Гадаад зах зээлийн судалгаа №16

Гадаад зах зээлийн судалгааны 16-р дугаарт Adobe Inc.-ийг онцоллоо. Хэрэгтэй нэгэнд нь www.apex.mn сайтыг санал болгож и-мэйлээ бүртгүүлэхийг зөвлөөрэй. Sharing is caring  👏 

Компанийн тухай

Adobe Inc. нь дэлхий даяар төрөлжсөн программ хангамжийн чиглэлээр үйл ажиллагаагаа явуулдаг. Үндсэн үйл ажиллагаа нь дижитал медиа, хэвлэн нийтлэх, зар сурталчилгаа гэсэн гурван сегментээр ажилладаг.

🤖 | Хиймэл оюун ухаанд суурилсан ирээдүй

Компани сүүлийн жилүүдэд бүтээгдэхүүн, үйлчилгээндээ хиймэл оюун ухааныг ашиглаж, оруулах болсон нь компанийн үзүүлэлтүүдэд эерэг нөлөөлөл үзүүлнэ хэмээн харж байна. Тухайлбал хамгийн сүүлд Adobe Firefly AI загварыг танилцуулсан бөгөөд өнгөрсөн нэг жилийн хугацаанд 9 тэрбум гаруй зураг бүтээсэн байна. Мөн Photoshop, Illustrator, Lightroom, Premiere зэрэг гол бүтээгдэхүүнүүддээ Firefly AI-ийг оруулж өгчээ.

🚀 | Шинэ бүтээгдэхүүний зах зээл дэх нэвтрэлт

Хамгийн сүүлд Adobe Firefly AI загварыг танилцуулсан бөгөөд өнгөрсөн нэг жилийн хугацаанд 9 тэрбум гаруй зураг бүтээсэн байна. Мөн Photoshop, Illustrator, Lightroom, Premiere зэрэг гол бүтээгдэхүүнүүддээ Firefly AI-ийг оруулж өгчээ.

🪴 | Борлуулалт болон цэвэр ашгийн өсөлт

Компанийн 2-р улирлын тайлан өнгөрсөн 7 хоногт гарч борлуулалт болон цэвэр ашиг шинжээчдийн таамгийг давсан байна. Борлуулалт өнгөрсөн оны мөн үеэс 10%-иар цэвэр ашиг 21%-иар тус тус өссөн байна. Уг өсөлтөд зарим бүтээгдэхүүн үйлчилгээг үнэ төлбөргүй байсныг төлбөртэй болгосон нь нөлөөлжээ.

Эрүүл санхүүгийн үзүүлэлт

• Нийт хөрөнгө болон борлуулалт 2018 оноос хойш тасралтгүй өссөн.

• Өр болон өөрийн хөрөнгийн харьцаа сүүлийн 5 жилийн хугацаанд 41.7%-иас 37.9% болж буурсан.

• Хүүгийн орлого нь зардлаасаа өндөр тул хүүгийн төлбөрийн дарамтгүй байна.

• Сүүлийн 3 жилд эерэг мөнгөн урсгалтай ажилласан.

Өндөр ашигт ажиллагаа

Ашигт ажиллагааны үзүүлэлтүүд болох ROE, цэвэр ашгийн маржин зэрэг үзүүлэлтээр салбарын ижил төстэй үйл ажиллагаа явуулж буй өндөр үнэлгээтэй компаниудыг бүгдийг нь тэргүүлж байна. Дээрх үзүүлэлтээс гадна EBIT маржин, ROA үзүүлэлтүүдээр мөн хамгийн өндөр нь гарчээ.

Үнэ ашгийн харьцаа /PE ratio/ 46.97 той байгаа нь Salesforce компанийн ард бичигдэж байна. Харин үнэ дансны үнийн харьцаа /PB ratio/ харьцангуй өндөр байгаа нь тааруу үзүүлэлт юм.

Шинжээчид үнийн таамаглалыг өсгөлөө
2024 оны 2-р улирлын тайлан сайн гарсны дараагаар шинжээчид үнийн таамаглалыг дараах байдлаар өөрчлөв.

Улирлын тайлан гарсны дараа ханш 16%-ийн өсөлт үзүүлэн хүчтэй тааз ханшийг эвдэн гарлаа. Одоогийн чарт дээр 500$-520$ орчим бүс нь хүчтэй дэмжлэгийн бүс болж байгаа бөгөөд эндээс дэмжлэг аван өсөлт үзүүлэх боломжтой ханш нь 630$ хүртэл өсөх боломжтой бол 2024 оны жилийн эцсийн тайлан сайн гарвал Fibo 1.618 цэг буюу 762$ хүртэл өсөх боломжтой харагдаж байна.

АМ.ДОЛЛАРЫН ХӨРӨНГӨ ОРУУЛАЛТ

• Хэрэв та энэхүү хувьцааг авах бол [email protected] хаягаар холбогдож гадаад арилжаанд оролцох заавар аваарай.

• Эрсэл багатай өндөр өгөөжтэй ам.долларын бонд захиалга авах бол байна ЭНД дараарай.

АНХААРАЛД!!!

Уг и-мэйл нь мэдээллийн шинж чанартай бөгөөд хөрөнгө оруулалтын эцсийн шийдвэрийг харилцагч өөрөө гаргах бөгөөд аливаа хөрөнгө оруулалт нь тодорхой эрсдэлийг өөртөө агуулж байдаг тул алдагдал хүлээх боломжтой.

Дээрх судалгааг бэлтгэхдээ тухайн цаг үеийн хамгийн сүүлийн үеийн мэдээллүүдийг агуулахыг зорьсон бөгөөд гуравдагч талын мэдээллийн үнэн зөв байдалд 100 хувь баталгаа өгч чадахгүй. Хөрөнгө оруулагч тус бүрийн эрсдэлд хандах байдал өөр тул аливаа шийдвэрийг гаргахдаа нэмэлт судалгаа шинжилгээ, зөвлөмж авахыг харилцагч танд санал болгож байна. Энэхүү судалгаанд дурдсан таамаглалаас үүдэн гарах аливаа эрсдэлийг шинжээч болон компани хариуцахгүй болно.