🤨 3-р улирлын тайлангууд гарч эхлэх нь

Шинэ 7 хоногийн мэнд,

📥 Апекс Капиталын зүгээс харилцагч та бүхэндээ өнгөрсөн долоо хоногт болж өнгөрсөн онцлох үйл явдал болон энэ долоо хоногт анхаарах зүйлсийн талаар багцлан хүргэж байна.

📊 Аль компанийн хувьцааг бус аль УЛСЫН компанийн хувьцааг гэж шинжих нь.

АНУ-ын “Stern” их сургуулийн зүгээс 177 улсын хөрөнгө оруулалтын орчны эрсдэлийн зэргийг тогтоож, жагсаасан байна. Ингэхдээ тухайн улсын засаг захиргааны тогтвортой байдал, эдийн засгийн бүтэц болон хууль эрх зүйн орчны олон хүчин зүйлүүдийг харгалзан үзжээ.

Тооцооллын үр дүнд манай улсын хөрөнгө оруулалтын орчны эрсдэл 9.9 хувь гарсан бол БНХАУ, ОХУ-ын хувьд 1.1 болон 18.2 хувь тус тус байна.

Хөрөнгө оруулалт хийхэд хамгийн таатай орноор АНУ шалгарсан байгаа бол Сингапур мөн тус ангилалд багтжээ.

Хувийн санхүүгээ эргэн харж, хөрөнгө оруулалтын багцаа төрөлжүүлэхээр сонирхож байвал Апексаар дамжуулан АНУ-ын компанийн хувьцаануудыг хүссэн хэмжээгээр авах боломжтой шүү🙋‍♂️

🇦🇷 Аргентины төв банк бодлогын хүүгээ 133% хүртэл өсгөлөө.


Аргентины төв банк эдийн засгийн хямрал гүнзгийрсэн мөн инфляцын мэдээлэл таамаглаж байснаас муу гарсан тул өнгөрсөн пүрэв гарагт бодлогын хүүгээ 118%-иас 133% болгон өсгөв. Аргентин 2020 оноос хойш инфляцтай эрчимтэй тэмцэж байгаа бөгөөд 2020 оны 9-р сард 36.6% байсан инфляц 2023 оны 9-р сар гэхэд 138%-д хүрчээ. Төв банкны шинжээчдийн дунд явуулсан санал асуулгаар инфляц оны төгсгөлд 180%-иас дээш байна гэж таамаглаж байна.

“2024 оны Улсын төсөв өмнөх оноосоо 5 их наяд төгрөгөөр тэлж, 2.1 их наядын алдагдалтай байхаар байна.”

2024 онд Монгол Улсын Ерөнхий сайд 600 тэрбум төгрөгийн орлого төвлөрүүлж, 330 тэрбумыг зарцуулахаар байна. Тодруулбал урсгал зардалд 279 тэрбум төгрөг, хөрөнгийн зардалд 50.7 тэрбум төгрөг зориулахаар төлөвлөжээ.

Соёлын сайдад ирэх онд 402.4 тэрбум төгрөг захиран зарцуулах эрх олгосон байгаа нь олон нийтийн шүүмжлэлийг дагуулж буй. Учир нь эрчим хүчний асуудал нэн тулгамдаж байхад энэ салбараас илүү давсан төсвийг соёлын салбарт зориулах нь цагаа олсон алхам мөн эсэхэд иргэд эргэлзсээр. Хүйтэн сэрүүний цаг дөхөх тусам өвлийг өнтэй давж чадах болов уу гэх айдас иргэдэд төрдөг болсоор хэдэн жил болж байна.


Нийслэлийнхэн тоггүй, дулаангүй болох эрсдэл оршин байсаар байгаа энэ үед Эрчим хүчний сайд ирэх онд 359.8 тэрбум төгрөгийг захиран зарцуулна.

Уолт Дисней цахилгаан машин цэнэглэх үед удаан хүлээх цагийг арилгах шинэлэг шийдлийг санал болгов. Тэд "энтертайнмент под" буюу гарааж доторх концепцийг патентлуулсан бөгөөд тэдгээр нь паркийн тоглоом дээр суусан мэт мэдрэмж тѳрүүлж, зорчигчид гарааж доторх дэлгэцээр дамжуулан гайхалтай зугаа цэнгэлийг мэдрэх юм.

Эдгээр гарааж нь машиныг цэнэглэх боломжтой ба автомашины цэнэглэлтийг илүү тааламжтай болгох зорилготой боловч Дисней компани өөрсдийн ажлын байранд уламжлалт цэнэглэгчийг санал болгож байгаа юм. Одоогоор патентлагдсан системийг бодитоор хэрэгжүүлэх эсэх нь тодорхойгүй байна.

Бондын эргэн тойронд

Монгол Улсад хэрэгжиж буй барилгын хамгийн том төсөл, цаг хугацааг хэмнэх оновчтой дэд бүтэц бүхий Мишээл сити төслийн “Мишээл Бонд”-ийн бид энэ 7 хоногт танд танилцуулж байна. Жилийн 20 хувийн ѳгѳѳжтэй, 12 сарын хугацаатай, сар тутам хүүгийн тѳлѳлттэй.

Хэрэв та дэлгэрэнгүй мэдээлэл авахыг хүсвэл доорх товч дээр дарж холбогдох мэдээллээ бүртгүүлнэ үү.

Хэрэв та тогтмол ѳгѳѳжтэй бондын мэдээлэл авахыг хүсвэл доорх товч дээр дарж холбогдох мэдээллээ үлдээнэ үү. Баярлалаа.