📰 Хөрөнгийн зах зээлийн эргэн тойронд №36

Шинэ өдрийн мэнд,

📥 Баяр наадмын өдрүүд өнгөрч 2024 он дуусахад ердөө 24 долоо хоног үлджээ. Оны эхэнд тавьсан хөрөнгө оруулалтын зорилгоо эргэн харахад оройтоогүй шүү. Харилцагч танд өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

Дугаарын эмхэтгэл

• Биднийг амарч байх хооронд дэлхий дахинд юу болов?

• МУ: 2025 оны эхний улиралд инфляц өсөж 7.6 хувьд хүрэх төлөвтэй байна.

• Сүүлийн 1 жилд банкуудын нийт актив 23.3 хувиар өссөн бөгөөд МХБ-д бүртгэлтэй Богд банк ХК энэ оны хагас жилээр ногдол ашиг тараахаа зарлав.

• Нийт 36 хувьцаат компани МХБ-ийн бүртгэлээс хасагдах эрсдэл үүсжээ.

Өнгөрсөн долоо хоногт👇🏻

🇺🇸АНУ-ын Холбооны Нөөцийн банкны тэргүүн Жером Пауэлл инфляцын зорилтот түвшин болох 2 хувийг хүлээлгүйгээр бодлогын хүүг өөрчлөх арга хэмжээ авахаа мэдэгдэв. Энэ нь “Төв банкны шийдвэр эдийн засагт тодорхой хугацааны дараа буюу хоцорч нөлөөлдөгтэй холбоотой” гэж тэрээр яриандаа дурджээ.

🚘Тесла Модел 3 загвараа өртөг хямд хувилбараар санал болгож эхлэв. Сүүлийн үед борлуулалтын тоо ширхэг буураад байгаа тул тус машинд бага зэргийн өөрчлөлт оруулж 5,000 ам.доллароор хямд санал болгож эхэлсэн байна. Компани 2 дугаар улирлын санхүүгийн гүйцэтгэлээ энэ сарын 23-нд танилцуулна.

🏭TSMC компанийн борлуулалт 30 хувиар өсөх таамагтай байна.
Аpple болон Nvidia зэрэг технологийн томчуудын үйлдвэрлэлийг хариуцдаг тус компанийн 2 дугаар улирлын борлуулалтын орлого өмнөх улирлаас 30 хувиар өндөр байх таамагтай байгаа ба хиймэл оюун ухааны салбарын өсөлт нэмэгдсээр байгаа нь голлон нөлөөлжээ.

Шинжээчид ирэх нэг жилд инфляц өснө хэмээн таамаглаж байна.

Монгол банкны зүгээс эдийн засагчдын дунд явуулсан түүвэр судалгааны үр дүнд 2025 оны 1-р улиралд дотоодын эдийн засаг дараах төлөвтэй байх таамаг гарчээ. Тодруулбал:

• Инфляц нэмэгдэж 7.6 хувьд хүрэх

• Эдийн засгийн өсөлт саарч 6.6 хувьтай тэнцэх

• Бодлогын хүү 11.1 хувь

• Зээлийн хүү буурч 16.5 хувьд хүрэх дүр зурагтай байгаа аж.

"Богд банк" ХК 2024 оны эхний хагас жилийн цэвэр ашгаас ногдол ашиг хуваарилна.

Тус компани 2024 оны эхний хагас жилийн санхүүгийн урьдчилсан байдлаарх татварын дараах цэвэр ашгийн 25 хувь болох 3,752,801,206.6 төгрөгийг нэгж хувьцаанд 3.00 төгрөгөөр тооцон ногдол ашиг болгон мөнгөн хэлбэрээр хуваарилахаар болжээ.

💵Ногдол ашгийг эрх бүхий этгээдийн зөвшөөрөл шийдвэр ирснээс хойш 60 хоногийн дотор хуваарилах аж.

Гэснээс банкны салбарын нийт актив өмнөх оны 5 дугаар сартай харьцуулахад 23.3 хувиар нэмэгдсэн гэнэ шүү. Энэ нь мэдээж хадгаламжийн дүн нэмэгдсээр байдагтай холбоотой ч нөгөө талдаа банкуудын өөрийн хөрөнгө мөн хугацаанд 29 хувиар өсжээ. 😮

🚨“Монголын хөрөнгийн бирж” ХК: Нэр бүхий 36 компани хууль, гэрээгээр хүлээсэн үүргээ биелүүлээгүй тохиолдолд үнэт цаасны холбогдох журмын дагуу бүртгэлээс хасагдах эрсдэлтэй болж байна.

Та эдгээр компанийн хувьцааг эзэмшдэг эсэхээ энд дарж шалгаарай.

🌴 | 🌊 “АЯЛАЛТАЙ БОНД” УРАМШУУЛАЛТ ХӨТӨЛБӨР ЭХЭЛЛЭЭ

Банкны хадгаламжийн хүүгээс 40-50%-иар илүү өгөөжтэй, үнэ цэн бүтээж буй үндэстний үйлдвэрлэгчдийн бондыг багцаар болон сонголтоор хөрөнгө оруулагч танд бэлдлээ.

✈️ АЯЛАЛТАЙ БОНДОД ХЭРХЭН ОРОЛЦОХ ВЭ?

• Аялалтай бонд хөтөлбөр 2024 оны 7-р сарын 1-ний өдрөөс 2024 оны 9-р сарын 1-ний өдрийн хооронд үргэлжилнэ. Энэ хугацаанд бондод хөрөнгө оруулсан харилцагчдаас 6 хүн тус бүр iTrip-ийн 2.5 сая төгрөгийн үнэ бүхий пойнт оноо хожих юм.

• Хөрөнгө оруулалтын гэрээ нөхцөлтэй танилцаж 1 жилээс дээш хугацаагаар гэрээ байгуулна.

• Аялах газрынхаа цаг агаарыг харж хувийн бэлтгэлээ хангаад аяллаа эхлүүлээрэй.