💸 Хөрөнгийн зах зээлийн эргэн тойронд №37

Шинэ өдрийн мэнд,

📥 Апекс Капиталын зүгээс харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна. Сонирхуулахад 1903 оны энэ өдөр Форд мотор компани анхны автомашинаа борлуулж байсан ба өдгөө 1️⃣2️⃣1️⃣ жилийн түүхийг ардаа үлдээжээ.

🔍 Дугаарын эмхэтгэл

• Премиум нэксус компани 10.7 тэрбум төгрөгийн цэвэр ашигтай ажиллав.

• Говь ХК: Борлуулалтын 70 хувийг дотоод зах зээл бүрдүүлж байна.

• Банкууд хагас жилээр ногдол ашиг тараана.

• Апу ХК-ийн цэвэр ашиг өмнөх оны мөн үеэс 51 хувиар нэмэгдэв.

• Гадаад худалдааны тэнцэл 2.5 тэрбум ам.долларын ашигтай гарчээ.

🛒Премиум Нексус ХК 2024 оны эхний хагас жилд ₮263.63 тэрбумын борлуулалт хийсэн нь өмнөх оны мөн үетэй харьцуулахад 57.6%-иар өссөн үзүүлэлт болжээ.

Цэвэр ашиг мөн өсөлттэй байж ₮10.7 тэрбумын ашигтай ажилласан байна. 2023 оны эхний хагас жилийн хувьд ББӨ борлуулалтын орлогын 103%-ийг эзэлж байсан бол энэ оны хувьд 88% хүртэл бууруулж чадсанаар ашигтай ажиллах гол нөхцөл бүрджээ.

Мөн тус хугацаанд нийт хөрөнгийн хэмжээ өсөж, өр төлбөрийг зохистой хэмжээнд барьж чадсан тул өр төлбөрийн харьцаа 101%-иас 75% болж буурсан байна.

🐏Говь ХК 2024 эхний хагас жилд 76 тэрбум төгрөгийн борлуулалт гүйцэтгэсэн ба 14.2 тэрбумын алдагдал хүлээжээ. Компанийн борлуулалтын орлого өмнөх жилийн мөн үеэс 9 хувиар буурсан нь гадаад борлуулалтын хэмжээ бага байсантай холбоотой. Ингэснээр хуримтлагдсан алдагдлын хэмжээ ₮49 тэрбумтай тэнцэж байна.

2020 оноос хойш компанийн борлуулалт нэмэгдсээр байгаа ч ихээхэн хэмжээний өр төлбөрт төлөх хүүгийн зардалд 2024 оны эхний хагас жилд ₮15.4 тэрбумыг зарцуулсан байна.

"АПУ" ХК 2024 оны эхний хагас жилийн тайлангаа танилцуулав.

🌎Тус компани 2024 оны эхний хагас жилийн байдлаар өмнөх оны мөн үетэй харьцуулахад компанийн цэвэр борлуулалтын орлого 25%-иар өссөн ба татварын дараах цэвэр ашиг өнгөрсөн оны мөн үеийнхээс 51%-иар өссөн үзүүлэлттэй байна.

Борлуулалтын орлогын өсөлт нь шинэ төрлийн сүү сүүн бүтээгдэхүүн болон ус ундааны төрлүүдийг нэмэгдүүлсэн, мөн Дижитал концепт ХХК болоод Экспортын борлуулалтын өсөлтөөс хамаарсан.

Эргэлтийн хөрөнгө өмнөх оны мөн үеэс 83 тэрбум төгрөгөөр нэмэгдсэн бол нийт өр төлбөр 16 тэрбум төгрөгөөр тус тус нэмэгдсэн байна.

Мөн өмнөх оны мөн үетэй харьцуулбал нөлөө бүхий хувьцаа эзэмшигч Steppe Beverage KFT-ийн эзэмшлийн хувь 5%-аар буурч, бусад жижиг хувьцаа эзэмшигчдэд шилжсэн нь хувьцааны хөрвөх чадварыг нэмэгдүүлж байгаа онцлог үйл явдал юм.

Банкууд хагас жилээр ногдол ашиг тараана.

🟩Өнгөрсөн долоо хоногт Богд банк ХК ногдол ашиг хуваарилах тухай мэдэгдэж байсан бол үүний дараа Худалдаа хөгжлийн банк болон Хас банк нар хагас жилийн цэвэр ашгаас ногдол ашиг тараахаа зарлалаа.

ХХБ нэгж хувьцаанд 1,033 төгрөг тараахаар тогтоосон ба ингэснээр ногдол ашгийн өгөөж 3.97 хувь, Хас банк нэгж хувьцаанд 18 төгрөг буюу НАӨ 2.51 хувьтай тэнцэж байна. /07 сарын 22-ны хаалтын ханшаар тооцов/

Гадаад худалдааны тэнцэл 2.5 тэрбум ам.долларын ашигтай байна.

🇨🇳ҮСХ-ноос 2024 оны эхний хагас жилийн эдийн засгийн статистик мэдээллийг нэгтгэн гаргажээ. Гадаад худалдааны нийт эргэлт 13.3 тэрбум ам.доллар бөгөөд тэнцэл 2.5 тэрбум гарсан байна. Нийт экспортын 92.7 хувийг, нийт импортын 40.8 хувийг БНХАУ-тай гүйцэтгэжээ.

🌴 | 🌊 “АЯЛАЛТАЙ БОНД” УРАМШУУЛАЛТ ХӨТӨЛБӨР ЭХЭЛЛЭЭ

Банкны хадгаламжийн хүүгээс 40-50%-иар илүү өгөөжтэй, үнэ цэн бүтээж буй үндэстний үйлдвэрлэгчдийн бондыг багцаар болон сонголтоор хөрөнгө оруулагч танд бэлдлээ.

✈️ АЯЛАЛТАЙ БОНДОД ХЭРХЭН ОРОЛЦОХ ВЭ?

• Аялалтай бонд хөтөлбөр 2024 оны 7-р сарын 1-ний өдрөөс 2024 оны 9-р сарын 1-ний өдрийн хооронд үргэлжилнэ. Энэ хугацаанд бондод хөрөнгө оруулсан харилцагчдаас 6 хүн тус бүр iTrip-ийн 2.5 сая төгрөгийн үнэ бүхий пойнт оноо хожих юм.

• Хөрөнгө оруулалтын гэрээ нөхцөлтэй танилцаж 1 жилээс дээш хугацаагаар гэрээ байгуулна.

• Аялах газрынхаа цаг агаарыг харж хувийн бэлтгэлээ хангаад аяллаа эхлүүлээрэй.