🐣 Баяншувуу болон НВЦ Трейдинг

Харилцагч танд энэ өдрийн мэнд хүргэе, 📥

“Апекс Капитал ҮЦК”-ийн зүгээс бонд эзэмшигч харилцагч нарын хөрөнгө оруулсан компанийн мэдээ мэдээллийг цаг алдалгүй хүргэхийг зорин ажилладаг билээ. Энэ удаад бид Баяншувуу болон НВЦ Трейдинг компаниудын 2024 оны эхний хагас жилд хэрхэн ажилласан мөн ирээдүйн үйл ажиллагааны төлөвлөгөөний талаар бэлтгэн хүргэж байна.

🐣 БАЯНШУВУУ ХХК

Улаанбаатар хотоос 65км зайд байрлах Баяншувуу ХХК нь 2024 оны 2-р улирлын байдлаар нийт 210 ажилтан, 500,000 өндөглөгч шувуу болон 200,000 дэгдээхэйтэй үйл ажиллагаагаа явуулж байна.

✨ Эхний хагас жилд тэд:

• Нийт 84 сая ширхэг өндөг үйлдвэрлэсэн.

• Өдөрт 60-90 тонн буюу шаардлагатай бүх тэжээлийг буюу 11,700 тонн тэжээл өөрсдөө үйлдвэрлэж байна.

• Дэгдээхэй насны 110,000 шувуу нас дэвшиж өндөглөгч болсон.

🏗️ Ослын дараах сэргээн босголт

• Галын осолд өртсөн өндөглөгч шувууны 1, 2, 3-р байруудыг нурааж, суурийг нь цэвэрлэж байгаа ба эдгээр байруудыг 2024 оны 4-р улиралд ашиглалтад оруулахаар төлөвлөн ажиллаж байна.

• Компани хувь нийлүүлсэн хөрөнгөө ₮17 тэрбумаар нэмэгдүүлсэн бөгөөд энэхүү хөрөнгөө сэргээн босголтод зарцуулах юм.

• Шинээр барьж буй өндөглөгч шувууны 9-12 байрны бетон суурийн ажил хийгдэж байгаа ба 2025 оны 2-р улиралд ашиглалтад орох төлөвлөгөөтэй байна.

• Ахин галын аюул гарахаас сэргийлж бүх байрнуудын хоорондох хоолойг нарийсгаж, 2025 оноос эхлэн даатгуулахаар болжээ.

  

📖 Ашигт ажиллагаа

Баяншувуу нь 2024 оны эхний хагас жилд 83 сая ширхэг өндөг борлуулсан ба нийт ₮27.25 тэрбумын орлоготой ажилласан нь өмнөх оны мөн үеэс 256.38% өссөн үзүүлэлт юм. Мөн тэд ₮3.28 тэрбумын цэвэр ашигтай ажилласан нь өмнөх оны мөн үеэс 96 дахин өссөн үзүүлэлт юм.

🥚 Ирээдүй 

2024 онд компани нийт 210 сая ширхэг өндөг борлуулж, ₮4.2 тэрбумын цэвэр ашигтай ажиллах төсөөлөлтэй байсан бол галын ослын дараагаар энэхүү төсөөлөл буурч, борлуулах өндөг 167 сая болжээ.

Хэдий ашигт ажиллагааны төлөвлөгөө 2024 онд буурсан ч ирэх жил шатсан байрнууд болон шинээр баригдаж буй байрнуудыг ашиглалтад оруулснаар 2025 онд нийт 307 сая ширхэг өндөг борлуулах, ₮111 тэрбумын орлого олох төсөөллийг гаргажээ.

НВЦ ТРЕЙДИНГ

НВЦ трейдинг нь Баяншувуу ХХК-аас өдөрт 400,000 өндөг татан авч өөрийн 900 харилцагчаар дамжуулан 21 аймгийн 3000 цэгт хүрч, борлуулалт хийдэг. Өдгөө тэд  дотоодын өндөгний нийлүүлэлтийн 53%-ийг дангаар хангаж байна.

Эхний хагас жилийн онцлох нь

• ERP систем тохируулга: 100% урьдчилсан захиалгын систем рүү шилжих өөрчлөлтийг Smart Logic программын тусламжтайгаар хийж байгаа. 2024 онд онлайн захиалга эхэлнэ.

• Агуулах шинэчлэл: Барааг стандартын горимын түвшинд хадгалах, хураах, ачих системийг автоматжуулж байна.

• Борлуулалтын шинэ суваг: Онлайн борлуулалт, харилцагчийн логог оруулсан борлуулалт зэрэг шинэ чиглэлүүдийг эхлүүлж байна. Харилцагчийн урамшууллын системийг шинэчилсэн.

• Шинэ бүтээгдэхүүн: Хэрэглэгчийн судалгаа дээр үндэслэн Том өндөг шинэ бүтээгдэхүүн, Өсөх үр зэрэг шинэ брендийг үүсгэж байна.

📖 Ашигт ажиллагаа

2024 оны эхний хагас жилд тэд ₮37.8 тэрбумын борлуулалт хийсэн ба энэ нь өмнөх оны мөн үеэс 15.95%-иар өссөн үзүүлэл юм. Түүнчлэн ₮5 тэрбумын цэвэр ашигтай ажилласан нь өмнөх оны мөн үеэс 85.18%-ийн өсөлт байна.

2024 онд нийт ₮77 тэрбумын борлуулалт хийж ₮9.8 тэрбумын цэвэр ашигтай ажиллах төлөвлөгөөтэй байна.

2025 оноос эхлэн Баяншувуу бүрэн хүчин чадлаар ажиллах тул тэд борлуулалтын орлогын хүлээлтийг ₮144.24 тэрбум, цэвэр ашгийг ₮19.81 тэрбум болгоод байна.

 АПЕКС КАПИТАЛ ҮЦК

Компанийн өрийн хэрэгсэл нь мэргэжлийн Андеррайтерийн компаниар дамжин хөрөнгө оруулагчдад санал болгогдох бөгөөд үүнд 2-3 сарын судалгаа, дүгнэлт шаардлагатай. Түүнчлэн эрх бүхий этгээдийн зөвшөөрлөөр үнэт цаас нь хүчин төгөлдөр болж байдаг зохицуулалттай. Андеррайтерийн Апекс капитал ҮЦК-ийн зүгээс хөрөнгө оруулагчдад тогтмол мэдээлэл хүргэх зорилгоор төсөл, хөтөлбөр болон бондын зарцуулалтын мэдээг ийнхүү хүргэж байна.

Баяншувуу болон НВЦ Трейдинг компаниудын бондод та одоо ч хөрөнгө оруулах боломжтой.