💫 Хөрөнгийн зах зээлийн эргэн тойронд №33

💫 Шинэ өдрийн мэнд,

📥 Апекс Капиталын зүгээс харилцагч та бүхэндээ өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

Үр ашигтай зах зээлд компанийн санхүү болон үйл ажиллагааны тайлангаас гадна эдийн засгийн макро орчны мэдээнүүд хувьцааны ханшид ихээхэн нөлөөлдөг. Хамгийн их нөлөө үзүүлдэг 2 мэдээний талаар хүргэж байна.

🛒 Инфляц буюу Хэрэглээний үнийн индекс

Инфляцаас үүдэлтэй компаниудын ашигт ажиллагаа болон хувьцааны үнэлгээнд нөлөөлдөг. Инфляц өсөх үед түүхий эд, цалин зэрэг бизнесийн зардлууд нэмэгддэг тул компанийн ашгийн маржин буурах хандлагатай байдаг. Цаашлаад хэрэглэгчдийн худалдан авах чадварт сөргөөр нөлөөлдөг тул компанийн борлуулалт мөн буурах боломжтой.

Улс бүрийн төв банкны зорилтот инфляцын төвшин өөр өөр байдаг тул та хөрөнгө оруулж буй компанийн төв банкны зорилтот хэмжээг мэдэж байх хэрэгтэй.

🏦 Бодлогын хүү

Бодлогын хүү нэмэгдсэнээр аж хуйн нэгж болон иргэдийн зээлийн зардал нэмэгдэж эдийн засгийн өсөлт удааширдаг. Мөн дээрх шалтгааны улмаас компаниудын ашигт ажиллагаа буурдаг байна.

Нэмж дурдахад өндөр хүү нь бонд болон бусад тогтмол өгөөжтэй хөрөнгө оруулалтыг хувьцаатай харьцуулахад илүү сонирхол татахуйц болгож, хувьцааны үнэ буурахад хүргэж болзошгүй юм.

🚀 Мөнгөний нийлүүлэлт, 2024 оны 5-р сарын сарын эцсийн байдлаар Мөнгөний нийлүүлэлт (M2) ₮39.1 их наяд болж өмнөх оны мөн үеэс 28.1% буюу ₮8.6 их наядаар нэмэгдсэн байна. Удахгүй инфляц өсөж магадгүй л юм 🤔 

🥳 Эрдэнэ Ресурс эзэмшигчдэдээ хүргэх мэдээ, Эрдэнэ Ресурс Девелопмент Корпорацийн CEO Петер Акерли хөрөнгө оруулагч нартаа хандан” 2025 оны дундуур Баянхөндийн олборлолтыг эхлүүлэхээр төлөвлөж байгаагаа мэдээлэхэд таатай байна” хэмээн захидал хүргүүлжээ. Дэлгэрэнгүй захидлыг унших бол ЭНД

🤝 Худалдааны дайныг үл харгалзан, Хятадын ByteDance болон АНУ-ын Broadcom нар дэвшилтэт AI чип дээр хамтран ажиллах болсноо мэдэгдлээ. Хамтын ажиллагааны хүрээнд чипийн тогтвортой нийлүүлэлтийг хангах, худалдан авалтын зардлыг бууруулах зорилготой байна.

🏄‍♂️ Nvidia хамгийн үнэ цэнтэй болсон ч удаан үргэлжилсэнгүй, Компанийн хувьцаа сүүлийн хоёр өдрийн дотор нийт 6.7%-иар буурч, зах зээлийн үнэлгээ нь $220 тэрбумаар багассанаар, Apple болон Microsoft нараас бага зах зээлийн үнэлгээтэй боллоо.

🎉 ШИНЭ БОНДЫН БАГЦ ЗАРЛАГДЛАА

Бид танд жилийн 20% хүүтэй, 18 сарын хугацаатай , 3 сар тутам хүүгийн төлөлттэй Баялаг бүтээгч бондын багцыг санал болгож байна.

Бондын багцын давуу тал:

• Олон компани багтдаг тул эрсдэл багатай

• Нэг гэрээгээр бондын багц эзэмших боломжтой

• Уян хатан эргэн төлөлтийн нөхцөл /Улирал тутмын хүүгийн өгөөж/