🥇 Шилдгүүдийн улирлын тайлан 2/2

Улирлын тайлангийн хураангуй 2/2

Өнгөрсөн 7 хоногт Meta, Tesla, PayPal зэрэг компаниудын улирлын тайланг хураангуйлан хүргэсэн бол энэхүү мэйлд дараах компаниудын чухал үзүүлэлтүүдийг багтаасан болно: Intel, Alphabet, Amazon болон AMD

📲 “Амазон”-ын тайлан

Амазон $143.31 тэрбумын орлого олж, нэгж хувьцаанд $0.98 ашигтай ажилласан нь  FactSet-ийн судалгаанд хамрагдсан шинжээчдийн $142.7 тэрбумын орлого, нэгж хувьцаанд $0.84 ашигтай ажиллана гэсэн таамгаас давсан байна.

🔎Орлого нэмэгдсэн шалтгаан:

Amazon Web Services буюу үүлэн системийн орлого нь 17%-иар нэмэгдэн $25 тэрбум болсон. Шинжээчд AWS-ийн орлогыг 14.7%-иар өснө гэж таамаглаж байсан ч орлоно үүнээс давж байгаа нь өдрөөс өдөрт эрэлт нэмэгдэж байгаа хиймэл оюун ухааны салбартай холбоотой юм. Хойд Америкийн сегментийн борлуулалт жилийн өмнөхөөс 12%-иар өсч $86.3 тэрбумд хүрсэн байна.

Цаашид хэрхэх вэ?

• Шинжээчид Amazon-ийн ирээдүйн өсөлтийг өөдрөгөөр харж байгаа бөгөөд ирэх хоёр жилийн хугацаанд нэгж хувьцаанд ногдох ашиг (EPS) болон орлогын аль алинд нь хүчтэй өсөх таамаглалыг дэвшүүлж байна.

• Шинжээчдийн таамаглаж буйгаар энэ жил болон ирэх онд EPS-ийн жилийн өсөлт 43.7%-д хүрч, нэгж хувьцаанд тус бүр $4.17 болон $5.31-т хүрнэ.

• Орлого энэ оны эцэс гэхэд $641.5 тэрбумд хүрч, 2025 оны эцэс гэхэд $714.6 тэрбум хүрч, жилийн дундаж өсөлт 11%-иар байх төлөвтэй байна.

🤖 “ADM” шинжээчдийн таамаглалаас хол зөрсөнгүй.

50 гаруй жилийн турш өндөр хүчин чадалтай тооцоолол, график, дүрслэл технологийн салбарт инновацыг хөгжүүлсээр ирсэн AMD санхүүгийн 1-р улирлын тайлангаа гаргалаа. 

📔 Санхүүгийн голлох үзүүлэлтүүд:

• Орлого - $5.47 тэрбумын борлуулалт хийж өмнөх оны мөн үеэс 2% өссөн.

• Цэвэр ашиг - $1.03 тэрбум буюу 4% өссөн байна.

Орлого хэрхэн бүрдэв:

1. Дата төвийн орлого $2.3 тэрбум

2. Харилцагч $1.4 тэрбум

3. Тоглоом $922 сая

4. Үйлдвэрлэл $846 сая

🥊 Өрсөлдөөнд хэн тэргүүлж байгаа вэ?
AMD-н MI300 чипүүд нь Nvidia (NVDA)-ийн хамгийн их борлуулалттай H100 чиптэй өрсөлдөх зорилготой боловч Nvidia 3-р сард болсон GTC бага хурлын үеэр Blackwell платформ болох H100-ийн сайжруулсан хувилбарыг олон нийтэд зарласан байна. Nvidia зах зээл дээр тэргүүлэгч байр сууриа хадгалсаар байгаа бол AMD удаах байранд явж байна.

📉 Хувьцааны үнэ буурсаар
2024 оны эхний улирлын тайлан шинжээчдийн таамаглалаас бага зэргийн сайн гарсан ч хувьцааны ханш энэ 7 хоногт (-8.9%) унасан хөрөнгө оруулагчид тус компанийн үнэлгээг хэтэрхий хөөсрөлтэй байгаа гэж үзэж байгаатай холбон тайлбарлаж байна

🌸 Alphabet /Google/-н салбар бизнес цэцэглэж байна.

Компанийн эхний улирлын тайлан хүлээлтээс давж EPS үзүүлэлт $1.89 гарчээ. Үүнд санхүүгийн гол эх үүсвэр болох хайлтын систем дээрх сурталчилгааны орлого 14.4% өссөн нь голлон нөлөөлсөн байна.

Түүнчлэн Google cloud-аас олох орлого нэмэгдэж өмнөх жилийн мөн үеэс 28.4% өссөн аж. 2 жилийн өмнө гэхэд тус үйлчилгээ алдагдал авчирч байсан бол одоогоор 5 гол эх үүсвэрээс орлого олж байна.

🤫 Intel шинжээчдийн хүлээлтэд хүрсэнгүй.

Компани өнгөрсөн долоо хоногт эхний улирлын тайлангаа танилцуулсан бөгөөд борлуулалтын орлого $12.7 тэрбумд хүрсэн байна. Энэ нь өмнөх оны мөн үеэс 9% өссөн үзүүлэлт болсон. Гэвч EPS үзүүлэлт төсөөлж байснаас муу буюу нэгж хувьцаанд $0.09-ын алдагдалтай ажиллажээ.

Үйлдвэрлэж буй бүтээгдэхүүний өртгөө өмнөх жилийн үетэй харьцуулахад бууруулж чадаж байгаа боловч үндсэн үйл ажиллагааны зардал болон хүүгийн зардал нэмэгдсэн нь алдагдалтай ажиллахад нөлөөлсөн аж.

🧐 2024 оны хүлээлт
Intel-н удирдлагын багийн зүгээс үлдсэн гурван улиралд борлуулалтын орлогыг өсгөсөөр байх боломжтой гэж мэдэгдсэн бөгөөд хөрөнгө оруулагчдын дунд эсрэг байр суурь олон байна.

Компанийн борлуулалтын 27% нь БНХАУ-аас бий болдог бөгөөд тус улсын цаашдын бие даасан байх бодлого нь Intel-н борлуулалтыг бууруулж магадгүй байгаа юм.

Хувьцааны ханш 2024 он гарснаас хойш 36.4% унаад байгаа бөгөөд 2023 оны борлуулалтын орлого нь 2014 оны орлогоос бага байсан болохыг анхаарах нь зүйтэй. Борлуулалтын өсөлт буурах болсон нь Dell Lenovo, HP зэрэг компаниудын үйлдвэрлэл буурсантай холбоотой бөгөөд Lenovo компанийн компьютер үйлдвэрлэл 2023 онд 13.5% буурсан байна.