📈 Хас банкны цэвэр ашиг 34.5% нэмэгжээ.

💫  Шинэ өдрийн мэнд,

📥 Апекс Капиталын зүгээс харилцагч та бүхэндээ өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

🏦 хувьцаа эзэмшигчид анхаараарай

Хувьцаат компаниуд хагас жилээр болон жилийн эцсээр л санхүүгийн тайлангаа хөрөнгө оруулагчдад танилцуулдаг билээ. Тэгвэл банкууд үүнээс ялгаатай буюу улирал тутам тайлангаа ил тод байршуулдаг.

2024 оны эхний улиралд Хас банкны цэвэр ашиг өмнөх оны мөн үеэс 34.5%-иар нэмэгдсэн байна. Түүнчлэн зээлийн багц өмнөх оны мөн үеэс 5.9%-иар нэмэгдсэн ажээ. Гэсэн хэдий ч зээлийн чанар муудалгүй эсрэгээрээ сайжирсан онцлох үзүүлэлттэй байна.

Компанийн хувьцаа эзэмшигчдийн хурал энэ сарын 29-ны өдөр болох бөгөөд бүртгэлийн өдөр нь өнөөдөр болж байна.

🚩Өнөөдөр хувьцааг нь худалдан авсан ч гэсэн та хуралд орох эрхгүй бөгөөд арилжааны төлбөр тооцоо Т+2 горим буюу ажлын хоёр хоногийн дараа худалдан авсан хувьцаа нь таны нэр дээр албан ёсоор бүртгэгддэг юм шүү. Иймд 04 сарын 05-ны өдөр хувьцааг авсан хөрөнгө оруулагчид бүртгэлийн өдөрт багтах нь ээ.

💅 Өөртөө хөрөнгө оруулсан компани
Alibaba (NYSE: BABA) нийт эргэлтэд гаргасан хувьцааныхаа 5.1%-ийг $12.5 тэрбумаар АНУ болон Хонг Конгын биржүүдээс худалдан авчээ.
Ингэснээр, хувьцаагаа эргүүлэн худалдаж авах нь зах зээл дээрх тухайн хувьцааны тоог бууруулан ханшийг тогтворжуулдаг байна.

🤫 TSLA-ийн нийлүүлэлт буурчээ
Tesla, (NASDAQ:TSLA) 2024 оны 1-р улиралд 433,371 машин үйлдвэрлэж, 386,810 машин дэлхийн хэмжээнд нийлүүлжээ. Тус 2 үзүүлэлт өнгөрсөн оны мөн үеэс аль аль нь буурсан байгаа ба үүний нөлөөгөөр хувьцааны ханш 5% унажээ.

💰️ ХХБ ашгаасаа хуваалцана
ХХБ-ны ТУЗ 4-р сарын 5-ны өдөр хэлэлцэн нэгж хувьцаанд ₮1033 ноогдол ашиг хуваарилахаар болжээ. Гэснээс уг компанийн хувьцаа эзэмшигчдийн бүртгэлийн өдөр 2024 оны 4-р сарын 9-д болно шүү. 

💸 2024 оны 1-р улиралд гадаад худалдааны тэнцэл $1.2 тэрбумын ашигтай гарлаа.
Гадаад худалдааны нийт бараа эргэлт $6 тэрбум болж, 2023 оны мөн үеэс $369.5 сая буюу 6.5%-иар өссөн байна.
Экспортын барааны нийт дүнд

• эрдэс бүтээгдэхүүн $3.3 тэрбум буюу 89.0%;

• сувд, үнэт ба хагас үнэт чулуу, үнэт металл, гоёлын зүйлс, зоос $216.8 сая буюу 5.9 хувь;

• амьд мал, амьтад, мал амьтдын гаралтай бүтээгдэхүүн $38.8 сая буюу 1.1%-ийг тус тус эзэлжээ.
  
  2024 оны эхний гурван сард экспортолсон хар тугалганы хүдэр болон баяжмал, төмрийн хүдэр, зэсийн баяжмал, цайрын баяжмал, түүхий нефть болон чулуун нүүрсийг 100% БНХАУ-д нийлүүлсэн бол үхэр адууны боловсруулсан ширний 79.4%-ийг Туркт, самнасан ноолуурын 80.8%-ийг Италид, ямааны угаасан ноолуурыг 96.5%-ийг БНХАУ-д тус тус экспортолсон байна.

🎉 Бондын булан

Барилгын салбарт хурдацтай өсөн тэлж буй хаусны төсөл болох Тэсо Пропертис компанийн хэрэгжүүлж буй Палм спрингс бондын захиалга үргэлжилж байна.

ХЭРЭВ ТА ЗАХИАЛГА ӨГӨХ БОЛ ДАРААХ ДУГААРААР ХОЛБОГДООРОЙ 88030543, 88031563, 88150573