🏹 Гадаад зах зээлийн судалгаа №13

🎉 Apex Suggests

Гадаад зах зээлийн судалгааны 13-р дугаарыг та бүхэндээ хүргэж байна. Энэ 7 хоногт 2021 онд IPO хийсэн Robinhood компанийг онцоллоо. Бидний өмнө нь санал болгосон бүтээгдэхүүнүүд 2 сарын хугацаанд ямар өсөлт үзүүлснийг харцгаая.

Robinhood Markets Inc. нь АНУ болон Европын орны иргэдэд хувьцаа, ETF, опцион болон криптовалютыг шимтгэлгүй арилжих үйлчилгээ үзүүлэгч байгууллага. Компани анх 2013 онд үүсгэн байгуулагдаж байсан ба 201 онд IPO хийж олон нийтэд өөрсдийн хувьцаагаа санал болгожээ.

💻️📱 Үйлчилгээ:

• Арилжааны платформ: Хувьцаа, ETF, опцион, криптовалютын арилжааг гар утас болон веб дээр суурилсан платформоор хэрэглэгчдээ хангадаг.

• Robinhood Gold: Маржин арилжаа, шуурхай хадгаламж, мэргэжлийн судалгааны тайлан зэрэг нэмэлт үйлчилгээнүүдийг санал болгодог Premium Subscription үйлчилгээ.

• Мөнгөний менежмент: Дебит болон кредит карт, өндөр хүүтэй хадгаламж зэрэг боломжуудтай дансыг(account) санал болгодог.

Орлогын эх үүсвэр:

• Robinhood Gold: Subscription fee буюу премиум хэрэглэгчдээс тогтмол авах хураамж.

• Хураамж: Robinhood debit картаар хийсэн гүйлгээнээс шимтгэл

• Payment for Order Flow (PFOF): орлогын дийлэнх хэсгийг бүрдүүлэгч хэсэг ба арилжааны захиалгыг бирж рүү бус market makers рүү өгч, хариуд нь тэднээс авдаг төлбөр.

• Хүү: Хөрөнгө оруулалт хийгээгүй мөнгөн хадгаламж болон ахиу зээлээс/маржинаас олсон хүүгийн орлого.
  

🤔 Шимтгэлгүй брокерын үйлчилгээ?

Брокерын компани хөрөнгө оруулагчдаас ирсэн захиалгыг хөрөнгийн бирж бус market maker/liquidity providers буюу зах зээл хөдөлгөгч нар луу явуулж, тэднээс төлбөр авдаг үйлчилгээ юм. Иймд Robinhood болон бусад PFOF компаниуд гуравдагч талаас орлого хүлээн авдаг тул хэрэглэгчдэдээ арилжааны шимтгэлгүй хөрөнгө оруулах боломжийг олгодог байна.

📚️ Борлуулалтын орлого 2024 онд $618 саяд хүрч өмнөх улирлаас 31%-иар өссөн бол цэвэр ашиг $157 саяд хүрч 5.2 дахин өсжээ. Гүйлгээнд суурилсан орлого өмнөх оны мөн үетэй харьцуулахад 50%-иар өссөн бөгөөд криптовалютын арилжаа нэмэгдсэн нь голлох нөлөөг үзүүлжээ.

Сүүлийн 2 улирал дараалан ашигтай ажиллаж байгаа нь хөрөнгө оруулагчдын сонирхлыг ихээхэн татаад байгаа юм.

📈💰Компанийн ашгийн үзүүлэлт ижил төстэй үйл ажиллагаа эрхэлдэг компаниудтай харьцуулахад тийм ч өндөр биш байгаа бөгөөд P/E 125.64 тэй байгаа нь бусад компаниудаас өндрөөр үнэлэгдэж байгааг харуулж байна. Гэсэн хэдий ч компанийн сүүлийн жилүүдийн өсөлт онцгой байгаа юм. Тухайлбал борлуулалт болон нийт хөрөнгийн өсөлтөөр бусад компаниудыг тэргүүлж байна.

ТЕХНИК ШИНЖИЛГЭЭ

2022 оны 6 сараас хойш ханш $7-$8 хүчтэй дэмжлэгийн бүсийг 3 удаа ирж шалган $12-$13-ын эсэргүүцлийн бүсийг 2024 оны 2 сарын 24 өдрөөр дээш сэтлэн гарч 20$ хүртэл өсөж сүүлийн 2 жилийн хугацаан дахь хамгийн өндөр ханшийг тогтоон түүнээс хойш $16-$20 долларын завсрын бүсэд арилжаалагдаж байна. Өмнөх эсэргүүцлийн бүс болох $16 орчим нь эргээд ханшийг дээш өгсөх дэмжлэгийн бүс болж өгч байгааг харж байна. 

Бидний таамаглалаар:

• Өсөлт үзүүлэх боломжтой ханш 23$, 28$
    

• Уналт үзүүлэх боломжтой ханш 12$

Мэдээлэл авах

Хэрэв та ам.долларын хөрөнгө оруулалтын талаар мэдээлэл авхыг хүсвэл ЭНД дарж мэдээллээ үлдээгээрэй

Мэдэгдэл

Уг и-мэйл нь мэдээллийн шинж чанартай бөгөөд хөрөнгө оруулалтын эцсийн шийдвэрийг харилцагч өөрөө гаргах бөгөөд аливаа хөрөнгө оруулалт нь тодорхой эрсдэлийг өөртөө агуулж байдаг тул алдагдал хүлээх боломжтой.

Дээрх судалгааг бэлтгэхдээ тухайн цаг үеийн хамгийн сүүлийн үеийн мэдээллүүдийг агуулахыг зорьсон бөгөөд гуравдагч талын мэдээллийн үнэн зөв байдалд 100 хувь баталгаа өгч чадахгүй. Хөрөнгө оруулагч тус бүрийн эрсдэлд хандах байдал өөр тул аливаа шийдвэрийг гаргахдаа нэмэлт судалгаа шинжилгээ, зөвлөмж авахыг харилцагч танд санал болгож байна. Энэхүү судалгаанд дурдсан таамаглалаас үүдэн гарах аливаа эрсдэлийг шинжээч болон компани хариуцахгүй болно.