💫 Хөрөнгийн зах зээлийн эргэн тойронд №34

💫 Шинэ өдрийн мэнд,

📥 Апекс Капиталын зүгээс харилцагч та бүхэндээ өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

🇲🇳 Сонгуулийн үр дүн: Нийт 126 гишүүний 68 нь МАН, 42 нь АН, 8 нь ХҮН, 4 нь Үндэсний эвсэл, 4 нь Иргэний Зориг Ногоон Намын болж байна. Ингэснээр ирэх 4 жилийн Засгийн эрхийг МАН дахиад барихаар боллоо.

Бусад орнуудад ч гэсэн олон сонгууль болж буйгаараа онцлогтой жил тохиож буй бөгөөд дэлхийн 80 гаруй улсад уг үйл явдал тохиох юм. Ингэснээр дэлхийн хүн амын талаас илүү хувь нь санал хураалтад оролцохоор байгаа аж.

Тэгвэл сонгууль бусад орны эдийн засаг хийгээд хөрөнгийн зах зээлд ихээхэн өндөр нөлөөтэй байдаг ба зах зээлийн хөдөлгөөн хаашаа чиглэх нь тодорхойлогддог байна. Сонгуулийн үеэр хөрөнгийн зах зээл дээрх тодорхойгүй байдал нэмэгдэж хувьцааны ханш өндөр хувиар савалдаг түүхэн үзүүлэлтүүд тэмдэглэгджээ.

Ерөнхийлөгчийн сонгуулийн өмнөх жилээс зах зээл дээрх мөнгөний хэмжээ нэмэгдэж, эдийн засаг тэлэх цаашлаад хөрөнгийн зах зээлийн индексүүд өсдөг судалгаа 1970 оноос хойш АНУ-д хийгдсэн байна. Мэдээж энэ нь сонгуулийн үеэр хийгдэх сурталчилгааны нэг хэсэг бөгөөд төд удалгүй инфляц нэмэгдэх нь тодорхой юм.

Энэ мэтчилэн бусад орны сонгуулиар аль нэр дэвшигч, аль албан тушаалд томилогдох нь эдийн засаг, хөрөнгийн зах зээлийг хөдөлгөх нэгэн хүчин зүйл болж байна. Нэр дэвшигчид хөрөнгийн зах зээлийн талаарх мэтгэлцээн, мөрийн хөтөлбөрийг өргөнөөр хөнддөг дэлхийн жишиг байгаа ч манай улсын хувьд уг сэдэв “сонгуульд” орхигдсон хэвээр байна.

🚀 Нүүрсний экспорт, 2024 оны 6-р сарын 24-ны байдлаар 37.7 сая тонн нүүр экспортлоод байна. Энэ нь өмнөх оны мөн үеэс 38.5% өссөн үзүүлэлт юм.

😐️ Nike 20 уналаа, өнгөрсөн 7 хоногт гарсан тайлангийн дагуу компанийн борлуулалт шинжээчдийн таамагт хүрч чадаагүй. Мөн цаашлаад ирэх онд борлуулалт буурна гэсэн хүлээлттэй байгаа хэмээн мэдэгдсэнээс үүдэлтэй хувьцааны ханш 20% буураад байна.

🏦 Засгийн гадаад өр, энэ оны 1-р улирлын байдлаар засгийн газрын гадаад өрийн үлдэгдэл $7.9 тэрбум байжээ. Үүний $1.78 тэрбум нь өрийн бичиг ба 2026-2031 онд хугацаа нь дуусах 5 бонд байна. Эдгээрийн төлөлтийг хийхдээ валютын нөөцөд мэдэгдэхүйц дарамт учруулахгүйгээр зарим хэсгийг дахин санхүүжүүлэх төлөвлөгөөтэй байна.

Ашигтай арилжаа хийсэн бол 10% татвар төлнө

ХХОАТ-ын тухай Хуулийн 21 дүгээр зүйлийн 21.2.4 дэх заалтад заасны дагуу хувьцаа, үнэт цаас бусад хэрэгсэл борлуулсны ашгийн хэмжээнд 10%-ийн татвар ногдуулахаар 2023 оын 11 дүгээр сарын 10-ны өдрын УИХ баталсан. Энэхүү хууль 2024 оны 7-р сарын 1-ээс эхлэн хэрэгжиж байна. Уг хуулиар:

• Албан татвар суутган төлөгч нь үнэт цаас борлуулсны орлогод албан татвар ногдуулах орлогыг татвар төлөгчийн үнэт цаас борлуулсан үнээс уг үнэт цаасыг худалдаж авсан үнэ болон худалдан авахад төлсөн баримтаар нотлогдож байгаа шимтгэлийн дүнг хасаж тодорхойлно.

• Албан татвар ногдох орлогоос хасаж тооцох үнэт цаас худалдан авсан үнийг жигнэсэн дундаж өртгийн аргаар тодорхойлно.

• Татварыг суутган төлөгч нь тухайн үнэт цаас хадгалагдаж буй Үнэт цаасны төвлөрсөн хадгаламжийн төв(ҮЦТХТ), Кастодиан банк байх юм.

• Татварын хувь хэмжээний хувьд хуульд зааснаар 2024-2026 онд 10%-ын татварыг 90 хувиар хөнгөлж 1%-иар тооцож суутган төлөх бол, 2027-2029 онд 10%-ын татварыг 50 хувиар хөнгөлж 5%-иар тус тус суутган төлнө.

🌴 | 🌊 “АЯЛАЛТАЙ БОНД” УРАМШУУЛАЛТ ХӨТӨЛБӨР ЭХЭЛЛЭЭ

Банкны хадгаламжийн хүүгээс 40-50%-иар илүү өгөөжтэй, үнэ цэн бүтээж буй үндэстний үйлдвэрлэгчдийн бондыг багцаар болон сонголтоор хөрөнгө оруулагч танд бэлдлээ.

✈️ АЯЛАЛТАЙ БОНДОД ХЭРХЭН ОРОЛЦОХ ВЭ?

• Аялалтай бонд хөтөлбөр 2024 оны 7-р сарын 1-ний өдрөөс 2024 оны 9-р сарын 1-ний өдрийн хооронд үргэлжилнэ. Энэ хугацаанд бондод хөрөнгө оруулсан харилцагчдаас 6 хүн тус бүр iTrip-ийн 2.5 сая төгрөгийн үнэ бүхий пойнт оноо хожих юм.

• Хөрөнгө оруулалтын гэрээ нөхцөлтэй танилцаж 1 жилээс дээш хугацаагаар гэрээ байгуулна.

• Аялах газрынхаа цаг агаарыг харж хувийн бэлтгэлээ хангаад аяллаа эхлүүлэх юм.

Та урамшуулалт хөтөлбөрт хамрагдахыг хүсвэл доорх мэдээлэл авах хэсэгт дараарай.