлаар зах зээлийн үнэлгээ 12,386,695,558,943 төгрөг болсон бол ТОП-20 индекс 50,228.93 нэгж болж, өмнөх долоо хоногоос 3.05% өссөн үзүүлэлттэй байна.

🏪 “Премиум нэксус” ХК : CU конвиниенс дэлгүүрийн тоо нийт 393-д 21% хувиар өсөөд байна.

Компанийн зүгээс эхний хагас жилийн үйл ажиллагааны тайлангаа олон нийтэд танилцуулсан бөгөөд цэвэр борлуулалт ₮146 тэрбумд хүрч өмнөх оны мөн үетэй харьцуулахад 52%-ийн өсөлт үзүүлсэн онцлох үзүүлэлттэй байна. Дэлгэрэнгүй мэдээллийг энд дарж үзнэ үү.

🌴 | 🌊 “АЯЛАЛТАЙ БОНД” УРАМШУУЛАЛТ ХӨТӨЛБӨРИЙН ШИНЭ ҮЕ ЭХЭЛЛЭЭ

Банкны хадгаламжийн хүүгээс 40-50%-иар илүү өгөөжтэй, үнэ цэн бүтээж буй үндэстний үйлдвэрлэгчдийн бондыг багцаар болон сонголтоор хөрөнгө оруулагч танд бэлдлээ.

✈️ АЯЛАЛТАЙ БОНДОД ХЭРХЭН ОРОЛЦОХ ВЭ?

• Аялалтай бондын эхний ялагчид тодорсон ба 2024 оны 8-р сарын 1-ний өдрөөс 2024 оны 9-р сарын 1-ний өдрийн хооронд 2-р үе үргэлжилнэ. Энэ хугацаанд бондод хөрөнгө оруулсан харилцагчдаас 6 хүн тус бүр iTrip-ийн 2.5 сая төгрөгийн үнэ бүхий пойнт оноо хожих юм.

• Хөрөнгө оруулалтын гэрээ нөхцөлтэй танилцаж 1 жилээс дээш хугацаагаар гэрээ байгуулна.

• Аялах газрынхаа цаг агаарыг харж хувийн бэлтгэлээ хангаад аяллаа эхлүүлээрэй.