🇲🇳 Инфляц 3 жилийн доод түвшинд

💫 Шинэ өдрийн мэнд,

📥 Апекс Капиталын зүгээс харилцагч та бүхэндээ өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

⚖️ Гадаад худалдааны тэнцэл

Гадаад худалдааны нийт барааны эргэлт 2024 оны 4-р сарын байдлаар $9.4 тэрбум болж өмнөх оны мөн үеэс 8% өссөн байна.

• Экспорт - $4.94 тэрбум / 7.99% YoY

• Импорт - $3.43 тэрбум / 28.79% YoY

• Тэнцэл - $1.51 тэрбум / -37.65% YoY

Үүнээс харвал хэдий манай худалдааны тэнцэл эерэг байгаа ч өмнөх оны мөн үеэс 37.65% буурсан ба энэ нь импортын бараа бүтээгдэхүүний үнийн дүн нэмэгдсэнээс үүдэлтэй байна.

📥 📦 Тэгвэл юу импортлов?

Нийт импортын 42.44%-ийг 5 төрлийн бараа бүтээгдэхүүн эзэлж байгаа ба эдгээрийн үнийн дүн болон эзлэх хувь нь :

• Нефтийн бүтээгдэхүүн - $738.23 сая /21.55%

• Суудлын автомашин - $325.62 сая / 9.50%

• Ачааны автомашин - $211.14 сая / 6.16%

• Бульдозер, авто хусуур, болон бусад - $100.49 сая 2.93%

• Цахилгаан шуудан холбооны болон утсан холбооны аппаратууд - $78.50 сая / 2.29%

Дийлэнх жинг эзэлж байгаа нефт болон суудлын автомашины импортын үнийн дүн өмнөх оны мөн үеэс 60.49%, 51.9% тус тус буурчээ.

📤 🚚 Экспорт талд:

• Эрдэс бүтээгдэхүүн - $4.4 тэрбум / 89.3%

• Үнэт метал, үнэт чулуу болон сувд - $296.1 сая / 6%

• Нэхмэл материал болон эдлэл - $47.4 сая / 1%

Эдгээр 3 төрлийн бүтээгдэхүүнүүд нь манай улсын нийт экспортын 96.3%-ийг бүрдүүлж байна.

🏡 Ипотекийн зээлийн эх үүсвэр нэмэгдлээ.

Энэ оны 4 сарын 19 өдөр батлагдсан үндэстний баялгийн сангийн тухай хууль хэрэгжиж эхэлснээр “Эрдэнэс Монгол”-ын эзэмшлийн стратегийн ордуудын 34 хувьд ногдох ногдол ашиг иргэдийн хуримтлалын санд төвлөрөх боллоо.

💰️ Хуримтлалын санд:

• Эрдэнэтийн 34%

• Оюутолгойн 34%

• Тавантолгойн 34% шилжиж “ Эрдэнэс Монгол” нэгдэл ₮500 тэрбумыг энэ санд шилжүүлж ипотекийн зээлийн эх үүсвэрийг нэмэгдүүллээ.

Ипотекийн зээлийн эх үүсвэр нэмэгдэн 1.2 их наяд төгрөгт хүрч хүлээлгээд байсан 10,000 айл өрх орон сууцны зээлийн хөтөлбөрт хамрагдах боломжтой боллоо.
Орон сууцны тооллогын дүнгээс харахад манай улсын өрхийн 33% нь буюу 302,237 нь орон сууцанд амьдардаг байна.

 ⛏️ 🏦 Уул уурхайн бирж 1-р улиралд

Оны эхний улиралд 2.5 их наяд төгрөгийн арилжаа уул уурхайн бирж дээр хийгдэв. Одоогоор УУБ дээр нүүрс болон төмөр арилжаалагдаж буй бөгөөд нийт арилжааны 93.6%-ийг нүүрсний арилжаа бүрдүүлсэн байна. Өмнөх оны мөн үетэй харьцуулахад нүүрсний арилжааны үнийн дүн 1 их наяд 980.55 тэрбум төгрөг буюу 480.03% өссөн байна.

🇲🇳 Инфляц 3 жилийн доод түвшинд

Инфляц 6.4%-д хүрч 2021 оны 5-р сараас хойших хамгийн доод түвшинд хүрснийг ҮСХ мэдээллээ.

Яагаад? Инфляцад хамгийн өндөр нөлөөтэй байдаг мах, махан бүтээгдэхүүний үнэ өмнөх оны мөн үеэс 8%-иар буурсан бол талх, гурил, будааны үнэ 12.9%-иар, гурилын үнэ 16.3%-иар өсжээ.

Мөн сүүлийн нэг жилийн хугацаанд инфляцад импортын барааны үнийн нөлөө харьцангуй буурч, дөрөвдүгээр сард 6.4 нэгж хувийн инфляцын 2.2 нэгж хувийг импортын барааны үнэ бүрдүүлж байгаа нь 8%-иар буурсан үзүүлэлт боллоо. Үүнд шатахуун түлшний үнэ харьцангуй тогтвортой байгаа нь нөлөөлжээ.

👉 Цаашид, 2024 оны эхний улирлаар ирэх нэг жилийн хугацааны инфляцын хүлээлт Монголбанкны зорилтот түвшнээс дээгүүр буюу 10.6%-тай байна. Энэ нь 2023 оны мөн үеийн судалгааны үр дүнгээс 1 пунктээр илүү байгаа юм.

🎉 Бондын хугацаагаа та өөрөө сонго

“Шаталсан бонд” буюу хугацаа болон өгөөжийн сонголттой бондын захиалга эхэллээ. Та өөрийн хэрэгцээнд тааруулан 1-18 сар хүртэлх хугацааны бондод хөрөнгө оруулах боломжтой боллоо.