🛣️ Гадаад зах зээлийн судалгаа №11

Сүүлийн 2 долоо хоногт бид АНУ-ын хөрөнгийн бирж дээр арилжаалагддаг, хөрөнгө оруулагчдын хамгийн их сонирхдог компаниудын 2024 оны эхний тайлангаар мэдээ бэлтгэсэн. Өнөөдөр очих энэхүү мэйл нь улирлын тайлангийн сүүлийн мэйл ба өнөөдрийн мэдээнд:

1. Airbnb - Борлуулалт өссөн ч ханш унав 😔 

2. AMC - Алдагдал буурсан ч ханш өндийсөнгүй 📉

3. Shopify - Зардлаа хянаж чадахгүй байсаар 🤥 

4. Uber - Буруу хөрөнгө оруулалтын үр дүн 🫠 

5. Robinhood - Өнгөлөг ирээдүй🔮

🏨 Борлуулалт өмнөх оны мөн үеэс $1.82 тэрбумаас 18%-иар өсөж $2.14 тэрбумд хүрэв. Цэвэр ашгийн хувьд $264 саяын ашигтай ажилласан бөгөөд энэ нь өмнөх оны мөн үеэс 128%-иар өсжээ. Борлуулалт, ашиг хэдий ч ирэх улирлын борлуулалтын төсөөлөл нь шинжээчдийн таамгаас доогуур байгаа тул хувьцааны ханш арилжааны дараах цагаар 8.36%-иар унасан байна.

📔 Онцлох үзүүлэлтүүд:

• EBITDA $424 саяд хүрч 62%-иар өссөн.

• 2-р улиралд компанийн зүгээс борлуулалтыг $2.68-$2.74 тэрбумын хооронд байхаар төсөөлсөн. Шинжээчид $2.74 тэрбумын орлого олно хэмээн таамагласан.

• АНУ-д Airbnb программын таталт өмнөх жилээс 60%-иар өссөн байна.

• Мөн энэ зуны хувьд Олимп, Евро цом зэрэг олон улсын арга хэмжээнүүдэд төвлөрсөн аялал жуулчлалын эрэлтээс шалтгаалж 3-р улиралд орлого нэмэгдэнэ гэсэн хүлээлттэй байгаа ажээ.

🎥 Анхны meme stock болох AMC entertainment 1-р улиралд $951.4 саяын борлуулалт хийсэн бөгөөд энэ нь өмнөх оны мөн үеэс $3 саяар буурчээ.
Цэвэр ашгийн хувьд 2023 оны 1-р улиралд $235.5 саяын алдагдалтай ажиллаж байсан бол 2024 оны 1-р улиралд алдагдлын хэмжээ буурч $163.5 саяын алдагдалтай ажиллажээ.

📕 Онцлох үзүүлэлтүүд:

• Кино үзвэрийн орлого: $530.5 сая /бодит/ - $506 сая /таамаглал/

• Хоол, шингэн хүнсний орлого: $321.2 сая /бодит/ - $312 сая /таамаглал/

🤔 Тайлангийн үзүүлэлтүүд шинжээчдийн таамгийг давсан хэдий ч АНУ-ын үйлчлүүлэгчдийн тоо 30.49 сая болж 5.8%-иар, нийт үзэгчид 2.1%-иар тус тус буурчээ. Улмаар мэдээний дараа хувьцааны ханш 4%-иар унасан бөгөөд энэ нь оны эхэн үетэй харьцуулахад нийтдээ 50%-иар унасан үзүүлэлт болжээ.

⭐️ Онцлох нь:

• Энэ оны эхний улирлын тайлан гарч, хувьцааны ханш 20 орчим хувиар унав.

• Борлуулалтын орлого төсөөлж байснаас сайн гарсан ч зардал мөн нэмэгдсэн нь алдагдалтай ажиллахад хүргэсэн байна.

• Компанийн удирдлагууд эхний улирлын гүйцэтгэлдээ сэтгэл хангалуун байгаа нь хөрөнгө оруулагчдын сонирхлыг төрүүлж байна.

