🏦 Хөрөнгийн зах зээлийн эргэн тойронд №30

💫 Шинэ өдрийн мэнд,

📥 Апекс Капиталын зүгээс харилцагч та бүхэндээ өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

Үнэт цаасны цах зээлийн арилжаа, 2024 оны 1-р улиралд нийт ₮204.9 тэрбумын арилжаа хийгдсэн ба энэ нь өмнөх оны мөн үеэс 2.4 дахин, 2020 оноос 21.4 дахин нэмэгдсэн үзүүлэлт болжээ. Задлаад харвал:

• Хувьцааны арилжаа - ₮128.5 тэрбум, өмнөх оны мөн үеэс 2.4 дахин

• ХБҮЦ - ₮16.7 тэрбум, өмнөх оны мөн үеэс 2.3 дахин

• Бонд - ₮42.6 тэрбум, өмнөх оны мөн үеэс 3.6 дахин

• ХОС - ₮17.2 тэрбум, өмнөх оны мөн үеэс 24.1%-иар тус тус нэмэгджээ.

🏦 Биржийн бус зах зээл, ₮178 тэрбумын үнийн дүн бүхий 25 үнэт цаас гаргагчийн 29 өрийн хэрэгсэл бүртгэгдээд байна.

⛏️ Уул уурхайн бүтээгдэхүүн, уул уурхайн бүтээгдэхүүний биржээр нийт 127 удаагийн ₮2.5 их наядын арилжаа явагджээ. Үүний ₮2.4 их наяд нь нүүрсний арилжаанаас бүрдсэн бол ₮95 тэрбумыг төмрийн хүдэр болон баяжмалын арилжаа бүрдүүлсэн байна.

🚀 Ипотек, 2024 оны эхнээс 5-р сарын 17 өдрийг хүртэл нийт ₮397 тэрбумын ипотекийн зээлийг 3,361 өрхөд олгосон ба энэ нь өмнөх оны мөн үетэй харьцуулахад 59%-иар өсжээ.

📉 АНУ-ын өсөлт удааширч байна, 2024 оны 1-р улиралд АНУ-ын ДНБ 1.3% өссөн ба энэ нь шинжээчдийн хүлээлтээс доогуур гарсан юм. Эдийн засгийн гол хөдөлгүүр болох хэрэглэгчийн зарцуулалт хангалттай өсөж чадаагүй нь голлох нөлөөг үзүүлсэн байна.

🤔 Хас банкны, бичил, жижиг, дунд бизнес эрхлэгч эмэгтэйчүүд болон байгаль орчинд ээлтэй бизнес, эрчим хүчний хэмнэлттэй хэрэглээг дэмжих зорилгоор олон улсын санхүүгийн байгууллагуудаас 75 сая ам.долларын санхүүжилт татах боллоо.

“Гайхамшигт 7” хувьцаанаас 2024 онд бууралттай байгаа ганц компани нь Tesla. Хувьцааны ханш оны эхнээс 28%-иар буураад байна.

Яагаад? Хятадын өрсөлдөгч компаниуд хямд үнээр цахилгаан автомашин үйлдвэрлэхийн зэрэгцээ АНУ-ын бодлогын хүү буюу зээлийн хүү нэмэгдсэн нь компанийн борлуулалтад сөргөөр нөлөөлж байна.

Онцлох тоонууд (YoY%) :


• Борлуулалт - $21.3 тэрбум, 9% буурсан

• Үйл ажиллагааны ашиг - $1.17 тэрбум, 127% буурсан


• Цэвэр ашиг - $1.12 тэрбум, 122% буурсан

2024 оны 1-р улиралд тэд 433,371 машин үйлдвэрлэж, 386,810 машин дэлхийн хэмжээнд нийлүүлсэн байна.

Ашигт ажиллагаа / Tesla, Секторын дундаж:



• Ашгийн маржин (TTM) - 17.78%, 36.71%


• Цэвэр ашгийн маржин - 14.37%, 4.68%

Ашгийн маржин секторын дунджаас 2 дахин бага байгаа ч цэвэр ашгийн маржин 3 дахин их байна.


Харьцаа үзүүлэлт / Tesla, Секторын дундаж:

• ROE - 24.28%, 11.5%


• ROA - 12.46%, 4.19%

• P/E TTM - 65.23, 14.99

• P/B TTM - 8.82, 2.17

Хувьцааны үнэлгээд хамгийн их ашиглагддаг P/E болон P/B харьцаанууд маш өндөр буюу хувьцааг үнэтэй арилжигдаж байгааг харуулж байна.

Wall Street-ийн 46 шинжээч хувьцааны дундаж ханшийн таамаглалыг 181.27 гэж өгсөн бөгөөд энэ нь одоогийн ханштай ойролцоо байгаа нь HOLD гэсэн санааг илэрхийлж байна.

🎉 Бондын хугацаагаа та өөрөө сонго

“Шаталсан бонд” буюу хугацаа болон өгөөжийн сонголттой бондын захиалга эхэллээ. Та өөрийн хэрэгцээнд тааруулан 1-18 сар хүртэлх хугацааны бондод хөрөнгө оруулах боломжтой боллоо.