💸 Хөрөнгийн зах зээлийн эргэн тойронд №38

БШинэ өдрийн мэнд,

📥 Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

🔍 Дугаарын эмхэтгэл

• Монос Хүнсийн борлуулалт өссөн ч цэвэр ашиг өмнөх жилээс буурсан байна.

• Биткойн 2024 хурлын онцлох ишлэл

• OpenAi-ийн шинэ бүтээгдэхүүн

• Монгол базаальтын 2024 оны хагас жилд

• Дэлхийн топуудын тайлангийн таамаг

⚕️Монос хүнс ХК-ийн борлуулалтын орлого өмнөх оны мөн үеэс 6%-иар нэмэгдсэн боловч санхүүжилтийн зардал 178% нэмэгдэж цэвэр ашиг буурахад нөлөөлжээ. Түүнчлэн борлуулалт, маркетингийн болон ерөнхий удирдлагын зардал нэмэгдсэн байна.

Сүүлийн 1 жилд богино хугацаат өр төлбөрийн дүнг бууруулж, нийт өр төлбөр 32%-иар багассан үзүүлэлттэй гарчээ. Компанийн нийт хөрөнгийн 38%-ийг өр төлбөр бүрдүүлж байгаа ба ROE 6.2% байна.

Шингэн хүнсний үйлдвэрийн хүчин чадлыг 2.5 дахин нэмэгдүүлэх “MFC 2.0” төслийн явц 96% байгаа талаар компанийн зүгээс хагас жилийн тайландаа дурджээ.

🇺🇸 Экс Ерөнхийлөгч биткойны талаар.

Өнгөрсөн амралтын өдрүүдэд АНУ-ын Нэшвилл хотод болсон Биткойн 2024 хуралын үеэр Трамп “ Хэрэв би цагаан ордонд суувал АНУ-ыг дэлхийн криптогийн нийслэл, биткойны супер улс болгоно” хэмээн мэдэгджээ. Энэхүү мэдэгдлээс хойш биткойн 5% өсөөд байна.

🤖 OpenAi өөрсдийн хайлтын системтэй болох нь.

Пүрэв гарагт OpenAI компани SearchGPT нэртэй хайлтын системийн загвараа зарласан бөгөөд энэ нь хэрэглэгчдэд " хамгийн сүүлийн үеийн баттай эх сурвалжаас маш тодорхой хариултыг хурдан өгөх" зорилготой юм. Мөн цаашлаад энэхүү хайлтын систем нь ChatGPT-тэй холбогдох юм.

🛒 Инфляц буурсаар.

Манай улсын инфляц сүүлийн саруудад тогтвортой буурч, Монгол банкны зорилтот хэмжээнд хадгалагдсаар байна. 6-р сарын байдлаар 5.1% буюу 2021 оны 4-р сарын түвшинд хүрээд байна.

🪨 Компани 2024 оны эхний хагас жилд зах зээлийн эрэлт хэрэгцээг бүрэн хангах зорилгоор их бүтээн байгуулалтыг өрнүүлж үйлдвэрлэлийн шугам дамжлагаа хүчитгэн ажилласны үр дүнд 137 мянга орчим боодол бүтээгдэхүүн борлуулсан байна. 2023 оны мөн үетэй харьцуулахад борлуулалтын орлого 31.5% өссөн үзүүлэлттэй байна.

Нийт борлуулсан бүтээгдэхүүний 68%-ийг базальт лайт, 15%-ийг базальт хауз, 12%-ийг базальт вэнт фасад, 5%-ийг базальт техно стандарт марк тус тус эзэлж байна. Энэхүү үзүүлэлт нь хувь хэрэглэгчдийн худалдан авалт их байгааг харуулж байна.

🗺️ Дэлхийн топуудын тайлан

Мягмар гарагт

Microsoft компанийн тайлан гарах ба шинжээчид борлуулалтын орлогыг 9%, нэгж хувьцааны ашгийг 15% байх болов уу хэмээн таамаглаж байна.

Лхагва гарагт

Facebook буюу Meta Platforms тайлангаа гаргах нь. Компанийн удирдлагаас борлуулалтыг $36.5-$39 тэрбум гэсэн таамаглал дэвшүүлээд байгаа бол шинжээчид нэгж хувьцааны ашгийн $4.77, борлуулалтыг $38.28 тэрбум гэсэн хүлээлттэй байна.

Пүрэв гарагт

Apple-ийн тайлан гарах ба шинжээчид 3%-ийн борлуулалтын өсөлт, 6%-ийн нэгж хувьцааны ашгийн өсөлт хүлээж байна.

Amazon бас уг өдөр тайлангаа хүргэх ба шинжээчид нэгж хувьцааны ашгийг $1.01, орлогыг $148.59 тэрбум гэсэн хүлээлттэй байна.

Компаниудын улирлын тайлангаас гадна олон улсын эдийн засгийн томоохон мэдээнүүд энэ 7 хоногт гарах нь ээ.

🌴 | 🌊 “АЯЛАЛТАЙ БОНД” УРАМШУУЛАЛТ ХӨТӨЛБӨР ЭХЭЛЛЭЭ

Банкны хадгаламжийн хүүгээс 40-50%-иар илүү өгөөжтэй, үнэ цэн бүтээж буй үндэстний үйлдвэрлэгчдийн бондыг багцаар болон сонголтоор хөрөнгө оруулагч танд бэлдлээ.

✈️ АЯЛАЛТАЙ БОНДОД ХЭРХЭН ОРОЛЦОХ ВЭ?

• Аялалтай бонд хөтөлбөр 2024 оны 7-р сарын 1-ний өдрөөс 2024 оны 9-р сарын 1-ний өдрийн хооронд үргэлжилнэ. Энэ хугацаанд бондод хөрөнгө оруулсан харилцагчдаас 6 хүн тус бүр iTrip-ийн 2.5 сая төгрөгийн үнэ бүхий пойнт оноо хожих юм.

• Хөрөнгө оруулалтын гэрээ нөхцөлтэй танилцаж 1 жилээс дээш хугацаагаар гэрээ байгуулна.

• Аялах газрынхаа цаг агаарыг харж хувийн бэлтгэлээ хангаад аяллаа эхлүүлээрэй.