Хувьцааны ханш 2021 онд дээд ханш буюу $170 хүрч байсан бол одоогоор $62.73-тай тэнцэж байна. Борлуулалтын гүйцэтгэл хүлээлтийг давсан ч хувьцааны ханш унасан бөгөөд энэ нь зардал өндөр хувиар өссөөр байгаатай холбоотой байна.

👍️ Эерэг нөхцөл байдал
Тэд АНУ-ын онлайн жижиглэн худалдааны 11%-ийг бүрдүүлж байгаа бөгөөд цаашид орон зай байгаа гэж хэлж болно. Учир нь тус улсын худалдааны салбарын 80% нь одоог хүртэл уламжлалт борлуулалтын сувгийг ашиглаж байна.

Uber Technologies өнгөрсөн улиралд $10.13 тэрбумын борлуулалт хийж 15% өсөлт үзүүлсэн. Нийт аяллын тоо 21% нэмэгдэн 2.52 тэрбум болсон нь орлого нэмэгдэхэд чухал нөлөө үзүүлсэн байна.

📘 Орлогын задаргаа / орлогод эзлэх хувьд :

• Mobility / Такси - 5.63 тэрбум / 56%

• Delivery / Хүргэлт - 3.21 тэрбум / 32%

• Freigh/ Ачаа тээвэр - 1.23 тэрбум / 13%

Орлогод нөлөөлөх өөр нэгэн хүчин зүйл бол MAPCs буюу сарын идэвхтэй хэрэглэгчдийн тоо юм. Идэвхтэй хэрэглэгчдийн тоо 1 жилийн хугацаанд 15% нэмэгдэн 149 сая болсон байна.

Ингэснээр, Үндсэн үйл ажиллагааны алдагдал 2023 оны мөн үед $138 сая байсан бол өнгөрсөн улиралд тэд $172 саяын үйл ажиллагааны ашигтай ажиллажээ.

Гэвч, Uber энэхүү улиралд $663 саяын алдагдалтай(Net loss) ажилласан. Тухайлбал үйл ажиллагааны бус зардалд бүртгэгдсэн $678 саяас үүдэлтэй энэхүү алдагдал үүссэн байна.

🔍️ $678 саяыг ухаад үзвэл, хувьцаа болон өрийн хэрэгсэлд оруулсан хөрөнгө оруулалтаас шууд хамааралтай байна. Тухайлбал алдагдалтай хөрөнгө оруулалтууд нь :

• Didi investment - $123 сая

• Aurora investment - $505 сая

• Grab investment - $69 сая

Ингэснээр, компанийн алдагдал $654 сая болсон ба энэхүү тайлангаас үүдэлтэй хувьцааны ханш 5% унасан байна. Хэдий компанийн хөрөнгө оруулалт алдагдалтай байгаа ч Unrealized буюу хэрэгжүүлээгүй байгаа тул бодит алдагдал болоогүй байна.

Тэд 2024 оны 1-р улиралд $618 сая орлого олж, нэгж хувьцаанд ноогдох ашиг $0.18 болсон нь шинжээчдийн таамаглалаас давсан үзүүлэлт байлаа.

Онцлох үзүүлэлт:

• $2.8 тэрбум хадгаламж шинээр татсан

• 500,000 шинэ данс нээгдсэн

• Төлбөр тооцооны карт захиалагчийн тоо 260,000-р нэмэгдэж 1,7 саяд хүрсэн

• Хувьцааны ханш сүүлийн 6 сард 125% өссөн

Санхүүгийн цогц үйлчилгээ үзүүлэгч болох дөхсөөр

Тэд Gold Credit Card гаргаж байгаагаа 3-р сард зарласан бөгөөд зөвхөн Robinhood Gold кредит картаар гүйлгээ хийхэд 3% буцаалт авах, гадаад гүйлгээ шимтгэлгүй гэх мэт давуу талтай бүтээгдэхүүн танилцуулсан. Энэхүү картыг 1 сая гаруй хэрэглэгч урьдчилсан байдлаар захиалаад байна.

Мэдээлэл авах

Хэрэв та ам.долларын хөрөнгө оруулалтын талаар мэдээлэл авхыг хүсвэл ЭНД дарж мэдээллээ үлдээгээрэй