Хөрөнгийн зах зээлийн эргэн тойронд №28

💫 Шинэ өдрийн мэнд,

📥 Апекс Капиталын зүгээс харилцагч та бүхэндээ өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

Системийн нөлөө бүхий банкнууд “ХК” болсноор хөрөнгө оруулагч нартаа 2023 оны цэвэр ашгаас нийт ₮476 тэрбумын ноогдол ашиг тараажээ. Гадаад худалдааны тэнцвэр ашигтай байгаа нь төгрөгийн худалдан авах чадварт эерэг нөлөө үзүүлж улмаар хадгаламжийн хэмжээ нэмэгдсээр. Мөн цаашлаад энэ нь банкны зээлийн эх үүсвэрийг арвижуулж байна.  

• Төгрөгийн ханш ам.долларын эсрэг - оны эхнээс 1% чангарч ₮3,381 болжээ (Монголбанк)

• ААН болон иргэдийн хадгаламж - ₮21.58 их наяд буюу өнгөрсөн оны мөн үеэс 18.83%, өмнөх улирлаас 2.19% нэмэгдсэн байна. (Монголбанк)

Салбарын онцлох тоонууд /YoY, QoQ/:

• Банкнуудын нийт актив - ₮54.98 их наяд /18.49%,  -3.66%/

• ААН болон иргэдэд олгосон зээл - ₮28.37 их наяд /25.81%,  6.39%/

💸 Ашигт ажиллагаа

🏧 Цэвэр ашгийн хэмжээгээр Хаан банк 135.9 тэрбумаар тэргүүлж байна. Харин өсөлтийн хувиар Голомт банк 156%-иар тэргүүлжээ. Дэлгэрэнгүй унших бол ЭНД дараарай

🏦 Бодлогын хүү ба Монгол банкны байр суурь

Өнгөрсөн долоо хоногт Монголбанкны ээлжит хурал зохион байгуулагдаж, бодлогын хүүг 1 нэгж хувиар бууруулах шийдвэр гарсан. Тэгвэл уг шийдвэрийн үндэслэл, эдийн засгийн цаашдын төлөв хэрхэх талаар Монголбанкны зүгээс:

Түүнчлэн гадаад эрэлт таатай, экспорт өндөр байгаа нь валютын цэвэр орох урсгалыг дэмжиж, үүний үр дүнд гадаад валютын албан нөөц өсөж, төгрөгийн гадаад валюттай харьцах ханш тогтвортой байгаа тухай дурдсан юм.

🇲🇳 2026 он хүртэл том дүнтэй зээлийн төлөлт хийхгүй 😮‍💨 

Манай улсын хувьд өнгөрсөн 2 жилд гадаад өрийн том дүнтэй эргэн төлөлтүүд давхцаж, яахын аргагүй томоохон сорилттой тулсан жилүүдийг үдсэн. 2021-2023 онд нийт өрнөөс:

• Үндсэн төлбөрт ₮10.6 их наяд

• Хүүгийн төлбөрт ₮2.6 их наяд буюу нийт ₮13.3 их наяд төгрөгийг 2 жилийн хугацаанд төлсөн байна.

Хамгийн сүүлд Монголбанк нь Хятадын ардын банктай байгуулсан үндэсний мөнгөн тэмдэгт солилцох своп хэлцлийн гэрээний хүрээнд 2011-2016 оны хооронд ашигласан хэлцлийн дүнгээс 1.5 тэрбум юань буюу 210 сая ам.долларын төлөлтийг өнгөрсөн 12-р сард, 1 тэрбум юанийн төлбөрийг энэ оны 4 сарын эхээр төлж барагдуулсан байна.

Засгийн газраас гадаад өрийн стратегийн хүрээнд эргэн төлөлтийн ачаалал цаг хугацааны хувьд давхцахгүй байх, дахин санхүүжилтийн нөхцөл нэмж муудахгүй байхад анхаарсан. Иймдээ ч гадаад өрийн том дүнтэй эргэн төлөлт богино хугацаандаа байхгүй гэдэг нь төлбөрийн тэнцэл, гадаад валютын нөөцөд ирэх дарамт бага гэсэн үг юм.

🌏️ Азийн хөгжлийн банкны тайлан

АХБ 2023 оны үйл ажиллагааны тайлангаа "Тогтвортой хөгжлийн төлөө уур амьсгалын үйл ажиллагааг эрчимжүүлэх нь" сэдвээр танилцуулж, 2023 он түүхэн дэх хамгийн дулаан жилээр бүртгэгдэж байгалийн гамшигт үзэгдэл Ази, Номхон далайн бүсийн 40 сая хүнд шууд нөлөөлснийг тайландаа онцоллоо.

Өнгөрсөн онд тус банк зээл, буцалтгүй тусламж, батлан даалт, хувьцааны хөрөнгө оруулалт, техникийн туслалцаагаар дамжуулан нийт 23.6 тэрбум ам.долларын санхүүжилт олгосон байна.

Харин уур амьсгалын чиглэлд 9.8 тэрбум ам.долларын санхүүжилт олгосон нь 2022 онтой харьцуулахад 46% нэмэгдэж улмаар хамгийн өндөр дүн болж байгаа юм.

AХБ Монголд, 2023 онд 409.2 сая ам.долларын санхүүжилт хийсэн бөгөөд үүнээс 47.9 сая нь хувийн хэвшлийн үйл ажиллагаанд чиглэж, нийт дүнгээс уур амьсгалын санхүүжилтэд 109.1 сая ам.доллар олгосноо тайлагнасан байна.

🎉 Бондын хугацаагаа та өөрөө сонго

“Шаталсан бонд” буюу хугацаа болон өгөөжийн сонголттой бондын захиалга эхэллээ. Та өөрийн хэрэгцээнд тааруулан 1-18 сар хүртэлх хугацааны бондод хөрөнгө оруулах боломжтой боллоо.