🎉 Гадаад зах зээлийн судалгаа №14

🎉 Apex Suggests

Гадаад зах зээлийн судалгааны 14-р дугаарыг та бүхэндээ хүргэж байна. 14 хоногийн өмнө санал болгосон Robinhood маань өчигдрийн хаалтын ханшаар $21.09 буюу санал болгосон өдрөөс хойш нийт 18% хувиар өсөөд байна. 👏 

Энэ 7 хоногт бид богино хугацаанд арилжаалах боломжтой хувьцааг хүргэж байна. Үүнд: 

1. Sunrun Inc. - RUN

2. Agelion Health Inc. - AGL

3. Alibaba group holding - BABA

☀️ Sunrun нь орон сууцны буюу хувь хүний хэрэгцээнд нийцүүлэн нарны хавтангийн системийг зохион бүтээх, суурилуулах, засвар үйлчилгээ хийх чиглэлээр мэргэшсэн АНУ-ын компани.

Ашигт ажиллагаа (сүүлийн улирлын тайлан):

Орлого: $458.19 сая буюу өмнөх оны мөн үеэс 22% буурсан.
Үйл ажиллагааны алдагдал: Үндсэн үйл ажиллагаа сүүлийн 10 орчим жил алдагдалтай ажиллаж байгаа ба сүүлийн улиралд $183.122 саяын үйл ажиллагааны алдагдалтай ажилласан. Энэ нь өнгөрсөн оны мөн үеэс 24% буурсан үзүүлэлт юм.

Цэвэр ашиг : $283.15 саяын алдагдалтай ажилласан нь өмнөх оны мөн үеэс 16%-иар буурсан үзүүлэлт юм. Компанийн цэвэр ашиг тогтворгүй буюу зарим жилүүдэд ашигтай, зарим жилүүдэд алдагдалтай ажиллаж байна.

ТЕХНИК ШИНЖИЛГЭЭ

🛒 Alibaba компанийн үндсэн үйл ажиллагаа нь гурван үндсэн сайт болох Taobao, Tmall, Alibaba.com-р дамжуулан цахим худалдааны үйлчилгээ эрхэлдэг.

Компанийн борлуулалтын орлогын бүтэц нь:

🇨🇳 Онлайн худалдаа (48%)
☁️ Үүлэн технологи (11%)
🌍 ОУ-ын дижитал (10%)
🚛 Ложистик (10%)
🏠 Дотоодын үйлчилгээ (6%)
🍿 Дижитал медиа (2%)
Бусад (12%)

Ашигт ажиллагаа (сүүлийн улирлын тайлан):

Орлого: $30.73 тэрбум буюу өмнөх оны мөн үеэс 7% өссөн.
Үйл ажиллагааны орлого: $2.05 тэрбум буюу өмнөх оны мөн үеэс 3% буурсан байна.
Цэвэр ашиг: $453.0 сая буюу өмнөх оны мөн үеэс 96% буурчээ. Үүний гол шалтгаан нь Alibaba-ийн өнгөрсөн улиралд хөрөнгө оруулсан компанийн хувьцааны ханш буурснаас үүдэлтэй байна.

ТЕХНИК ШИНЖИЛГЭЭ

⚕️ Agilon Health Inc. нь АНУ-ын нийгэмлэгүүдээр дамжуулан өндөр настнуудад анхан шатны тусламжийн үйлчилгээ үзүүлдэг байгууллага. Тэд харилцагчдын бүхий л эрүүл мэндийн хэрэгцээг хангах платформыг санал болгодог ба харилцагчид нь сарын хураамж төлж үйлчилгээгээ авдаг байна.

Ашигт ажиллагаа (сүүлийн улирлын тайлан):

Орлого: $1.6 тэрбум буюу өмнөх оны мөн үеэс 52% өссөн.
Үйл ажиллагааны орлого: Хэдий борлуулалт эрс нэмэгдсэн ч үйл ажиллагаатай холбоотой зардлуудыг хассаны дараа $7.2 саяын алдагдалтай байна.
Цэвэр ашиг : Сүүлийн улиралд тэд $6 саяын алдагдалтай ажилласан байна.

АНХААРАЛД!!!

Уг и-мэйл нь мэдээллийн шинж чанартай бөгөөд хөрөнгө оруулалтын эцсийн шийдвэрийг харилцагч өөрөө гаргах бөгөөд аливаа хөрөнгө оруулалт нь тодорхой эрсдэлийг өөртөө агуулж байдаг тул алдагдал хүлээх боломжтой.

Дээрх судалгааг бэлтгэхдээ тухайн цаг үеийн хамгийн сүүлийн үеийн мэдээллүүдийг агуулахыг зорьсон бөгөөд гуравдагч талын мэдээллийн үнэн зөв байдалд 100 хувь баталгаа өгч чадахгүй. Хөрөнгө оруулагч тус бүрийн эрсдэлд хандах байдал өөр тул аливаа шийдвэрийг гаргахдаа нэмэлт судалгаа шинжилгээ, зөвлөмж авахыг харилцагч танд санал болгож байна. Энэхүү судалгаанд дурдсан таамаглалаас үүдэн гарах аливаа эрсдэлийг шинжээч болон компани хариуцахгүй болно.