🌆 Мега барилгын төсөл ашиглалтад ороход ойрхон байна

Танд энэ ѳдрийн мэндийг хүргэе!

Та бидний сайн мэдэх байршил буюу Хан-уул дүүргийн нутаг дэвсгэрт орон сууц, оффис тауэр болон хүний хэрэгцээг бүрэн хангах үйлчилгээний зориулалт бүхий цэгүүдийг багтаасан Мега барилгын төсөл “Мишээл Сити” бүрэн ашиглалтад ороход ойрхон байна. 

Өнөө цагт Монгол Улсад хэрэгжиж буй барилгын хамгийн том төсөл, цаг хугацааг хэмнэх оновчтой дэд бүтэц бүхий Мишээл сити төслийн гүйцэтгэлийн талаар мэдээллийг хүргэж байна.

Апекс капитал ҮЦК ХХК нь Биржийн бус зах зээлд Мишээл резидэнс бизнес зэрэглэлийн орон сууцны барилгын ажлын санхүүжилтэд хамтран ажилласан ба хөрөнгө оруулагчид зах зээлийн дунджаас өндөр өгөөжийг хүртэхээс гадна үндэсний бүтээн байгуулалтыг санхүүжүүлж буй үнэ цэнийг авсаар байна.

Мишээл резидэнс

Төслийн хүрээнд нийт 433 айлын орон сууц, Мишээл Резидэнс төсөл нь ая тухтай амьдралын баталгаа өгч, туул голын эрэг дагуу эко парк, Мишээл тавилгын их дэлгүүрийн дээвэр дээрх олон улсын стандартын гүйлтийн зам, хүүхдийн тоглоомын ертөнцөөр хүрээлүүлэн бүтээн байгуулагдаж буй юм.

Орон сууц нь 5 блокоос бүрдэх ба тус бүрийн явц 77-оос дээш хувийн гүйцэтгэлтэй байна.

Тус орон сууцны каркас угсралт, гадна дотор хана дүүргэлтийн ажлууд 100 хувь дууссан бөгөөд одоо цахилгаан шат угсралт, гадна фасад угсралтын ажилбарууд хийгдэж буй юм.

Мишээл резидэнс нь Мишээл сити Мега төслийн нэгэн хэсэг ба хүний амьдралын өдөр тутмын хэрэгцээг хангахуйц үйлчилгээ, худалдааны төв, амрах орчин болоод боловсрол эрүүл мэндийн үйлчилгээг авах цэгүүдийг нэг дор цогцлоож буй нь орон сууцны томоохон давуу тал болж байна.

Мишээл лайф стайл

М1 тауэр- Эрүүл мэнд, М2 тауэр- Боловсрол, М3 тауэр- Оффис гэсэн гурван тауэр болон тэдгээрийг холбосон Little venice Их дэлгүүр нийт 42,000 гаруй ашигтай талбай бүхий барилгын төсөл юм.

Төслийн хувьд 4 блокоос бүрдэж буй бөгөөд барилгын явцын гүйцэтгэл 75 хувийн гүйцэтгэлд хүрсэн байна

Төсөл хэрэгжүүлэгчийн зүгээс 2023 оны 12 дугаар сард барилгыг ашиглалтад оруулж, 2024 оны 1 дүгээр сард загварын хот болох venice хотоор сэдэвлэн бүтээж буй Little venice их дэлгүүрийн нээлтээ хийхээр төлөвлөөд байна.

Хөрөнгө оруулалт хийх боломж бий юу?

Мишээл төслийн хөрөнгө оруулагчид буюу бонд эзэмшигчид өнгөрсөн хугацаанд өсөлттэй салбарын өгөөжөөс хүртэж, хөрөнгөө ухаалгаар байршуулаад байна.

Уг төслийн сүүлийн хэсгийн бондын захиалга явагдаж буй тул хамгийн эрсдэл багатай, тогтвортой өгөөж бүхий санхүүгийн бүтээгдэхүүн сонирхож буй харилцагч бүрт нээлттэй.