🤖 Хөрөнгийн зах зээлийн эргэн тойронд №29

💫 Шинэ өдрийн мэнд,

📥 Апекс Капиталын зүгээс харилцагч та бүхэндээ өнгөрсөн 7 хоногт болж өнгөрсөн онцлох үйл явдал болон энэ 7 хоногт анхаарах зүйлсийн талаар багцлан хүргэж байна.

Өнгөрсөн Лхагва гарагт Nvidia компанийн улирлын тайлан гарсан ба AI-тай холбоотой орлого шинжээчдийн хүлээлтээс дээгүүр гарснаар хувьцааны ханш 7% өссөн. 



Өсөлт (QoQ, YoY) :


• Борлуулалт - $26.04 тэрбум, 18%, 262%

• Цэвэр ашиг - $14.88 тэрбум, 24%, 628%


• Дата төвийн орлого - $22.6 тэрбум, 23%, 427% 



Яагаад, Дата төвийн өсөлтөд Хоппер платформ дээр хиймэл оюун ухааны сургалт, дүгнэлт гаргах эрэлт өдрөөс өдөрт өсөн нэмэгдэж байгаа нь нөлөөлсөн гэж мэдэгджээ. 


Ирэх улиралд, Борлуулалт - $28 тэрбум буюу үүнээс нэмэх хасах 2% байна гэж тооцоолжээ. Харин шинжээчид тэдний борлуулалтыг $26.61 тэрбум, нэгж хувьцааны ашгийг $5.95 гэсэн
таамгийг дэвшүүлээд байна. 



Ашигт ажиллагаа / Nvidia, Секторын дундаж:



• Ашгийн маржин - 75.26%, 49.67%


• Цэвэр ашгийн маржин - 53.4%, 2.67%


Харьцаа үзүүлэлт :


• ROE - 115.66%, 3.8%


• ROA - 55.27%, 1.56%

• P/E - 62.33, 31.11/ TTM

• P/B - 53.34, 3.17 / TTM

Үүнээс харвал компанийн ашигт ажиллагаа секторын дунджаас харьцангуй өндөр байна. Гэвч санхүүгийн үнэлгээнд ашиглагддаг харьцаа үзүүлэлтүүд нь секторын дунджаас харьцангуй үнэтэй арилжаалагдаж байгааг илэрхийлсээр…

🚀 Зэсийн үнэ тэнгэрт, өнгөрсөн 7 хоногийн Лхагва гарагт Лондонгийн бирж дээр зэсийн фьютерс 4 орчим хувиар өсөж түүхэн дээд буюу $11,000 хүрчээ.



😮 Хар жагсаалтаас гарах 30 хоног, Монгол банкны ерөнхийлөгч 2024 оны 6-р сарын 2-ны өдрийг хүртэл өр төлбөрөө бүрэн барагдуулсан этгээдүүдийн зээлийн мэдээллийг шинэчлэх буюу хар жагсаалтаас гаргах нь ээ.



🤔 АНУ бодлогын хүүгээ бууруулж чадахгүй л байна Хөрөнгө оруулагчдын хамгийн их хүлээлттэй байдаг мэдээ бол яахын аргагүй ХНС-ын хүүгийн мэдээ. Хэдий АНУ-ын инфляц өнгөрсөн жилээс буурсан ч зорилтот түвшин буюу 2% хүрч чадахгүй байсаар. 2024 он гарсаар инфляц хамгийн багадаа 3.1%-д хүрсэн бол сүүлийн сард 3.4% байв.



🇲🇳 Уул уурхайн биржийн өдөрлөг Бээжинд, уул уурхайн биржийн зах зээлийг сурталчлах, санал солилцох арга хэмжээ Бээжинд хотод амжилттай зохион байгуулагдлаа. Уг арга хэмжээнд зохицуулагч байгууллагууд болон Апекс Капитал ҮЦК тэргүүтэй 6 үнэт цаасны компани болон 100 гаруй худалдан авагч байгууллагууд оролцжээ.

УУБ 2023 оны 1-р сараас хойш нийт:

• Нүүрс - 26.2 сая тонн

• Төмрийн хүдэр, баяжмал - 1.3 сая тонн

• Зэсийн баяжмал - 3,000 тонн

Нийт - ₮12.5 их наядын арилжаалаад байгаа ба худалдагч талууд ₮1.06 их наядын нэмэлд орлого олжээ.

Бодлогын хүү, Төв банкнаас арилжаалж буй хамгийн богино хугацаатай үнэт цаасны хүүг бодлогын хүү гэнэ. Бодлогын хүү нь төв банкнаас бусад банкнуудад санал болгож буй эрсдэлгүй хүү тул банкнууд үүнийг бусад санхүүгийн хэрэгслүүдтэй харьцуулах замаар шийдвэрээ гаргадаг. 


Бодлогын хүү нэмэгдэх буюу мөнгөний хатуу бодлого нь инфляцыг бууруулах, зээлийн өсөлтийг бууруулж зохистой төвшинд байлгах зорилготой байдаг. 



Бодлогын хүү буурах буюу зөөлөн бодлого нь зээлийн хэмжээг нэмэгдүүлэн мөнгөний үнэ цэнийг хямруулдаг. Ингэснээр ААН болон иргэд зээл авах нь нэмэгдэж эдийн засаг сайжрах онолтой билээ.

🎉 Бондын хугацаагаа та өөрөө сонго

“Шаталсан бонд” буюу хугацаа болон өгөөжийн сонголттой бондын захиалга эхэллээ. Та өөрийн хэрэгцээнд тааруулан 1-18 сар хүртэлх хугацааны бондод хөрөнгө оруулах боломжтой боллоо.